LITURGI MBUKA KUNCI RUMAH MBARU KELUARGA ND IRIANSON Br. SEMBIRING

LITURGI  MBUKA KUNCI  RUMAH MBARU

KELUARGA ND IRIANSON Br. SEMBIRING

A. Acara i Kesain Rumah

1.Rende  KEE No. : 163:1,2

1.       Badia-Badia Tuhan si erkuasa, deme doni enda salu kemulianNa

Badia badia Tuhan bala Surga, Kam me kap Bapa si ermulia.

2.       Badia badia Bapa siperkuah, reh kerina kami alokenNdu gelah

Badia badia Tuhan maba tuah, reh kami enda baNdu ersembah.

2. Ertoto

3. Pengakun simada Rumah :

      Begiken jenari aloilah penungkunen si kusehken bandu simengket rumah             enda :

1.    Tek nge kam man Dibata si Sada, Bapa, AnakNa Yesus Kristus ras man       Kesah Sibadia ?

2.    Tek nge kam bagi si tersurat I bas Pustaka Sibadia, maka doni enda ras       kerina isina, termasuk rumah enda pe, Yahwe kap empuna ?

3.    Erpadan Kam man Dibata, maka ipakeken kam rumah enda nehken si       ngena ateNa ?

ADI TUHU BAGE ATENDU, NINDULAH :

“TUHU, BAGE ATEKU

4.  Ngendesken kunci  :(Simada jabu ngendesken kunci man si maba kebaktin e)

5.    Nalangi Pintun       : Alu kekelengen ras perkuah ate Dibata, rumah enda                                      ibereken man bandu guna iiani ras ipakeken kam gelah                                     reh gegehna kam nehken si ngena ateNa

               I bas gelar Dibata Bapa, AnakNa Yesus Kristus, ras Kesah siBadia, Amin

(Kenca e si maba kebaktin nalami sukut si mengket rumahna. Si pemena si dilaki (bapa) emaka si diberu (Nande) ras anak-anakna kerina. Jenari perpulungen ngarakkenca alu rende  PEE No 95.:1,2

1.    O Tuhanku Kam me permakanku, emaka la kekurangen aku

            Ku mbal-mbal mratah aku babandu, i pesenang-senangNdu geluhku

Reff,: Permakanku sinjayam geluhku, malem ateku senang tuhu

      KelengNdu tetap maler man bangku Kam me, Tuhanku , Permakanku

2.    IteguNdu kempak lau simaler, ibahanNdu ateku enggo malem

         E maka tedeh ate tendingku, kempak keg’luhen si sikapkenNdu

          Reff…..

B. Acara  Ibas Rumah

    1. Votum     : Dame ibas Dibata nari si mahanca atendu malem katawari pe,                            Tuhan Yesus Kristus.

    2. Salam       : Penampat man bandu i bas Yahwe nari, sinepa langit ras doni, si                                             ngkawali perberkat ras permulihndu, genduari nari she rasa                             lalap.  Amin

       Perp         : Amin….amin…..amin…

3. Introitus : Nina Yesus,”Sendah ketuahen rumah enda (Luk 19:9)

4.    Rende : KEE No 192 :1,2

1.       Meriah kita ras krina, si puji Dibatanta,

        Perban lias ateNa e isehkenNa man banta pe

        Nggo pulung kita krina pe ibas ingan enda, ibas ingan enda

2.       Dage gegehi bantalah, muji Tuhan perkuah

Ibas keleng ateNa nge, she banta keriahen e

Gundari subuk ras pagi, Tuhu meriah min, tuhu meriah min.

5.    Khotbah ( ibenaken ras idungi alu ertoto)

6.    Pengakun kiniteken

7.    Rende : PEE No 78 :1,2,3

1.       Labo erkiteken beluhku, labo erkiteken pentarku

       Tapi perbahan penampatNdu mbelin tergejab bas ngasupku

2.       Labo erkiteken dahinku, labo erkiteken pangkatku

Tapi perbahan perkuahNdu, malem ateku tuhu-tuhu.

3.       Labo erkiteken ertangku, labo erkiteken bayakku

Tapi perbahan pemereNdu, pasu-pasuNdu simper bangku.

8.       Persembhen Pengataken bujur :

Ngataken bujur eme persembahen sipehagaken Aku janah sipatuh ngikutken Aku tentu Kukelini (Mazmur 50:23)

       Tupung si sehken persembahen pengataken bujurta ras kita rende        muji Tuhan ibas PEE No. : 103 :1,2

1.       Simpar tuhu pemereNdu jujurkenNdu kapman bangku

        Ermengkah kel me ukurku la ku lupa lias ateNdu.

       Reff : AlokenNdu o,Tuhanku persembahen anakNdu,

                 Usekenlah pasu-pasu, peteguhi perpulungenNdu

2.       Benih si isuan kami, e pe kap ibas Kam nari

kuasaNdu mahanca turah, kuasaNdu mahanca erbuah

Reff…

3.       BreNdu kami kepentaren, g’lah nirangken kepapaken,

Ajar kami kebujuren, maka pinter ka perukuren,..

Reff…..

9.       Ertoto karna Persembahen

10.   Rende : PEE No 118 :1,2

1.       Tuhan Kam me si Permakan, kami biri biriNdu

        Kami tetap kap nggejapken blinna keleng ateNdu

        Tuhan Yesus Juru Slamat, kami sikrajangenNdu..2X

2.       Kam pengawal si setia, Kam sekawal geluhku

Kam pedauhken k’rina dosa, ndilo kalak si lalar

Tuhan Yesus Juru Slamat gendes kami man banNdu..2X

11.   Pertoton Khusus/Syafaat + Pertoton Tuhan

12.   Pemasu-masun

Ipasu-pasu janah ikawali Dibata Kam, siang ayo Dibata ersinalsal ibabondu, janah melias ateNa ngenehen kam. Itatap Dibata ku kam, janah malem atendu ibahanNa.. Amin

                     Perp.:     Amin…amin….amin…..