LITURGI KEBAKTIN NATAL MORIMAR TAHUN 2015

LITURGI KEBAKTIN NATAL MORIMAR

TAHUN 2015

 

Thema          : “Kekenlah, tetaplah ersinalsal terangndu gelah ermulia Dibata arah kam”

                        (Matius 5:14)

Sub Tema     :  Natal mpegegehi mulihi mamre/moria guna tetap maba terang ku bas doni si gelap enda baik ibas pendahinna, jabuna ras itengah-tengah masyarakat. Gelah ermulia Dibata arah kegeluhen moria/mamre.

Persikapen

1.      Erlajar rende, ende-enden si lit ibas tata ibadah natal si ibabai MC

2.      Pengarahen kerna tata ibadah ras si muat bagin ibas kebaktian Natal

3.      Kata penaruh ku bas kebaktian (Ibabai sekalak serayan Tuhan, Pt/Dk)

       Senina ras turang kekelengen Tuhan Yesus Kristus. Yesus Kristus reh kutengah-tengah doni si gelap, doni si dem alu dosa. Ia reh maba terang, dame, pengarapen bage pe perubahen nandangi doni enda arah keleng ateNa. Kita si mulana gelap erkiteken dosa ibahanna jadi terang arah pengalemi dosanta. Saja ngenca ma nggit nge kita moria/mamre maba terang e ku doni enda?? (ibereken waktu guna paksa teneng)

Mari dage si pesikap pusuh ras ukurta guna ngadap Dibata man Dibata ibas natal moria/mamre enda.

4.      Ertoto

5.      Rende: Pee 82: 1-2

1)   Meriah kal ukurta reh kap penampat

Pesikaplah dalinNa ibas ukurta

Biak-biak kegelapen tadingken krina

Aloken kesangapen keleng ateNa

Reff :   Sialo-alo Ia ralep-alep lah min kita

            Pesikaplah inganNa bas ukurta

2)   Di lit simeluk-eluk si pesikaplah

Ukur si ngeduk-ngeduk jadi pinter lah

Pesai-pesai dalanNa Raja Mulia

Babailah kalak krina nembah man baNa Reff :

(Barisan Prosesi Memasuki Ruang Ibadah)

Kebaktin

1.    Votum, salam, Introitus (L: liturgis, P : perpulungen)

L    :  Kebaktin natal enda ibenaken ibas gelar Dibata Bapa,  si erkeleng ate man doni enda, Ibas gelar AnakNa Yesus kristus, si mpeteruk Bana jadi seri ras  manusia ras Ibas Gelar Kesah Sibadia, si mereken keriahen si tuhu-tuhu seh rasa alap.

L    :  Perkuah ate ras dame ibas Dibata Bapa, ras ibas Tuhan Yesus Kristus   nari, bas  kerembaken Kesah Sibadia ras kita (kam) kerina gelah.

P    :  Amin…..amin….amin….

2.    Invocatio  :  Enda me terang situhu-tuhu; terang e sangana reh ku doni enda nerangi kerina manusia

(Yohanes 1 : 9)

3.    Rende : KEE No. 114 :1,2 “Sendah jumpa kita wari raya e”

1.   Sendah jumpa kita wari raya e

Peringeten tubuh Tuhan Yesus e

Nusur ndahi kita manusia e, keriahen kap e

                  Reff. :  Ermulia me Tuhanta, e sipuji me GelarNa           

                              Perdamen ib’re Dibata Tuhan Yesu kap e

2.   Sembah kami man baNdu si tubuh e

Kam simaba dame ku pertibie

Bengket min kutendi ukur kami, dameNdu o Yesus. Reff…

4.    Koor/V. Gorup/Solo :                                                                                         (perp. kundul)

5.    Responsoria : Kerehen Yesus Maba Terang Man Doni Enda

L    :  Mulana kerina sinijadiken Dibata e tuhu mehuli, janah Dibata nuruh manusia guna ngusahaisa. Tapi manusia ndai ndabuh kubas dosa sierbahanca maka doni ndai nggo jadi gelap erkiteken dosa. Manusia lanai ngeluh bagi ibas terang tapi ia ngeluh rikutken sura-sura daging, ia ngeluh sibunuhen, si cian-cianen, rubati ras ngeluh alu mementingken diri sendiri. Lanai sitik pe ngukurken kerna kalak sideban. Tuhu perukuren manusia ndai nggo she kel gelapna.

