LITURGI KEBAKTIN TUTUP TAHUN 2015 DAN BUKA TAHUN 2016

LITURGI KEBAKTIN

TUTUP TAHUN 2015 DAN BUKA TAHUN 2016

 

Thema         :  “Nggeluh alu  teneng dingen damai”

                      Persiapan

Aturken kerina petugas siedahin ibas kebaktin. Ise simbaba doa syafaat, simbaba rende ras renungen. Bagepe alat siniperluken guna kebaktian rikut perluna. Persikapen ingan kantong persembahen bagepe persembahen pengataken bujur ibas pergantian tahun gelah ipersiapken alu mehuli

                      Kebaktin

(Ibenaken pukul 23 : 00 WIB)

1.      Rende SEE No  167 : 1-3

1)   Tuhan tetap nemani geluhku , dingen mereken dalan man bangku

      Ernalem gelah tetap ras ertoto man bana , Tuhan tetap nemani geluhku

2)   Tuhan tetap nemani Tuhan tetap nemani geluhku , dingen mereken dalan man bangku

      Tedeh ate tendingku ngidah kemulianNdu , Tuhan tetap nemani geluhku

3)   Tuhan tetap nemani geluhku , dingen mereken dalan man bangku

      Enda me kegluhenku kuendesken man banNdu , Tuhan tetap namani geluhku

2.      Responsoria  :

P       :  Pujilah Dibata singkawali ras singarak-ngarak perdalinen geluhta , enggo igejapken kita kerna kerina perbahanenNa ibas geluhta

J        : Bas kerina dampar kegeluhenta enggo icidahkenNa kap maka Ia nge sitetap si nampati, singkawali ras sinaruhken kita kubas penghujung tahun enda

P       : Perdalanen geluhta ibas tahun 2015 enda labo erkiteken ngasup, gegeh ras beluhta tapi erkiteken pemerena siseh kal simparna man banta

J        : Tapi kerinana erkiteken Kuasa gegeh Tuhan ras penemanina geluhta

P       : Kam kap Raja dingen Dibata si perkuah ras perkeleng

J        : Singaturken geluh ras simereken kemenangen ibas kerina perbeben nggeluh

P       : Kam Kap permakan situhu-tuhu

J        : Simbabai kami kubas mbal-mbal simeratah dingen simbabai kami kubas dalin kegeluhen

P       :  Emaka ate kami muji kam gedang-gedang wari geluh kami.

3.      Rende PEE No 119 : 1-3

1)   Tegu aku anakNdu , bas perdalan geluhku

      di aku paksa labuh ambatilah musuhku

Reff :   Tegu aku ibas perdalanenku

            Kam me ngenca kulebuh , cikpendu tannku nteguh

2)   Kam bentengku sipaguh , gia musuhku ngupuh

      Amin mara pe nderpa , la aku bera-bera

      Reff :.................

3)   Seh de paksa sifatku , Tuhan tetap temanku

      Lalap malem ateku , kam ngenca penampatku

      Reff :..........................

4.      Renungan : Iawali ertoto  janah itutup ka alu ertoto

Renungen  : Masmur 62 : 1-13

      Tema         : Nggeluh alu dem  teneng dingen damai

      Selamat tahun baru man banta kerina isi Jabu !!! Alu la sigejap  tahun 2016 nggo ka nimai kita . Sada tahun waktu nggo ka silewati. Melala hal enggo sinanami  kita ibas tahun enda baik riah ukur, ceda ate , kekecewaan bagepe  kecedan ukur . Melala pengalamen kegeluhen enda ndai baik pengalaman sialing buruk bagepe pengalaman simehuli  enggo sibentasi. Melala  pertotonta mungkin enggo ibegiken Dibata janah lit ka deba langa ijababna. Lit deba masalah enggo terdungi lit ka deba langa ka terdungi. Malah adi iukuri maka masalah  sireh pe labo ka kurang  ibas tahun 2016 enda pe. Melala kita rusur rukur kai ka nge bakal sijadi ibas tahun simbaru enda pagi ? Bas siaren-siaren Televisi rusur imunculken prediksi kai siterjadi ibas tahun sibakal ilewati khususna masa-masa sidem alu hal-hal sisulit rusur iangkat. Melala prediksi singatakenca maka ibas masa sireh enda keadaan akan semakin sulit melala kal ujian ras tantangan sibakal sireh. Megastisa kal kita fokus kubas kebiarenta . Megati kita lupa maka ibas Tahun simbaru e pe lias perkuah ate Tuhan tetap nge lit janah lias atena nandangi manusia tetap denga teruji .

Renungenta enda mereken bas tahun simbaru enda mereken sada pergegeh man banta guna banci tetap teneng ( bhs Indonesia : Tenang ). “Alu sinik kutimai Dibata ngkelini aku, sabap man baNa saja ngenca aku ernalem “ Masmur 62:2 .  Ketenangen labo merupaken sada keadaan tapi lebih kubas sada keputusen. Uga pe burukna situasi silit kita banci memutusken tetap tenang. . Uga maka kita banci tetap tenang ibas masa si sulit ? Kunci utama maka kita banci tenang emekap erkiteken kita erDibata. Kita erDibataken Dibata sila pernah nadingken kita janah penampatna rusur tepat ibas paksana. Hal enda me siikataken Daud “  Dibata kap kecion dingen gegehta, lalap ia sikap nampati katawari kita i bas kesusahen” ( Masmur 46 : 2). Perkatan “ lalap” maka Dibata e la erpaksa guna nampati kita tapi ibas kerina waktu ras keadaaan.  Arah enda kita ipersingeti maka la lit alasen guna la tenang.

