LITURGI KEBAKTIN NATAL LANSIA
TAHUN 2015
Thema : Tuhan Reh Maba Kemalemen Ate (Jeremia
17:7)
Sub Tema : Arah kemalemen ate si ibereken Tuhan mpengasup
Lansia GBKP tetap megenggeng erpengarapen, erkekelengen ras jadi usihen man
anak-anak ras kempu-kempu
Persiapan
1.
Perpulungen
ngendeken piga-piga lagu pujin si berhubungen ras ibadah Natal
2.
Panitia Natal mereken penjelasen kerna liturgi.
3.
Pertoton
Pembukaan.
4.
Rende PEE No. 9
: 1 – 3, Pesikaplah Ukurta
(Perp.
Tedis)
(Simabai kebaktin nangkih ku mimbar)
1.
Pesikaplah ukurta adi ndahi Dibata
Ukur si serbut, si
lit bas kita
Endeskenlah man
baNa
Reff : Ban Ia si mereken pengadin, makana kita dorek min terkelin
‘Di Yesuslah sibahan man temanta, e
tentu malem kel ateta
2.
Gejapkenlah dosanta adi ngadap Tuhanta
Dosa si runut si ngampang kita
Ampekenlah kempakSa
Reff : Ban
Ia.
Kebaktian
1.
Votum : Kebaktin Natal Lansia enda ibenaken ibas gelar
Dibata Bapa, sinjadiken langit ras doni, ibas gelar anakNa Yesus Kristus sijadi
Juruselamat manusia, ibas gelar Kesah si Badia si mereken gegeh man manusia
guna tetap setia man baNa.
2.
Salam : Ola mbiar, Aku reh maba Berita si
Meriah si mereken kemalemen ate man kerina manusia. Gloria.
Perp. : Glo...ria – Glo...ria – Glo...ria...
(Iendeken...)
3.
Introitus : Malem me ate kalak si muas melihe nehken
peraten Dibata, sebab ibesuriNa me ia (Mat. 5:6)
4.
Rende : KEE No. 115 : 1 –
2, Keriahen si Mbelinna
1.
Keriahen si
mbelinna, si kuberitaken e
Enggo tubuh si Permakan,
eme Tuhan Yesus e
Pujilah min
Dibatanta, ras dame, dame, dame man banta
Dibatanta si erkuah
ate, man kita jelma e
2.
Ibas berngi enda terang, bintang si mehel-hel e
T’rangna seh ku
perukuren, si lanai erlayas pe.
Pujilah min
Dibatanta, ras dame, dame, dame man banta
Dibatanta si erkuah
ate, man kita jelma e
5.
Responsoria : Kemalemen Ate erkiteken Pengkawali
Dibata (Perp. Kundul)
Lit. : Talangi
pintu gerbang kota
Perp. : O
Tuhan, iberekenNdu kap dame si tuhu-tuhu man kalak si tetap ukurna, dingen si
ernalem man baNdu.
Lit. : Ernalemlah
man Tuhan seh rasa lalap, tentu ikawaliNa kita tetap.
Perp. : Enggo
ipeterukNa kalak si meganjang ukur, icedakenNa kota sinteguh inganna tading, janah
iperperkenNa tembokna si meganjang, kalak sinai itindas gundari erdalan ibabona
iperjakina alu nahena.
Lit. : O
Tuhan, dalan kalak benar mesai ibahanNdu, dalan siman bentasenna kendit
tuhu-tuhu.
6.
Rende : PEE No. 95
: 1 – 2, O Tuhanku Kam me Permakanku
1. O Tuhanku Kam
kap permakanku, emaka la kekurangen aku
Ku mbal-mbal
m’ratah aku babaNdu, ipesenang-senangNdu geluhku
Reff : Permakanku sinjayam geluhku, malem ateku
senang tuhu
KelengNdu tetap maler man bangku, Kam me Tuhanku, permakanku
2. IteguNdu kempak
lau si maler, ibahanNdu ateku nggo malem
Emaka tedeh
ate tendingku, kempak keg’luhen si sikapkenNdu
Reff :
Permakanku...
7.
Pengogen Kata Dibata :
Masmur 23 : 1 – 2
Lit. : Ketuahen
kalak simegiken Kata Dibata dingen makekenca ibas geluhna sitep-tep wari.
Maranatha.
Perp. : Maranatha...Maranatha...
Maranatha... (Iendeken ...)
8.
Nagani Lilin
Natal, Rende KEE No. 135 : 1 – 3 Berngi
e, Nggo Kepe
1.
