LITURGI KEBAKTIAN NATAL PERMATA

TAHUN 2016

 

Tema              : “ Jesus Mplimbarui Kegeluhenku” (Epesus 5:8-13)

Sub Tema       : Semangat Natal mabai kita nadingken si la payo ibas kegeluhenta, Janah   

                          Semangat Natal  e  erban  kita ergiah-giah nandai Dibata alu payo.

I.         PERSIKAPEN

1.         Erlajar lagu ras Penjelasen Liturgi

(Kerina petugas ibas Kebaktin ersikap)

2.         Kata Pengalo-ngalo ibas Panitia nari

3.         Rende KEE No. 221 : 1-2

1.      Pesikaplah ukurta, adi ndahi Dibata

Ukur si serbut , si lit bas kita, endeskenlah man baNa

            Reff:    Ban Ia simereken pengadin, makana kita dorek min terkelin,

                        Di Yesuslah si bahan man temanta, e tentu malem kel ateta.

2.      Pesalanglah pusuhta, adi nembah man baNa

Pusuh si gulut si ndongkelisa, totokenlah ku Ia

            Reff :

4.         Kata Penaruh kubas Kebaktin

Syaloom! Tuhu-tuhu meriah ukurta ibas wari si sendah enda si peringeti wari ketubuhen Tuhanta Jesus Kristus. Jesus reh maba terang ras dame nandangi kegeluhenta, kerna si e patut si kataken bujur man BaNa alu ersurak muji ras nembah gelarna, sebab IA me ulu kegeluhen, si mplimbarui kegeluhenta.

Mari dage si bengketi kebaktin Natal Permata ibas Tahun 2016 enda, alu erpengarapen bahwa Jesus me si mplimbarui kegeluhenta.

5.         Rende KEE 115:1-3                                                                        [Perp. Tedis]

(Barisen Prosesi bengket ku bas ruangen Kebaktin)

1.        Keriahen si mbelinna, si ku beritaken e

Enggo tubuh si permakan, eme Tuhan Yesus e

Pujilah min Dibatanta, ras dame,dame,dame man banta

Dibatanta si erkuah ate, man kita jelma e.

2.        Ibas berngi enda terang, bintang si mehelhel e

T’rangna seh ku perukuren, si lanai erlayas pe

Pujilah min Dibatanta, ras dame,dame,dame man banta

Dibatanta si erkuah ate, man kita jelma e.

3.        Tuhan Yesus persadanta, em isuruh Bapa e

Sinasapken krina dosa, ibas golgota kepe

Pujilah min Dibatanta, ras dame,dame,dame man banta

Dibatanta si erkuah ate, man kita jelma e.

II.      KEBAKTIN

1.         Votum & Salam

Votum     : Kebaktin Natal Permata enda ibenaken ibas gelar Dibata Bapa, si erkeleng ate Man doni enda, ibas gelar AnakNa Jesus Kristus, si mpeteruk baNa jadi seri ras manusia, ras ibas gelar kesah si Badia, simereken keriahen si tuhu-tuhu seh rasa lalap.

Salam      : Perkuah ate ras dame ibas Dibata Bapa, ras ibas Tuhan Yesus Kristus nari, ras kerembaken Kesah Si Badia ras kam (kita) kerina gelah. GLORIA!

Perp.       : Glo....ria, muliaken Tuhan  Glo.... ria, muliaken Tuhan

                   (iendeken bagin reff: KEE 193)

2.         Introitus  : Cigalah atendu man kejahaten, ngena atendu si benar, janah arus  iperdiatekenndu gelah kebujuren menang ibas pengadilen (Amos 5:15)

3.         Rende KEE 193 : 1-2

1.    Bas sinasa tinepaNa, tetap k’rina rende t’rus

‘nde-enden pujin badia muji gelar Penebus

Reff:    Glo.......ria, muliaken Tuhan

                        Glo.......ria, muliaken Tuhan

2.    Bas ingan si meganjangna, bala Tuhan i surge

Rende  m’riah ia k’rina man Tuhan penebusta.  Reff :

4.         Koor / Vocal Group / Solo :                                            [Perp.  Kundul]

5.         Responsoria : Tadingkenlah Si La Payo!

(L= Liturgis , P = Perpulungen, Permata 1 : Sekalak Permata

L                :  Pasu-Pasu Dibata tuhu-tuhu mbelin man kerina manusia. Kalak si tutus iperdiateken Tuhan, Kalak si bujur man Tuhan, ialoi Tuhan ia.

