LITURGI PERAYAAN NATAL UMUM GBKP PAMAH KUALA SIMEI MEI Pengkhotbah : PDT KARTAULI KABAN Tema : “Enggeluh alu nandai Dibata” (lih. Efesus 4:17-18) Sub Tema : Nandai Dibata ituduhken alu sikap hidup selaku anak-anak Dibata si missioner guna berpartisipas ibas pelayanen

LITURGI  PERAYAAN NATAL UMUM                                      GBKP PAMAH KUALA SIMEI MEI

Pengkhotbah : PDT  KARTAULI KABAN 

Tema        : “Enggeluh alu nandai Dibata” (lih. Efesus 4:17-18)

Sub Tema  : Nandai Dibata ituduhken alu sikap hidup selaku anak-anak Dibata si missioner guna berpartisipas ibas pelayanen

  

I.          PERSIKAPEN

1.    Kata Pengalo-ngalo ibas Panitia nari

2.    Krina si ertugas ersikap    (erbahan persikapen ras prosesi)

3.    Rende PEE No 9:1-2

1.Pesikaplah ukurta, adi ndahi Dibata

   Ukur si serbut, silit bas kita, endeskenlah man baNa

Reff : Ban Ia simereken pengadin, makana kita dorek min terkelin,

         Di Yesuslah si bahan man tementa, E tentu malemkel ateta.

2. Pesalanglah pusuhta, adi nemah man baNa,

    Pusuh sigulut si ndongkelisa, totokenlah ku Ia.

Reff…

4.    Kata Penaruh kubas kebaktin

Senina ras Turang  kerina  seh ka paksana kita genduari ngerayaken Natal Umum i tengah tengah Gerejannta   ,guna tetap nginget perkuah ate Dibata si Mbelin si enggo isehkenNa man banta kerina  kalak si tek .

Arah Natal, Dibata mpetandaken diriNa, rikut ras kekelengenNa bagepe sura-suraNa man manusia. Malem ateta, kita enggo ngidah dingen ngaloken kemuliaan Dibata e ibas Yesus Kristus si enggo milih kita sebage anak-anakNa guna encidahken kemuliaan Dibata i doni enda, emaka arah Natal Umumnta enda kita iajuk guna tetap ncidahken komitmennta selaku anak-anak Dibata si missioner guna berpartisipasi ibas pelayanen. Mari sirayaken Natal enda alu dem keriahen dingen dem pengataken bujur man Tuhan Dibata.

5.    Ertoto

6.    Rende PEE. 82:1-3  Barisan prosesi  bengket ku ruang ibadah (Perp. Tedis)

1.Meriah kal ukurta reh kap penampat

Pesikaplah dalinNa ibas ukurta

Biak-biak keglapen tadingken krina

Aloken kesangapen keleng atena (Iendeken dilaki….)

     Reff (Kerina…..)

Sialo-alo Ia ralep-aleplah min kita

Pesikaplah inganNa bas pusuhta

2. Di lit si meluk-eluk si pesikaplah

Ukur si nggeduk-nggeduk jadi pinterlah

Pesai-pesai dalanNa Raja mulia

Babailah kalak krina nembah man Bana (Iendeken diberu…..)

            Reff (kerina…….)

3 Dibata kap Bapanta si nuruh Ia

Nusur ku doni enda ndahi manusia

Robahlah dingen jera kita kerina

Dosanta iangkutNa terkelin kita

            Reff (kerina…..)

II.KEBAKTIN  

1.      Votum      : Kebaktin Natal Umum  enda ibenaken ibas gelar Dibata Bapa, si erkeleng ate man Doni enda, Ibas gelar AnakNa Yesus Kristus, si peteruk baNa jadi seri ras manusia, ras ibas gelar Kesah si Badia, simereken keriahen si tuhu-tuhu seh rasa lalap

2.      Salam    :    Perkuah ate ras dame ibas Dibata Bapa, ras ibas Tuhan Yesus Kristus nari, ras ibas kerembaken Kesah si Badia ras kam krina gelah . GLORIA..

Perpulungen  : Gloria….Gloria…… Gloria….

