KEBAKTIAN PENGATAKEN BUJUR MAN TUHAN DIBATA I BAS TETAP PENEMANI RAS PASU-PASU TUHAN JANAH KUBUREN ND ANTON SEMBIRING ENGGO DUNG ALU MEHULI.

KEBAKTIAN PENGATAKEN BUJUR MAN TUHAN DIBATA  I BAS TETAP PENEMANI RAS PASU-PASU TUHAN JANAH KUBUREN ND ANTON SEMBIRING ENGGO DUNG  ALU MEHULI.

A.    PERSIKAPEN :

Lit    :   Turang ras senina, Keleng ate Dibata la kel ersibar man banta kerina.  Dibata Simada Kuasa dingen Mulia e tetap   icidahkenNa ban banta kerina kekelengenNa alu ngarak – ngarak kita dingen mpekena- kena kita ibas ndalani kegeluhenta i doni enda , emaka kerina kalak si ernalem man baNa ibereken kemalemen ate ibas geluhna.

              Genduari pulung kita ibas ingan enda memuji ras memuliaken Tuhan Dibata ibas pasu-pasuNa man banta kerina, ija ibas nande i tengah tengah jabu enda Nd Anton Sembiring)   enggo serumahen ras Tuhan Yesus Kristus, keluarga si tadingkenna lit ibas sehat ras mejuah-juah, bagepe  keluarga Bp Anton Sembiring enda enggo dung  mpesikap kuburen ija Nd Anton sembiring i kuburken) . Tentu malem dingen meriah ukurta dingen sigejap maka e kerina eme bekas pasu-pasu dingen pengarak –arak  Dibata man banta kerina, terlebih i tengah-tengah jabu Sembiring mergana. Emaka marilah sipuji Tuhan dingen radu ras kita ertoto gelah keluarga Bp Anton Sebiring  enda  ras kita pe kerina tetap ndatken gegeh ras pasu-pasu ibas Tuhan Dibata nari ibas ndalani kegeluhen enda, seh maka kita tetap mejuah-juah dingen ermalem ate i teruh perkuah ate Dibata.

Mari dage sipesikap pusuh ras ukurta sipuji Tuhan  PEE No 98:1,2

Reff   Pujilah min Dibata Puji gelarNa sibadia

          Ibas Kristus nggo siidah Dibata jine siperkuah ,

1.       Langit ras Doni  rendelah, mungkuk  erjimpuh nembahlah

Pasu pasuNa kap mbelin keleng ateNa la erkrin….Reff

2.       O Doni  k’rina suraklah, Tuhan Dibata pujilah

Rikut kulcapi ras gendang, sampur meriah la teralang…Reff

Lit : Ras Kita ertoto.

Rende  KEE  No. 325  “Tuhan I tengah-tengahta”

1.Tuhan i tengah-tengahta, mreken pasu-pasuNa        2. Tuhan i tengah-tengahta, reh riahna ukurta

    Maler desken lau si mbelin, lanai lit siterulin,              Reh tenengna pertendinta, reh damena pusuhta        Usekenlah min KesahNdu, temani geluh kami                        Usekenlah min KesahNdu, temani geluh kami

    Gegeh kami mplimbarui, krina jadi mehuli                      Gegeh kami mplimbarui, krina jadi mehuli

B.      KEBAKTIN

1.       Votum - Salam

L:  I bas gelar Dibata Bapa, AnakNa Jesus Kristus Tuhanta, ras i bas gelar Kesah            Si Badia.

       Kejuah-juahen jadi sikerajangen kalak si ngerembakken dirina ras Dibata,         bagepe si njaga kiniersadanna ras Dibata. Kekelengen ras kemulian Dibata si         nemani kegeluhendu genduari nari seh rasa lalap. Amin

P:   Amin …. Amin …… Amin…..   (Iendeken)

2.       Invocatio

L:  “Kataken bujur man Tuhan, Erkiteken kiniulinNa; keleng ateNa tetap rasa          lalap ( 1 Tawarikh 16:34)”.       

3.       Rende : KEE No 182:1,2,3

1.       O Tuhan Kam tetap, tedehku man baNdu, arapku lalap Kam, nemani geluhku

         Reff : O Tuhan rasa lalap, geluhku temani, ola tadingken aku, ras Kam tetap

2.       O Tuhan Kam tetap, ajarilah aku. Lah kai pe si kuban, mehuli man bandu……Reff

3.       O tuhan Kam tetap, ras aku rembaklah. KataNdulah Tuhan, e kuikutkenlah….Reff

4.       Ertoto

5.       Khotbah  : 1 Kor 15:51-56

6.       Pengakun Kiniteken

7.       Persembahen .

L:  Mari siendesken persembahen pengataken bujurta man Tuhan rikut ras         pengakun  keriahen ukurta bagi siakuken raja Daud ibas Kronika 29:17, nina:

        “Kueteh maka Kam si nguji pusuh peraten dingen meriah iakapNdu ras bangsa si ertutus ate.  I bas pusuh peraten si bersih ras bujur, meriah ukurku merekenca enda  kerina man baNdu,  janah kuidah kuga bangsaNdu si enggo pulung i jenda alu  meriah ukur maba persembahen-    persembahen man baNdu”.