P                 :  O Tuhan, Megati la kami nggejapken pasu-pasu Ndu si tuhu-tuhu mbelin ibas kegeluhen kami. Megati pe kami kurang tutus ibas ndalanken kataNdu, bagepe ngelakoken si la bujur ras si la payo kami ibas kegeluhen kami. Alemilah kami Tuhan.

Permata 1   :  O teman-temanku, marilah begiken aku, gelah ku kataken man bandu uga pemuliaken Tuhan. Merincuh kam gedang umurndu, dingen ngenanami keriahen ras kesangapen?

L                :  Ola belasken kata-kata jahat, ola erbual. Tadingkenlah kejahaten, lakokenlah kai si mehuli, bulatkenlah ukurndu erbahan perdamen.

P                 :  Rende KEE 462 : 1 (iendeken 3 x)

Yesus Tuhanku, Penalemenku

La lit gegehku, Sampatilah aku

Sampat aku Tuhan

Sampat aku Tuhan

Sampat aku Tuhan

Sampat o Bapa

6.         Koor / Vocal Group / Solo :

7.         Responsoria: Pengalemi Dosa & Pengajuk nggeluh ibas terang

L     :  Enda me terang si tuhu-tuhu,  terang e sangana reh ku doni enda nerangi kerina manusia. Erkiteken Ia me, dosanta ialemi

P     :  Rende KEE 452 (bagin Reff)

         Bujur man baNdu Tuhan, Ban i alemi Dosangku

         Meriah kel ukurku, Tuhan Nasapken Dosangku

L     :  Sebab nina Jesus, :”Aku kap terang doni. Ise ngikutken Aku, ialokenna me terang si mereken kegeluhen, janah lanai ia erdalan ibas gelap.

P     :  Rende KEE 452 : 3

Pusuhku enggo I p’limbaruina, P’raten Doni lanai erkuasa

P’rayakenku ndalanken peratenNa, Kesangapen I b’rekenNa

Bujur man baNdu Tuhan, Ban i alemi Dosangku

Meriah kel ukurku, Tuhan Nasapken Dosangku

8.         Koor / Vocal Group / Solo :

9.         Nagani Lilin Natal                                                              [Perp. Tedis]

L     :  Jesus enggo Tubuh guna nerangi doni enda! Mari Ibas natal enda, kita berkomitmen guna nadingken si la payo ibas kegeluhenta, sebab Jesus enggo reh guna mplimbarui kegeluhenta. Cahaya lilin eme simbol Yesus enggo nerangi kegeluhenta, janah kita pe jadi terang man sekelewetta.