3.      Introitus  : Tuhan si Erdolat eh aluKinimbisanNa, lako jadi raja s idem alu kuasa. Nehenlah, radu ras KerehenNa, iabaNa upah man bangsaNa. ( Yesaa 40:10)

4.      Rende : KEE 115: 1,3. KERIAHEN SI MBELINNA

1.     Keriahen si mbelinna , si kuberitaken e

Enggo tubuh si permakan, eme Tuhan Yesus e

Pujilah min Dibatanta, Ras Dame-dame man banta

Dibatanta si erkuah ate, man krina jelma e

3.     Tuhan Yesus persadannta, em isuruh Bapa e

Sinasapken krina dosa, Ibas golgota kepe

Pujilah min Dibatanta, Ras Dame-dame man banta

Dibatanta si erkuah ate, man krina jelma e

5.      Berita kerna Natal:

L       : Tapi kenca enggo genap paksana, enggo isuruh Dibata AnakNa. AnakNa e tubuh arah sekalak diberu, janah enggeluh iteruh undang-undang kalak Jahudi. Guna nebusi kalak si i teruh Undang-undang gelah banci kita iangkat jadi anak-anak Dibata.Tandana maka kam anak-anak Dibata, isuruh Dibata Kesah AnakNa ku bas pusuhta, eme Kesah si erlebuh, “Bapa, o Bapangku.”.

       

6.      Rende : PEE 27:1,3,4

1.      Siendeken ‘nde-‘nde-n simeriah,

       man Tuhanta si enggo tubuh bas pelangkah

Sabab patut nge krina kita nembah,

Ban babaNa terang ngaruh ras pe tuah,

Reff…

Dage mari kita kerina, lah sipuji gelar Dibata, ulanai ukur erbera,

Tuhan Yesus me kap rajanta

3.     Gelgel nari suratken nabi nabi , reh me skalak sinampati ku pertibi em pemere idur Dibata nari enggo tubuh I Betlehem tengeh berngi

Reff…..

4.     Tuhan Yesus ku inget min Kam rusur

       lah babaiNdu pergeluhku ku sibujur

Dibage kiniteken la erkusur, enggo paguh gia lit rusur si ngugur

                 Reff…

7.    Responsoria II  : PENDILO GUNA BENGKET KUBAS GELUH SI MBARU (Perp. Tedis)

L       :  Dibata enggo ncidahken kekelengenNa man banta alu nuruh AnakNa si tonggal ku doni enda , gelah kita enggeluh arah Ia.

P       :  Tuhu-tuhu, mbelin kekelengen Dibata man banta, isuruhNa AnakNa ku doni enda gelah arah Ia kita iperdameken ras Dibata alu ngalemi dosa-dosanta.

L       :  O kam sikukelengi, adi bagenda kin kelengna ate Dibata man banta, kita rutang sikeleng-kelengen sapih-sapih kita.

P       : Dibata kekelengen kap, janah ise si erkeleng ate, ia ringn ibas Dibata janah Dibata ringan ibas Ia.

L       :  Dage tantangilah manusia simale simeneken bana alu sura-surana sinipu janah pakelah manusia simbaru si itepa rikutken tempas Dibata, dingen encidahken bana ibas kegeluhen si tuhu-tuhu adil dingen badia.

L+P   : Bujur O Tuhan kekelengenNdu si mbelin enggo ialoken kami, ajari dingen pegegehi kami tetap O Bapa guna tetap makeken manusia si mbaru si itepa rikutken tempas Dibata.

8.      Rende: PEE: 69: 1.3

1.     Keklengen Yesus kempak manusia desken Dibata  engkelengi Ia KekelengenNa maler kap man banta adi sipakelah pedahNa

Reff. : Min sikeleng kelengen kita krina, bagi pedahken Yesus bas Pustaka

          Sababna kai sipindo bas gelarNa, ibre Dibata man banta

3.     Bas paksa kita nehken kekelengen, ola min siban ceda kempak teman

Erban mehuli ola rahan-ahan, lah kedamen jujurken Tuhan

9.      Koor            :                                               Perp. Kundul

10.   Nagani Lilin Natal:                                     (Perp. Tedis)  

Mari dage si pegara lilin Natalta, sebage tanda komitmen ras tekadta guna  encidahken maka kita enda anak-anak Dibata si enggo itepaNa jadi manusia si mbaru rikutken TempasNa guna memasuki sasaren si icapai ibas tahun 2016 eme : “Meningkatkan komitmen warga GBKP yang missioner untuk berpartisipasi dalam pelayanan.

