LITURGI KEBAKTIN MPERINGETI SADA TAHUN ENGGO SERUMAHEN RAS TUHAN BP DENI SEMBIRING (NARAS Pt. ND DENI Br. GINTING) PAMAH KUALA SIMEI MEI 10 AGUSTUS 2017 ====================================================

 LITURGI KEBAKTIN

 MPERINGETI  SADA TAHUN ENGGO SERUMAHEN RAS TUHAN

 BP DENI SEMBIRING (NARAS Pt. ND DENI Br. GINTING)

PAMAH KUALA SIMEI MEI 10 AGUSTUS 2017

          ==============================================

A.     PERSIKAPEN

1. Rende : KEE No 205

   1.Rehlah min o Tuhan sikap kami krina , ersembah man baNdu jenda

      Nusurlah min Tuhan, bahan sikap krina, ukur kami pe badia

      O, Bapa, bre gelah, daten pasu-pasu, kami krina enda

3. Tuhan Dibatanta Badia kap Ia , Surga pemuji gelarNa

     Malaiat pe rende  “Tuhan e badia Dibata Sitelu sada”

     Dengkehken kataNa , ikut rende krina, pehaga gelarNa

 2.  Kata Penaruh

Senina ras turang  ibas  kekelengen  Tuhan Yesus , Lit ungkapen singatakenca : “ Ada waktu kedatangen ada waktu kepergian , lit waktu perjumpaan , lit waktu perpisahen.

Perpulugen si ikelengi Tuhan Yesus Kristus, i jenda kita kerina erbahan kebaktian guna mperigeti enggo sada tahun Bp.Deni sembiring ( naras Pt Nd. Deni Br Ginting) lawes nadingken kita serumahen ras Tuhan.  Waktu demi waktu enggo sidalani bagepe keluarga kekelengenta enda kerinaa lit ibas sehat ras  mejuah-juah. Tek kita maka Dibata tetap nemani ras ngarak- ngarak kita kerina ibas ndalani kegeluhen enda  tetap megegeh ras mejuah-juah. 

Kebaktin siilakoken kita enda pe sekaligus mpersingeti kita kerina maka tetaplah sipakeken kegeluhenta enda guna kemuliaanTtuhan, perbahan lit waktuna maka kita pe mulih ku Surga inganta situhu-tuhu sebage anak-anak Dibata. 2 Korintus 5:1 ngataken : “Sebab iteh kami maka  adi kemah si jadi rumhta idoni enda kulanta enda itangtangi, lit kap rumahta i Surga, si tahan rasa lalap,la bekas tan manusia, tapi bekas Dibata erbahan”. Janah kematen ras kekeken Tuhan Yesus ras kenangkihen ku Surga eme merupaken jaminen maka kita kerina ngaloken  kegeluhen si la erkeri-kerin i Surga, Rumah Bapa.

Mari dage sipebulat ukurta guna muji ras muliaken Tuhan ibas kita mperingeti kekelengenta Bp Deni Sembiring ( Naras P Nd Deni Br Ginting) enggo sada tahun serumahen ras Tuhan.   

3. Ertoto 

4. .Rende .KEE No 328 :1-3

1.      Teruh kayu silangNdu ku ndesken geluhku,

Lau sumbul kegluhen, maler kap man bangku

      Reff :  SilangNdu siangNdu e kumuliaken,   Seh ku Surga pe pagin geluhku terkelin

      2.  Teruh kayu silangNdu, liasNdu kuinget

            Ibas dalin geluhku kelengNdu tersinget        Reff...

      3.  Teruh kayu silangNdu tetap ku ernalem,

            Seh ku Surga me aku ateku pe malem ..... Reff

. 

    KEBAKTIAN

1. Votun/ Salam/ Invocatio

L   : Kebaktin enda  ibenaken ibas gelar Dibata Bapa si dem keleng ate,  ras ibas gelar   Yesus Kristus  juru slamat manusia, ras ibas gelar  Kesah si Badia singarak-ngarak  perdalanen kegeluhen anak- anak  Dibata .