Rende KEE 135:1-3

1.        Berngi e, nggo kepe. Yesus reh ku doni e

Nusurlah ngangkut dosanta me kin

Jadi kap musil lah sangap pagin

Asa si tek Tuhan e, Asa si tek Tuhan e

2.        Anak e, bujur pe. Si ngena me aku e

kiniulinNdu tadingken kam kap

bengket ku doni lah t’rang si gelap

Aku daramenNdu e, Aku daramenNdu e

3.        Berngi e, nggo kepe. Tuhan reh ku doni e

Padan Dibata teridah tetap

kinikelengenNa banta me kap

Tuhan si puji gelah, Tuhan si puji gelah

10.     Nehken Kata Dibata:                                                         [Perp.  Kundul]

-       Ertoto Sope Khotbah

-       Khotbah

-       Ertoto kenca Khotbah

11.     Pengakun Kiniteken                                                           [Perp. Tedis]

12.     Koor / Vocal Group / Solo :                                               [Perp. Kundul]

13.     Nehken Persembahen Pengataken Bujur

L     :  Genduari ibereken kesempaten man banta ersikap guna nehken persembahen pengataken bujurta man Dibata. Kata Dibata si jadi palas man banta ibas nehken persembahen bujurta ibuat ibas Matius 2:11, Nina : “ Emaka bengket ia kubas, idahna Anak ndai ras nandeNa. Jenari erjimpuh ia nembah Anak e. ibuatna erta-erta si ibabana e, jenari ipersembahkenna eme, emas, kumenen ras mur

Rende KEE 239:1 –

1.        Si endeken ‘nde-‘nden si meriah

Man Tuhanta si ‘nggo tubuh bas pelangkah

Sebab patut nge k’rina kita nembah

Ban babaNa terang ngaruh ras petuah

            Reff:    Dage mari kita kerina

                        ‘lah si puji gelar Dibata

                        Ula nai ukur erbera

                        Tuhan Yesus me kap Rajanta

2.        Tuhan Yesus metunggung dat pujin

Perban Ia si ngajari kita kin

Kek’lengenNa la erkeri-kerin

Adi pakelah pedahNa seh pagin.   Reff:

3.        Gel-gel nari suratken nabi-nabi

Reh me s’kalak si nampati ku pertibi

Em pemere idur Dibata nari

Enggo tubuh I Bethlehem tengah berngi. Reff:

4.        Tuhan Yesus kuinget min Kam rusur

‘Lah babaiNdu pergeluhku ku si bujur

‘di bage kiniteken la erkusur

Enggo paguh gia lit rusur si ngugur.      Reff:

Pertoton Persembahen & Pertoton Syafaat

14.     Koor / Vocal Group / Solo :

15.     Responsoria : Tekad Natal                                                [Perp.  Tedis]

(L= Liturgis, P= Kerina Perpulungen, Permata: Kerina Permata)

L              : Enggo tangkas man banta, terang e enggo reh mplimbarui kegeluhenta. Kai nge si jadi Tekadta ibas natal enda?

Permata    : Meriah kel ukur kami, enggo i bebasken kami ibas kegelapen nari. Erpadan kami anak-anakNdu Permata guna nadingken si la payo ibas kegeluhen kami, janah jadi terang man sekelewet kami!

L+P          : Ajari pe kami o Bapa, gelah i tandai kami Kam alu payo arah kata ras pedahNdu si ilakoken kami ibas kegeluhen kami.

16.     Rende KEE 194: 1,2

1.        Senang adi ras Yesus, malem ateta pe

Sidahilah penebus je dat kita dame e

Begiken pendiloNa, Mari lah kam kerina

Si latih bas geluhna, maka kam senang ka

Senang adi ras Yesus, malem ateta pe

Sidahilah penebus je dat kita dame e

2.        Senang adi ras Yesus, malem ateta pe

Alu ukur si tutus si ikutkenlah dage

Tah kai pe si terjadi, lit ka psi nampati

Araplah I adage, tetaplah ukur e.

Senang adi ras Yesus, malem ateta pe

Alu ukur si tutus si ikutkenlah dage

17.     Pertoton Tuhan

18.     Pemasu-masun

L     : Mulihlah alu dame, tadingkenlah si la payo, jadilah terang man sekelewetndu (ta), jenari sehkenlah berita e ku tampuk doni. Guna mpegegehi kam (kita), alokenlah pasu-pasu idur Dibata nari: Ipasu-pasu janah ikawali Dibata kam (kita), siang ayo Dibata ersinalsal I babondu (nta), janah melias ateNa ngenehen kam (kita), itatap Dibata ku kam (kita) janah malem atendu (ta) iabahanNa. Amin.

P     :  A...min, A...min, A...min

III.   PERAYAAN  NATAL