Rende : KEE: 135: 1- BERNGI E NGGO KEPE

1. Berngi e nggo kepe, Yesus reh ku doni e

Nusurlah ngangkut dosanta me kin,

Jadi kap musil lah sangap pagin

Asa si tek Tuhan e...

Asa si tek Tuhan e.

2. Anak e, bujur pe, singena me aku e

Kini ulinNdu tadingken Kam kap

Bengket ku doni lah trang si gelap

Aku daremenNdu e....

Aku daremenNdu e.

3. Berngi e, nggo kepe, Tuhan reh ku doni e

Padan Dibata teridah tetap

KinikelengenNa banta mekap

Tuhan si puji gela...h

Tuhan si puji gelah.

11.   Khotbah      :                                                           (Perp. Kundul)

12.   Pengakun Kiniteken                                               (Perp. Tedis)

13.   Koor            :                                                           (Perp. Kundul)

14.   Persembahen Pengataken bujur:                    

L      :   Genduari ibereken kesempaten man banta ersikap guna nehken persembahen pengataken bujurta man Dibata si i pakeken guna dana pensiun i tengah-tengah gerejannta GBKP. Kerna pengataken bujur si begiken kata Dibata ibas pustaka si badia nari: I etehnndu kuga liasNa Tuhanta Yesus Kristus maka aminna bayak gia Ia, tapi guna kiniulinndu, i pemusilNa baNa, gelah arah kemusilenNa e jadi bvayak kam ( 2 Kor 8:9).

            Sanga kita mere persembahen ras kita Rende : PEE 90 :1-3

1.      nginget perkuah Dibata simbelin, siisehkenNa man banta krina kin

ibas kerina danpar kegeluhen , idoni si dem  alu keguluten.

                Reff: Endeskenlah kulanta man Dibata, kerinana si lit ibas geluhta

                         Selaku persembahenta si enggeluh, Em persembahen singena ateNa

2.      Sabab bage me arusna kita kin, ersemah man Dibatanta si mejin

Si enggo mreken man banta manusia kegluhen si mehuli ras badia

Reff…

3.      Marilah Krina sipuji Dibata, janah sipeteruk ka pe ukurta

Alu bage si dat sura-suraNa, kai simehuli ras ngena ateNa

Reff…

15.   Ertoto Kerna Persembahen

16.   Koor:

17.   Pertoton Syafaat:

18.   Tekat                                                                      (Perp. Tedis)

L      :   Senina ras turang ibas gelar Tuhanta Yesus Kristus, enggo si idah kuga Dibata erkeleng ate man banta, ipetandakenNa diriNa,kekelengenNa rikut ras sura-suraNa man banta manusia ibas Yesus Kristus , gelah kerina kita kalak si tek la bene ibas dosa tapi ndatken kegeluhen situhu-tuhu si la erkeri-kerin.

P      :   Arah Natal enda tambah terangna penandaiku karna Dibata, emaka mulai genduari ku ndalani geluhku alu tuhu-tuhu enggo kutandai Dibata  si teridah arah pengerana bagepe lagu langkah ibas geluhku.

 L     :   Alu enggeluh nandai Dibata, mari dage sipersiapken dirinta memasuki sasaran GBKP  tahun 2016 eme “ Meningkatken komitmen warga GBKP yang missioner untuk berpartisipasi dalam pelayanan. 

P      :   PengasupNdu kami o Tuhan gelah ngasup ndalankenca. Kami enggit jadi jemaat yang misioner

19.   Rende : PEE. 117:1,2,3

1.      Tuhan Yesus penampatku, Ia penalemenku

Ku ikutken me dalanNdu Kam me kegeluhenku

Reff:     Teneng tetap tendingku, paguh kinitekenku

            Lanai lit kebiarenku, tan Tuhanku menegu

2.      Tuhan Yesus penampatku, Kam me kapen gegehku

LayasiNdu kap ukurku, la teralang uliNdu

 Reff:….

3.      Tuhan Yesus Penampatku, nimbak praten dagingku

Suari berngi Kam kulebuh, pengarapenku nteguh.

Reff…

20.   Pertoton Tuhan

21.   Pemasu-masun

L      : Ipasu-pasu janah i kawali Dibata kam Siang ayo dibata ersinalsal i babondu, janah melias atena ngenehen kam, i tatap Dibata ku kam janah malem atendu ibahanNa. Amin

P      : A...min, A...min...A..min.

III.             PERAYAAN NATAL