Berngi e, nggo
kepe, Yesus reh ku doni e
Nusurlah
ngangkut dosanta me kin
Jadi kap musil
lah sangap pagin
Asa si tek Tuhan e, asa si tek Tuhan e
2.
Anak e, bujur pe,
si ngena me aku e
KiniulinNdu
tadingken Kam
Bengket ku
doni lah t’rang si gelap
Aku daramenNdu
e, aku daramenNdu e
3.
Berngi e, nggo
kepe, Tuhan reh ku doni e
Padan Dibata
teridah tetap
KinikelengennNa
banta me kap
Tuhan si puji
gelah, Tuhan si puji gelah
9.
Renungen Natal
a.
Ertoto
b.
Khotbah
c.
Ertoto
10.
Pengakun Kiniteken (Perp.
Tedis)
11.
Persembahan Pujian/Koor/Vocal Group (Perp.
Kundul)
12.
Nehken Persembahen (100%
guna pensiunen GBKP)
a.
Kata Dibata kerna persembahen : Emaka bengket
ia kubas, idahna Anak ndai ras Maria nandeNa, jenari erjimpuh ia nembah Anak e.
Ibuatna erta-erta si ibabana e jenari ipersembahkenna man Anak simbaru tubuh e.
Erta-erta si ipersembahkenna e eme : emas, kumenen ras mur (Mat. 2:11)
b.
Rende : KEE No.
123 : 1 – 3
Ketuahen Me
1.
Ketuahen me, riah
ukur me, ketubuhen ni Yesus e
Sangap me
jelma, reh me Tuhanta
Mari surak aleplah Haleluya
2.
Ketuahen me, riah
ukur me, ketubuhen ni Yesus e
Malem me ateta, ‘rdame ras Dibata
Mari surak aleplah Haleluya
3.
Ketuahen me, riah
ukur me, ketubuhen ni Yesus e
Yesus
penawarta, tubuh man gunanta
Mari surak
aleplah Haleluya
13.
Persembahen Pujian/Koor/Vocal Group
14.
Pertoton Syafaat
15.
Persembahan Pujian/Koor/Vocal Group
16.
Rende : PEE No. 27 : 1 – 2 Si Endeken ‘Nde-‘Nden
Si Meriah
1.
Si endeken ‘nde’nden si meriah, man Tuhanta si nggo
tubuh bas pelangkah
Sabab patut nge
k’rina kita nembah, ban babaNa terang ngaruh ras pe tuah
Reff :
Dage mari kita kerina, ‘lah sipuji gelar Dibata
Ulanai ukur
erbera, Tuhan Yesus me kap Rajanta
2.
Tuhan Yesus
metunggung dat pujin, perban Ia si ngajari kita kin
Kek’lengenna la erkeri-kerin, adi pakelah pedahNa seh
pagin
Reff :
Dage mari...
17.
Tekad ras Perpadanen (Perp.
Tedis)
Lit. : Kenca
enggo ialokenndu kemalemen ate e, uga nindu ngaloi Tuhan paksa enda ?
Perp. : Tetap
ukurku megenggeng erpengarapen man Tuhan
Lit. : Malem
me ate kalak si ernalem man Tuhan
Perp. : Tetap
geluhku nehken keleng ate bas geluhku
Lit. : Tuhan
si masu-masu kalak si ernalem man baNa
Perp. : Tetap
ukurku jadi usihen man kerina kesusurenku
L+P : Amin.
18. Rende : KEE
No. 193 : 1 – 3 Bas Sinasa TinepaNa
1.
Bas sinasa
tinepaNa, tetap k’rina rende t’rus
‘Nde-enden
pujin Badia, muji gelar penebus
Glo....ria,
Muliaken Tuhan } 2x
2.
Bas ingan si meganjangna, bala Tuhan i Surga
Rende m’riah
ia k’rina, man Tuhan penebusta
Glo....ria, Muliaken Tuhan } 2x
3.
K’rina ginemgem
Dibata, pehaga si tubuh e
Surga doni
rende ia, k’rina aleokenNa pe
Glo....ria, Muliaken Tuhan } 2x
19.
Pertoton Tuhan
20.
Pemasu-masun
Lit. : Alokenlah
kemalemen ate si rehna ibas Dibata nari : “Ipasu-pasu janah ikawali Dibata kam,
siang ayo Dibata ersinalsal ibabondu, janah melias ateNa ngenehen kam. Itatap Dibata ku kam, janah malem atendu ibahanNa. Amin.”
Perp. : Amin...
Amin...
Amin... (Iendeken...)
Varia Natal
Tidak ada komentar:
Posting Komentar