  Mejuah-juah man bandu kerina , Dibatalah si tetap masu-masu  ras   mereken    keriahen ras kemalemen ate man bandu kerina. Amin.

 Perp :    Amin ....Amin....Amin......

Invocatio :    Bujur man Dibata, Bapa Tuhanta  Yesus Kristus , Bapa siperkuah, Dibata                        sumbul kerina pengapul  ( 2 Kor 1:3)

2. Rende  KEE 182:1,2,3

1.      O Tuhan Kam tetap, tedehku man baNdu, arapku lalap Kam, nemani geluhku

         Reff : O Tuhan rasa lalap, geluhku temani, ola tadingken aku, ras Kam tetap

2.      O Tuhan Kam tetap, ajarilah aku. Lah kai pe si kuban, mehuli man bandu……Reff

3.      O Tuhan Kam tetap, ras aku rembaklah. KataNdulah Tuhan, e kuikutkenlah….Reff

3. Ertoto guna renungen

4. Renungen/Khotbah  : 2 Korintus 5:1-5

5. Pengakun kiniteken                                            

6. Persembahen : 

Sigejap tuhu-tuhu mbelinna kekelengen ras penemani Dibata nandangi kita  ras seisi jabunta kerina, emaka marilah alu ukur meriah sidem pengataken bujur man Tuhan si sehken persembahennta  alu nginget kataNa ibas Masmur 50:23 : “ Ngataken bujur eme persembahen si pehagaken Aku janah sipatuh ngikutken Aku tentu Kukelini “.

7. Rende : KEE No 302

1.Nginget perkuah Dibata si mbelin, si isehkenNa man banta krina kin

    Ibas kerina dampar kegeluhen, i doni sidem alu keguluten  ......        Reff

     Reff : Endeskenlah kulanta man Dibata, kerinana silit ibas geluhta

                Selaku persembahenta si nggeluh, Em persembahen singena ateNa

2. Sebab bage me arusna kita kin, ersembah man Dibatanta simejin

    Singgo mreken man banta manusia , kegelhen si mehuli ras badia......Reff

3. Marilah Krina sipuji Dibata,janah sipeteruk ka pe ukurta

    Alu bage sidat sura-suraNa , kai simehui ras ngena ateNa.....Reff

8. Ertoto Karna Persembahen

9. Rende : KEE No. 307 :1,3

    1. O Tuhanku Kam me permakanku, emaka la kekurangen aku

         Ku mbal-mbal mraah aku babaNdu, i pesenang- senangNdu geluhku....Reff

         Reff : Permakanku si njayam geluhku, malem ateku senang tuhu

                    KelengNdu tetap maler man bangku, Kam me Tuhanku permakanku

    3.  Amin aku bas kelbung sigelap, arapenku man Tuhan e tetap

         Lanai mbiar ndalani geluh e, sebab Tuhan e temanku jine ......Reff

10.  Ngamburken bunga  ( Sukut, Sembuyak, kalimbubu, Anak beru, Perpulungen ras          anak kuta, rsd

11. Ertoto syafaat + Pertoton Tuhan

     12.  Pengutusen Ras Pasu-Pasu Dibata

L: Berelah perukuren ras kinitekenta (ndu) ipelimbarui ras ipeteguhi Dibata, alu     bage ngasup kam njagai  dirindu, bagepe  njagai persadanndu ras                   perpulungenNa i bas keleng ate. Guna si e,  alokenlah pasu- pasu idur     Dibata     nari:

            “Ipasu-pasu janah ikawali Dibata kam, siang ayo Dibata ersinalsal ibabondu,  janah melias  AteNa ngenehen kam . Itatap Dibata ku kam, janah malem atendi  ibahanNa” .. Amin

P          Amin …… Amin …. Amin ….. (Iedeken)

    

LITURGI KEBAKTIN

 MPERINGETI  SADA TAHUN ENGGO SERUMAHEN RAS TUHAN

 BP DENI SEMBIRING (NARAS Pt. ND DENI Br. GINTING)

PAMAH KUALA SIMEI MEI 10 AGUSTUS 2017

   ====================================================