Ulangen 28:1-6 Tema : Dibata simasu masu pendahin Tujun : - Gelah ngawan ni perpulungen erpenggurun man Dibata ibas menaken dahin - Gelah ngawan niperpulungen nggejabken maka Dibata simasu-masu pendahinna

OGEN : Ulangen 28:1-6

Tema   : Dibata simasu masu pendahin

Tujun   : - Gelah ngawan ni perpulungen erpenggurun man Dibata ibas menaken dahin

-    Gelah ngawan niperpulungen nggejabken maka Dibata simasu-masu pendahinna

Pendahuluan

            Kerina kita ipindoken gelah erdahin janah labanci jadi perkisat, she maka ibas kita erdahin epasti mengharapken hasil si maksimal she maka banci ka teridah ibas keberhasilen pendahinnta e. Gelah pendahin e berhasil melala  usaha-usaha si ilakoken  manusia.  Tapi adi sinen ibas Pustaka Sibadia “Kitab Kejadin 1:26-28 : kenca manusia e ijadiken Dibata , manusia e ibereken dahin, gelah ikuasaina kerina nurung, perik-perik, bagepe kerina asuh-asuhen subuk sigalangbagepe sikitik, emaka ipasu-pasu Dibata manusia ndai.

            Teridah maka Dibata simereken kengasupen erdahin man manusia me janahn masu-masu pendahinna, she maka manusia ndai nndahiken dahinna si teridah she genduari enda “bertambah banyak ras terus bekerja keras”.  Alu bage banci sikataken maka gelah berhasil pe pendahinnta harus kapen ipasu-pasu Tuhan Dibata, perbahan Ia  si mere kengasupen erdahin janah Ia kange simasu-masu.

Isi

            Musa tetap mpersingeti bangsa Israel gelah ula lupa nandangi Tuhan Dibata sebagai sumber pasu-pasu ibas ia ndalani kegeluhenna. Tuhan Dibata enggo milih bangsa  Israel jadi bangsa pilihenNa, janah enggo icidahkenNa man bangsa Israel ibas penemani ras pengarak-ngarakNa nandangi bangsa Israel ndarat I Mesir nari. Enda ipersinmgeti Musa perbahan ibas paksa sie she genduari pe melala pengaruh-pengaruh kepercayaan/kiniteken sideban simempengaruhi manusia ibas geluhna she maka guna ndatken keberhasilen lanai ia mindo pasu-pasu man Tuhan Dibata bahkan lit dimenundalken Dibata.  Sebagai contoh, melala bangsa –bangsa simenyembah Dewa/Dewi ras pe Baal guna ndatken kesuburen gelah berhasil pendahinna, janah mungkin she paksa genduari pe lit kange dim tek man jimat-jimat guna usaha entah pe pengelaris ras sidebanna. Tapi sie kerina labo mendapat keberhasilen tapi ndatken musibah nge kedungenna., perbahan Tuhan Dibata merawa, sebab ikatakenNa “Aku Dibata si mecimberu”.

            Emaka pasu-pasu Dibata e banci sialoken adi :

“Si ikutken Tuhan Dibata dingen alu tutus sipakeken kerina perntah-perentahNa “ (Ulangen 28:1-2).

            Ibas Kitab Ulangen 28:1-8 enda siidah maka pasu-pasu Tuhan Dibata e berdipat konprehensif, komplit atau lengkap : lahir – batin, jasmani- rohani.  Kalak sinipasu-pasu Tuhan Dibata  ndatken keduduken simehuli I masyarakat, geluh nalu aman ras sejahtera, kesuburen, keberhasilen bisnis ras usaha, kemenangen ibas peperangen ras politik, gelar simehuli ras kekuaten, ras sidebanna. Pasu-pasu Dibata etuhu-tuhu luas ras menyeluruh, seh maka geluhta tuhu-tuhu dame, sejahtera, adil ras makmur janah berbahagia. Emaka marilah kita ndahiken dahinnta e alu tutus janah tetap erkemalangen man Dibata she maka sampur pasu-pasuNa ibas geluhta.

Aplikasi

            Dibata nge ulu pasu-pasu ibas kerina dampar geluhta, emaka tetaplah kita ernalem man Dibata ibas ndalani kegeluhennta. Termasuk pe ibas kita ndahiken dahin- dahinnta i tengah-tengah doni enda.

Ibas benaken dahin e marilah kita erpengendes janah mindi pengarak-arak ras pasu-pasuNa janah ibas ndahiken dahin e siikutken kerina pedah-pedah – pedahNa, alu bage kita banci ndatken keberhasilen janah arah kita pe teridah pasu-pasu Dibata e man kalak sideban.

            Tetaplah kita ngikutken Dibata janah ndalanken perentahNa, ula nilah ibas Ia nari aminna melala tantangen entah pe cobaan ras rayuan-rayuan ibas sideban si banci erbahanca kita nilah ibas Dibata nari. Teklah Dibata ulu pasu-pasu man banta. Dibata simasu-masu pendahinnta.