P    : Dosa nggo ngeliami kami, ngaku nge kami maka rusur nge kami ndabuh kubas dosa. La pedah kalak si deban siman perdiateken tapi jabu kami e pe nggo maun lanai terban kami erbahan simehuli. Kami saja ate kami iperdiateken.

L    :  Perban nggo gelapna doni enda erkiteken dosa emaka reh me Dibata ku doni enda guna nerangisa doni.

P    : O Tuhan, idahndu kap kekoten ras kelepaken kami. Daramilah kami, ibas kami lalar ibahan sura-sura kami. Dahilah kami, tupung pendahin kami nirangken kami ras Kam. Rehlah Kam Tuhan, terangi pusuh kami.

L    :  Tuhan reh ndahi kita sekalak-sekalak ibas kekotenta, kelepakenta ibas geluhta. Berelah dage dirinta guna tetap iterangi Tuhan alu sialoken Ia ibas pusuhta sekalak-kalak.

6.    Rende : PEE 27:1,2,4

1)   Si endeken ‘nde-nden si meriah

Man Tuhanta si nggo tubuh bas pelangkah

Sabab patut nge k’rina kita nembah

Ban babaNa terang ngaruh rasp e tuah

Ref.   :  Dage mari kita kerina ‘lah si piji gelar Dibata

         Ulanai ukur erbera Tuhan Yesus me kap Rajanta

2)   Tuhan Yesus metunggung dat pujin

Perban Ia singajari kita kin

Ke’klengenNa la erkeri-kerin

Adi pakelah pedahNa seh pagin. Reff…

3)   Tuhan Yesus kuinget min Kam rusur

‘Lah babaiNdu pergeluhku ku si bujur

‘Di bage kiniteken la erkusur

Enggo paguh gia lit rusur si ngurgur. Reff….

7.    Koor/V. Group/Solo :

8.    Responsoria : Kiniulin Nggeluh Ibas Terang

L             :  Doni segelap enda nggo iterangi Tuhan alu kerehenNa ku doni enda. Dosa nggo talu, janah ise si enggo ngaloken Tuhan Yesus ia pe nggo iterangi Na.                                                                       

Moria      :  Tuhan kami ngaloken kam ibas geluh kami emaka ngeluh ate kami ibas terangngu e. Adi gel-gel kami saja ate kami iperdiateken tapi genduari kami nggeluh la egois tapi nggit ngukurken kai si mehuli man anak jabu kami, man turang/senina kami ras man teman kami sada perpulungen ras man kalak sideban. Adi gel-gel kami la nggit mengalah perban benar akap kami kami tepi genduari kami nggit ngenehen simehuli ibas kalak sideban alu kiniteruken ukur gelah la iakap kami simehulina.

Mamre    :  Kami pe ate kemi  nggeluh ibas terang si enggo aloken kami e gelah ermulia Kam Tuhan I tengah doni enda. Adi gel-gel keperlun kami saja ngenca iukuri kami tapi genduari ate kami mere diri kami guna banci erbahan si mehuli man anak jabu kami, ibas pendahin kami bage pe I tengah-tengah masyarakat.

L             :  Tuhan kap sinemani kerina anak-anakNa guna tetap ngasup nerangi doni enda.

9.    Rende: KEE No. 193: 1,2,3 “Bas Sinasa TinepaNa”

1)   Bas sinasa tinepaNa, tetap k’rina rende t’rus

Nde-enden pujin badia muji gelar penebus.

Reff…Glo…ria muliaken Tuhan, Glo…ria muliaken Tuhan

2)   Bas ingan si meganjangna, bala Tuhan I surga

Rende m’riah ia k’rina, man Tuhan penebusta. Reff…

3)   K’rina ginemgem Dibata, pehaga si tubuh e

Surga doni rende ia, k’rina alokenNa pe. Reff….