Tupung siendesken persembahenta ras kita rende : KEE GBKP  No. 307

1.       O Tuhanku Kam me permakanku, emaka la kekurangen aku

Ku mbal-mbal meratah aku babaNdu, ipesenang-senangNdu geluhku,.Reff..

 Reff.  Permakanku si njayam geluhku, malem ateku, senang tuhu.

            KelengNdu tetap maler man bangku   , Kam me Tuhanku permakanku

2.       IteguNdu kempak lau simaler, ibahanNdu ateku nggo malem

Emaka tedeh ate tendingku, kempak keg’luhen si sikapkenNdu…Reff..

3.       Amin aku bas kelbung sigelap, arapenku man Tuhan e tetap

Lanai mbiar ndalani geluhe, sabab Tuhan e temanku jine…Reff..

8.       Pertoton Persembahen ras Syafaat

9.       Perpadanen Man Dibata                                                                                                                   

L:  Dibata me simereken kegeluhen, jenari ibereNa kegeluhen si mbaru man        banndu arah Jesus Kristus, janah tetap ipelimbaruina gegehndu arah        Kesah Si Badia

P:  Erpadan aku Tuhan, ateku ngergaken kegeluhen si iberekenNdu. Erpadan aku       Tuhan,  tetap ngusih  perbahanenNdu, si enggo  ituduhkenNdu i bas Jesus       Kristus. Erpadan aku Tuhan, tetap makeken  kepentaren si enggo       ijujurkenNdu arah Kesah Si Badia

L:  Lakokenlah e, erkiteken kam kap sikerajangen Tuhan DibataNdu. IpeserapNa       kam ibas kerina  bangsa-bangsa I doni enda nari jadi BangsaNa khusus.

10.    1 Rende  KEE. No. 174:1,5

1.   Yahwe me kap permakanku , tendingku nggo menang     

             ItaruhkenNa geluhku,lakai pe sikurang                                 

         5. Sedekah umur geluhku, LiasNdu tergejap

             Ingan tetap seh sidikku, bas Kam rasa lalap.

11. Pertoton Tuhan

12.    Pengutusen Ras Pasu-Pasu Dibata

L: Berelah perukuren ras kinitekenta (ndu) ipelimbarui ras ipeteguhi Dibata, alu     bage ngasup kam njagai  dirindu, bagepe  njagai persadanndu ras     perpulungenNa i bas keleng ate. Guna si e,  alokenlah pasu- pasu idur     Dibata     nari:

                “Ipasu-pasu janah ikawali Dibata kam, siang ayo Dibata ersinalsal ibabondu,  janah melias  AteNa ngenehen kam . Itatap Dibata ku kam, janah malem atendi  ibahanNa” .. Amin

P             Amin …… Amin …. Amin ….. (Iedeken)

C.  Acara  Ngerana/Keluarga ( iaturken keluarga)

KEBAKTIAN PENGATAKEN BUJUR  MAN TUHAN DIBATA

I JABU BP ANTON SEMBIRING  I BAS TETAP I PASU-PASU TUHAN JANAH KUBUREN ND ANTON SEMBIRING ENGGO DUNG  ALU MEHULI.

 Bujur sikataken man Tuhan ibas penemani ras pasu-pasuna kita kerina she genduari enda tetap iberekenna gegeh ibas ndalani kegeluhennta kerina. Janah siidah pe maka ibas nande I tengah tengah jabu enda enggo serumahen ras Tuhan kelurga kerina si itadingkenna tetap lit ibas mejuah-juah. Enda kerina eme pasu –pasu Tuhan si iberekenna terlebih pe maka keluarga Bp anton sembiring enggo ndungi mpisikap kuburen Nd Anton Sembiring alu mehuli dingen mejile.

Sienda tentu mereken sada bukti maka Tuhu-tuhu Tuhan Dibata e perkuah digen perkeleng man manta kerina, maka la kepeken ipediatna kita kote tapi etap ipekena-pekenana gelah kita ndatken kemalemen ate. Arah sienda kerina makapatutlah kita tetapngataken bujur man Dibata ibas kerina dampar kegeluhenta, baik ibas paksa la bagi ukur bagepe ibas paksa bagi ukur.

Jgataken bujur e tentu sicidahken eme arah sikap hidupta nandangi Tuhan Dibata, teridah maka tuhu-tuhu tek kita man Tuhan Yesus e janah enggo sialoken Ia jadi Tuhanta. Jesus Kristus si enggo menelamatken kita ibas kuasa kematen janah ibas yesus Kristus kita ngaloken kegeluhen situhu-tuhu si la erkeri-kerin. Emaka sigejapken pe maka ibas Yesus sigejapken maka kita ndatken gegeh ras gegeh, alu bage maka kita pe enggeluh ersada ras Ia.