Wari demi wari doni enda makin kebenen ketenengen. Kalak bayak lanai teneng ukurna sebab rusur ia mbiar kuja nge man taman kerina kinibayakenna. Bas rumah pe lanai ia tenang sanga medem emaka i pasang CCTV guna ngawasi rumah. Kalak msuli pe la banci tenang erkiteken wari-warina erangkep uga ngenda carana encukupi kebutuhen nggeluh. Anak singuda e la tenang erkiteken daya saing ibas pendahin pe semakin wari semakin menuntut SDM si lebih. Kecendrungen si biasa muncul adi manusia la tenang maka ia makin reaktif. Sehingga alu sikap reaktifna maka i daramaina celah guna mengatasi masalahna alu cara la payo. Kalak bayak melala berhubungen ras Paranormal guna Konsultasi gelah lit pengian rumah. Kalak musil ngelakoken tindaken-tindaken simengarah ku tindak krimininal misalna nangko, ngerampok, jadi agen barang terlarang. Anak singuda pe melala kal akhirna terjebak guna ndarami kesenangan sesaat guna ndarat ibas kerina keadaan sulit. Megati kal kita lupa makana kunci guna nggeluh tenang emekap “ erpengendes man Tuhan” . Pustaka Sibadia mereken sada masuken simbelin kal man banta kerna uga seh kubas ketenangen bagi siikataken ibas Yesaya 30 : 15  “TUHAN si Erdolat, Dibata si Badia nu Israel, erkata man bangsa e nina, "Marilah mulih, janah ernalemlah man bangKu alu teneng. Alu bage megegeh dingen terkawal me kam. Mulih ku Tuhan ( bertobat )  janah ernalem ku Ia mereken gegeh si luar biasa. . Kalak si tenang ngasup ngalakan kerina keadaan. Sebalikna kalak sila tenang pikirenna biasana cendernung ku negatif. Melala kal kekeliruan-kekeliruan sinierbahanca makin lanai ia tenang.

Guna ndatken ketenangen e maka perlu kal kita melala ertoto. Ertoto eme ulu gegeh ras kengasupennta. Adi melala kita ertoto ertina melala kita ergaul ras Tuhan. Adi melala kita ergaul ras Ia sebagai ulu ketenangen maka ketenangenNa e bengket ku kita. Adi tenang kita maka melala persoalen ibas geluhta teratasi alu gegeh pertotonta. Emaka nina permasmur ibas komitmenna ngatakenca “ Ia ngenca si ngkawali dingen si ngkelini aku, Ia penampatku, la ndigan pe aku talu”. Emaka bicara i perhadapken pe kubas tahun 2016 alu kerina perbeben singerim-rim maka labo perlu kita mbiar maka kerina perbeben e banci siatasi alu gegeh ras penampat Tuhan . Kita tetap jadi pemenang ibas tahun 2016 enda pe.

"Karena itu kuasailah dirimu dan jadilah tenang, supaya kamu dapat berdoa."                         (1 Petrus 4:7b).  Bila kita tenang kita bisa berdoa dan banyak persoalan yang dapat kita selesaikan ketika kita berdoa.  Sungguh,  "Hanya dekat Allah saja aku tenang, dari pada-Nyalah keselamatkanku."  (Mazmur 62:2).  Artina, ketenangan hanya kita dapatkan ketika kita hidup dan tinggal dekat Tuhan.

5.      Pengakun Kiniteken

6.      Persembahen

Ø  Rende  : 181 : 1-2

Ø  Pertoton kerna persembahen + Doa Syafaat

Kenca dung doa syafaat , adina lit waktu nimai jam 00.00 wib ipake guna ercakap-cakap kerna perkuah ate Tuhan

Pukul 00.00 WIB

7.      Rende : 117 : 1-2

1)   Nggo mentas Tahun male e, kam me kupuji Tuhan e ,

      Jaga kawali kam tetap tendingku ras dagingku e

2)   O, Yesus kam penebusku , keleng atendu man bangku

      Tahun simbaru enda pe taruhken perpulungen e

8.      Responsoria

P          :  Tahun 2016 nggo ka seh

J           :  Bujur sikataken man Tuhan

P          :  Langa bo keri keleng ate Tuhan , perkuah ateNa tetap nge lit

J           :  Bujur man Tuhan arapkenlah tetap perkuah ateNa

P          :  Keleng ateNa mbincar tep-tep erpagi-pagi bali tetapna ras matawari pultak arah kenjulu

J           :  Kita erdalan kap ibas keleng ateNa saja

P + J    :  Pujilah Tuhan o Tendingku

9.      Ertoto (pengataken bujur sehna tahun 2016 )

10.  Rende KEE no 117 : 4

Lias ateNdu O Tuhan, bre min man kami ras teman

Urasi kami krina min alu kesah Badia e

11.  Pertoton Tuhan

Pakekenlah tahun si mbaru enda jadi kesempatenndu guna ngerembakken diri man Dibata bage pe tetaplah arapkenndu ibas Dibata nari pengkawali ras alokenlah pasu-pasuNa :

Ipasu-pasu janah ikawali Dibata kita (kam), siang ayo Dibata ersinalsal i babo nta (ndu), janah melias ateNa ngenehen kita (kam). Itatap Dibata ku kita (kam) janah malem ate ta (ndu) ibahanNa. Amin

      Perpulungen : A.....min    A....min    A..........min

12.  Sisalam salamen anggota keluarga