10. Drama/Puisi/Solo/Koor/V. Group :

11. Rende: KEE No. 135; 1,2,3 “Berngi e Nggo Kepe”                                         (perp. tedis)

1)   Berngi e nggo kepe, Yesus reh ku doni e,

Nusurlah ngangkut dosanta me kin

Jadi kap musil’ lah sangap pagin,

Asa si tek Tuhan e, asa si tek Tuhan e                     

2)   Anak e,bujur pe, si ngena me aku e,

KiniulinNdu tadingken Kam kap

Bengket ku doni lah ‘rang si gelap,

Aku daramenNdu e, akudaramenNdu e

3)   Berngi e nggo kepe, Tuhan reh ku doni e,

Padan Dibata teridah tetap

kinikelengenNa banta me kap,

Tuhan si puji gelah, Tuhan si puji gelah

12. Nehken kata Dibata :                                                                                          (Perp. kundul)

a)   Ertoto sope khotbah

b)   Khotbah

c)   Ertoto kenca khotbah

13. Pengakun kiniteken                                                                                            (Perp. tedis)

14. Persembahen                                                                                                       (perp. Kundul)

L    :  Kata Dibata kerna persembahen: emaka bengket Ia kubas, idahina Anak ndai ras Maria nandeNa, jenari erjimpuh nembah Anak e, ibuatna erta si ibabana e, jenari ipersembahkenna man Anak si mbaru tubuh e. erta-erta si persembahkenna e, eme emas, kumenen, ras mur”Matius 2:11”

         Ibas kita mengumpulken persembahen ras kita rende : PEE No. 90:1-3 “Nginget Perkuah Dibata Simbelin”

1)   Nginget perkuah Dibata simbelin, si isehkenNa man banta kerina kin

Ibas kerina dampar kegeluhen, idoni si dem alu keguluten.

Reff… Endeskenlah kulanta man Dibata, kerinana silit ibas geluhta

          Selaku persembahenta si nggeluh, em persempahen si ngena ateNa

2)   Sebab bage me arusna kita kin, ersembah man Dibatanta si Mejin

Si nggo m’reken man banta manusia, kegeluhen si mehuli ras badia. Reff…

3)   Marilah kerina si puji Dibata, janah si peteruk ka pe ukurta

Alu bage si dat sura-suraNa, kai si mehuli ras ngena ateNa. Reff…

15. Pertoton persembahen + pertoton syafaat

16. Koor/V. Grou/Solo/Puisi :

17. Responsoria : Tekad natal dan Pengutusen                                                     (Perp. Tedis)

L        :    Tuhan setia kap. Keleng ateNa la pernah ngadi erkiteken dosa manusia. Ia nggit reh lako maba terang ku doni enda, mpesikap mulihi si enggo ceda ibahan dosa.

P        :    O Tuhan, pegegehi kami tetap ibas kami ndalani kegeluhen kami alu nggeluh jadi terng I tengah-tengah doni enda.

 L       :    O senina ras turang kerina. Erta kebayaken, kegeluhen tep-tep wari, pendahin,  kesehaten, keriahen ukur, kepentaren ras sidebanna kerina enggo ibereken Dibata  man manusia. Pakekenlah sie kerina guna mpemuliaken Tuhan.

P        :    O Tuhan pengasup kami guna banci makeken  kerina pemerendu si simpar e  guna mpemuliaken Kam.

L+P    :    Amin

18. Rende:SEE 169:1-3

1)   Sura-sura Yesus Bangku ersinasal tetap

Ngeluh bujur ras mehuli si ngena ateNa

Reff: Ersinalsal terang emsinisuraken Yesus

         Ersinalsal terang kutetap ersinalsal

2)   Sura-sura Yesus Kristus nandangi geluhku

Mpehaga turang senina sisampat-sampaten

Kembali ke reff:

3)   Ku pindo Yesus nampati njaga pusuhku e

Gelah ngasup ersinalsal ngikutken Tuhan e

Kembali ke reff:

19. Pertoton Tuhan

20. Pemasu-masun:

L    :  Dalanilah kegeluhenndu alu nggeluh ibas terang Kristus si nggo alokenndu, janah alokenlah pasu-pasu idur Dibata nari “ Dibata si mada perkuah ate, si enggo nenahken kam ku kemulianNa si rasa lalap ibas Kristus, si njadiken kam serta, tetap megegeh, dingen paguh. Ia nge si mada kuasa seh rasa lalap, si masu-masu kam. Amin.

P    :  A…min, A…..min, A….min (iendeken)

Varia Natal

Ø  Ngendeken Selamat Wari Natal (Sisalamen)

Ø  Kata-kata Sambuten