LITURGI KEBAKTIN PENGATAKEN BUJUR MAN TUHAN YEMIMA NATALIA BR GINTING MUNTHE MEMPEROLEH GELAR SARJANA

 LITURGI KEBAKTIN PENGATAKEN BUJUR MAN TUHAN

YEMIMA NATALIA BR GINTING MUNTHE MEMPEROLEH GELAR SARJANA

==========================================================

A.     PERSIKAPEN

1. Rende : KEE No 338 :1,3

1. Kam ku sembah, ulu tuah, ajar aku me gelah.

    Lah nurihi pujin kami, lalap la ‘rngadi-ngadi.

    Lias ras keleng ateNdu jujurkenNdu man bangku.

    Nteguh paguh la terundu kuasa ras muliaNdu

           

3. Pasu-pasu Surga nari kugejap tiap wari.

    Kepentaren berekenNdu nehken sura-suraNdu.

    PakekenNdulah min aku jadi persuruhenNdu

    Jenda aku, suruh aku nehken kekelengenNdu

 2.  Kata Penaruh

Senina ras turang  ibas  kekelengen  Tuhan Yesus , Tuhan Dibata  tetap emperdiateken ras nehken kekelengenNa  man banta anak-anakNa. Genduari kekelengenta sitergelar Yemima  Natalia Br Ginting Munthe, enggo iwisuda ibas pendidiken si idalanina seh maka genduari enggo meraih gelar Sarjana.  Enda kerina bekas perkuah ras kekelengen Tuhan si iberekenna man banta kerina khususna pe man Yemima Natalia Br Ginting Munthe bagepe keluarga Ginting Munthe mergana.

Kita pulung kerina ijenda ngataken bujur man Tuhan dingen muji ras  muliaken gelarna Sibadia janah ras ras   ertoto gelah kekelengenta Yemima Natalia banci tetap meraih kesuksesan ibas ia enggo memperoleh Gelar Sarjana ibas pendidikenna. sebagai anak Tuhan si tetap mampu mengembangken talenta siibreken Dibata gelah  Gelar Tuhan pe tetap terpuji arah geluhna.

Marlah sipesikap pusuh ras ukurta guna muji ras mpermuliaken Tuhan ibas ibadah pengataken bujur man Tuhan enda ras kita rende  Ku masuk Ruang Maha Kudus  ( 2 x)

Ku masuk ruang maha kudus dengan darah anak domba

Ku masuk dengan hati tulus menyembah yang maha kuasa

                        Ku menyembahMu, ku sembahMu

                        Ku menyembahMu, ku sembahMu

Sbab NamaMu kudus, kudus Tuhan

Sbab namaMu Kudus kudus Tuhan

3. Ertoto 

4. .Rende .PEE No 338 :1,3

1.      Kam kusembah,ulu tuah ajar aku me gelah,

 lah nurihi pujin kami lalap la ‘rngadi-ngadi.

Lias  ras keleng ateNdu jujurkenNdu man bangku.

Nteguh paguh la terundu kuasa ras muliaNdu

3. Pasu-pasu Surga nari kugejap tiap wari,

     kepentaren berekenNdu nehken sura-suraNdu

     PakekenNdulah min aku jadi persuruhenNdu

    Jenda aku suruh aku nehken kekelengenNdu

B.        KEBAKTIAN

1. Votun/ Salam/ Invocatio

L   : Kebaktin enda  ibenaken ibas gelar Dibata Bapa si dem keleng ate,  ras ibas gelar   Yesus Kristus  juru slamat manusia, ras ibas gelar  Kesah si Badia singarak-ngarak  perdalanen kegeluhen anak- anak  Dibata .

  Mejuah-juah man bandu kerina , Dibatalah si tetap masu-masu  ras   mereken    keriahen ras kemalemen ate man bandu kerina. Amin.

 Perp :    Amin ....Amin....Amin......

Invocatio : Marilah siberitaken kemuliaan Tuhan, mari radu ras kita muji gelarNa

                    (mas 34:4)

2. Rende  PEE 217  :1,3

1.      Meriahlah ukurta mujikenca, Dibata raja mbelin si mulia

Peblinken min gelarNa Si Badia , ban Ia ngerajaisa sinasana

Reff  : Maka bujurnge Dibata man pujin , nai nai nari genduari seh pagin

            Ban tandaiNa kita krina sisuin, sembah Ia me madin

2. Dagena mari pujilah Dibata , siinget min kerina pemereNa

    ‘Lah tetap ras megegeh pe tendinta, mehuli me jadina k’rajang  jelma...Reff

3. Pujin Ras Pengataken Bujur Man Tuhan

L     : Endekenlah ende-enden pujin man Dibata, alu pusuh ras ukur  simeriah .

P     : Tuhan kap permakanku, emaka la kekurangen aku.

L     : Pujilah Tuhan o tendingku, ola lupa nandangi kerina kiniulinNa.

P     : Ibas mbalmbal si meratah, ipesenang-senangNa aku, kempak lau si teneng permalerna, itegu-teguNa aku.

L     :  Pujilah Tuhan, Kataken bujur man baNa. Sabab mehuli kap Ia keleng ateNa tetap rasa lalap.

P     : Ipelimbaruina gegehku, ibabaiNa aku arah dalan sipinter erkiteken gelarNa. Aminna erdalan pe aku ibas kelbung sigelap, la aku mbiar jumpacilaka sebab Kam kap ras aku, o Tuhan.IkawaliNdu aku , desken permakan ngkawali biri-biri alu ciken ras kayan-kayanna.

Si Wisuda  :. Lalap aku ngataken bujur man Tuhan. Kupuji Ia la erngadi ngadi

L     : Malem kal ate kalak si cilinggem man baNa, penanam-nanamlah uga belinna kiniulin Tuhan

4. Rende  KEE NO : 289 : 1-2  

1.      Lalap sikataken bujur , beritaken kemuliaan-Na

Mbelin pemere-Na banta , puji gelarNa

Reff: Dibata kap cilinggementa, malem ateta

          Tuhan Dibata penalementa , penanam-nanamlah bas geluhta

                    2. K’leng ateNa kapen nusur, lalaplah ngataken bujur

                       Ingetlah pedahNa rusur segedang umur...Reff ..

      3. Adi seh sura-suranta, labo e perbahan gegehta,

          Maka ula kita lupa , Ia m’rekenca............Reff

5.      Khotbah

6.      Pengakun Kiniteken            

7.      Persembahen

L : Ibas keriahen ukurta ijenda kerina marilah siendesken persembahenta. Kata Dibata sijadi palas nehken persembahen  : Kupuji Tuhan i tengah-tengah perpulungen si mbelin,kerna kerina si enggo ibahanNa. iadep-adepen perpulungen si erkemalangen man Tuhan, kupersembahken persembahen si enggo kupadanken baNa. (Maz.22:26)

8.      Rende   KEE No 343 :1-3 PASU-PASU BAS TUHAN NARI

1.Pasu-pasu bas Tuhan nari, gejapken kami tep-tep wari

   Bas paksa-paksa geluh kami, Kam me kap tetap singkawali

   Pasu-pasu bas Tuhan nari, jadi pergegeh tendi kami

   Guna ndalani wari-wari, si reh na bas Kam Tuhan nari

Reff: Pasu –pasu dage o Tuhan, persembahen kami anakNdu,

          labo kapen enda metunggung, persembahen si nggo pepulung

          AjariNdu pe kami gelah min,tetap ngasup mere man Tuhan.

2.Buaten lit kami o Bapa,gejabken kami Kam empuna

   Tanda ukur kami meriah,endesken kami baNdu Bapa

   Persembahen enda o Bapa,desken bunga ncole merimna

   Persembahen ateNdu ngena, bagelah akapNdu o Bapa...   Reff

3.Aloken min dage o Tuhan,persembahen kami anakNdu

   Labo ban beluh kami Tuhan ,lako mere kuadepenNdu

   Pakeken min dage o Tuhan, persembahen kami anakNdu

   Guna pebelangken kataNdu, nandangi krina tinepaNdu... Reff...

9.       Pertoton Persembahen + Syafaat

10.   Rende KEE NO : 334 : 1-2     

1.   Tuhan ka psi empuna geluhta, gegehta  Ia simerekenca

Kiniteken pe ras pemetehta , epe Ia si njujurkenca

Ia kap sierbahanca kita sangap, tetaplah man Ia kita ngarap

Di reh susah breNa serpang pulah , tendi kula mejuah-juah

2.   Dage tetaplah bulat ukurta, geluhta pe lalap min erguna

Lagu langkah pe la sia-sia, gelar Tuhanlah ermulia

Adi jumpa kita simesera, pengarapen ula kal min pera.

Kune riah ukur kita jumpa, nehken bujur ulakal lupa

11. Tekad  tetap ncidahken kemulian Tuhan

L       : Sangap kal kalak  simalang man Tuhan, singgeluh ngikutken kerina perentahNa. Ipanna me ulihna latih, sangap nggeluh, mehuli sekerajangenna.

P       : Andiko Buena kiniulinNdu, si isikapkenNdu man si mpermuliaken Kam ! Kerina kalak meteh kai si ilakokenNdu, man kalak si cilinggem kempak Kam.

L       :  Kalak bujur ertunas desken batang kurma, mehumur perturahna bagi batang cemara Libanon. Lalap ia meratah dingen paguh aminna pe enggo metua, tetap erbuah, encidahkenca maka bujur kap TUHAN.

Wisudawan : Kukataken bujur man Tuhan erkiteken kiniulinNa,  alu tetap mengembangken talenta si enggo berekenNa man bangku guna kemuliaan Tuhan

P+L  : O Tuhan jadiken kami jadi kalak si tetap malang ras  ernalem man Tuhan, dingen ngikutken kerina perintahNdu, seh maka tetap kami ngasup ngidah bage belinna kekelengenNdu si tetap icidahkenNdu man kami.

11.     Rende  . KEE No. 276 : 1,2     “Kuikutken Kam O, Tuhan

1.       Kuikutken Kam O, Tuhan, Kam kap siperkeleng e

Sabab Kam si mere dalan, dalan terkelin kepe

Reff : Ia kapen Juru Slamat. Ia kapen penampat

           KataNa me kapen tambar, kuasaNa la’rsibar

2.  Tuhan kapen kuarapken, jadi temanku nggeluh

                                Tetap Ia penalemen, kinitekenku nteguh...        Reff...

12.     Pertoton Tuhan

13.     Pemasu masun

L  :  MULIHLAH ALU DAME RAS MEJUAH-JUAH, ALOKENLAH PASU-PASU IDUR DIBATA  NARI :

        Dibata sumbul kemalemen ate e lah sincukupi keperlunndu guna ndalanken si sentudu ras peratenNa. Janah Dibatalah erdahin ibas kam arah Yesus Kristus gelah kam ngelakoken si ngena ateNa. Man Kristuslah kemulian seh rasa lalap .Amin.

P   :  Amin...Amin....Amin