KEBAKTIAN PENGATAKEN BUJUR MAN TUHAN DIBATA I BAS TETAP PENEMANI RAS PASU-PASU TUHAN I KELUARGA Pt BP DIO ARMANA BARUS DI DELITUA GBKP PAMAH KUALA SIMEI MEI

KEBAKTIAN PENGATAKEN BUJUR MAN TUHAN DIBATA  I BAS TETAP PENEMANI RAS PASU-PASU TUHAN

I KELUARGA Pt BP DIO ARMANA BARUS

A.    PERSIKAPEN :

Lit    :   Turang ras senina, Keleng ate Dibata la kel ersibar man banta kerina.  Dibata Simada Kuasa dingen Mulia e tetap   icidahkenNa ban banta kerina kekelengenNa alu ngarak – ngarak kita dingen mpekena- kena kita ibas ndalani kegeluhenta i doni enda , emaka kerina kalak si ernalem man baNa ibereken kemalemen ate ibas geluhna aminna pe melala perbeben sinihadapi  .

              Genduari pulung kita ibas rumah keluaga Pertuanta enda memuji ras memuliaken Tuhan Dibata ibas pasu-pasuNa man banta kerina, ija keluarga Pertuanta enda tetap lit ibas mejuah-juah aminna melala perbeben sinihadapi .Arah kerinana e tangkas siidah  bage belinna tetappengarak-ngarak Dibata ibas jabu enda. Emaka ngataken bujur kita kerina ibas kebaktin pengataken  bujur man  Dibata enda janah ertoto man Dibata gelah jabu Pertuanta enda rikut ras keluarga bage pe kita kerina  tetap lit ibas mejuah-juah dingen ermalemen ate rikut ras kesangapen-kesangapen iteruh perkuah ate Tuhan ibas ndalani kegeluhen enda.

          Mari dage sipesikap pusuh ras ukurta sipuji Tuhan  PEE No 5:1,2 

     1   Meriahlah ukurta mujikenca , Dibata raja mbelin simulia

          Peblinken min gelarNa Sibadia, ban Ia ngerajaisa sinasana

Reff.  Maka bujurnge Dibata man pujin, nai nai nari genduari seh pagin

            Ban tandaiNa kita krina si suin, sembah Ia me madin

2.       Dagena mai pujilah Dibata, si i nget min kerina pemereNa

Lah tetap ras megegeh pe tendinta, mehuli me jadina krajang jelma..reff

Lit : Ras Kita ertoto.

Rende  KEE  No. 325  “Tuhan I tengah-tengahta”

1.Tuhan i tengah-tengahta, mreken pasu-pasuNa        2. Tuhan i tengah-tengahta, reh riahna ukurta

    Maler desken lau si mbelin, lanai lit siterulin,              Reh tenengna pertendinta, reh damena pusuhta        Usekenlah min KesahNdu, temani geluh kami                        Usekenlah min KesahNdu, temani geluh kami

    Gegeh kami mplimbarui, krina jadi mehuli                      Gegeh kami mplimbarui, krina jadi mehuli 

                                  

B.      KEBAKTIN

1.       Votum - Salam

L:  I bas gelar Dibata Bapa, AnakNa Jesus Kristus Tuhanta, ras i bas gelar Kesah            Si Badia.

       Kejuah-juahen jadi sikerajangen kalak si ngerembakken dirina ras Dibata,         bagepe si njaga kiniersadanna ras Dibata. Kekelengen ras kemulian Dibata si         nemani kegeluhendu genduari nari seh rasa lalap. Amin

P:   Amin …. Amin …… Amin…..   (Iendeken)

2.       Invocatio

L:  “Kataken bujur man Tuhan, Erkiteken kiniulinNa; keleng ateNa tetap rasa          lalap ( 1 Tawarikh 16:34)”.       

3.       Rende : PEE No 64:1,2,3

1.       Ku ikutken  Kam O Tuhan , Kam kap siperkeleng e

Sabab Kam si mere dalan, dalan terkelin ke pe

         Reff : Ia kapen Juru Slamat, Ia kapen penampat,

                  KataNa me kapen tambar KuasaNa la ersibar

2.                   Uhan kapen kuarapken , jadi temanku nggeluh

Tetap Ia penalemen Kinitekenku nteguh…Reff

3.       Aku jadi si permenang, Yesus kap meangkenca

Pusuhku dame ras senang Tuhan kap simrekenca..Reff

4.       Ertoto

5.       Khotbah  : Masmr 23:1-6

6.       Pengakun Kiniteken

7.       Persembahen .

L:  Mari siendesken persembahen pengataken bujurta man Tuhan rikut ras         pengakun  keriahen ukurta bagi siakuken raja Daud ibas Kronika 29:17, nina:

        “Kueteh maka Kam si nguji pusuh peraten dingen meriah iakapNdu ras bangsa si ertutus ate.  I bas pusuh peraten si bersih ras bujur, meriah ukurku merekenca enda  kerina man baNdu,  janah kuidah kuga bangsaNdu si enggo pulung i jenda alu  meriah ukur maba persembahen-    persembahen man baNdu”.

Tupung siendesken persembahenta ras kita rende : KEE GBKP  No. 307

1.       O Tuhanku Kam me permakanku, emaka la kekurangen aku

Ku mbal-mbal meratah aku babaNdu, ipesenang-senangNdu geluhku,.Reff..

 Reff.  Permakanku si njayam geluhku, malem ateku, senang tuhu.

            KelengNdu tetap maler man bangku   , Kam me Tuhanku permakanku

2.       IteguNdu kempak lau simaler, ibahanNdu ateku nggo malem

Emaka tedeh ate tendingku, kempak keg’luhen si sikapkenNdu…Reff..

3.       Amin aku bas kelbung sigelap, arapenku man Tuhan e tetap

Lanai mbiar ndalani geluhe, sabab Tuhan e temanku jine…Reff..

8.       Pertoton Persembahen ras Syafaat

9.       Perpadanen Man Dibata                                                                                                                   

L:  Dibata me simereken kegeluhen, jenari ibereNa kegeluhen si mbaru man        banndu arah Jesus Kristus, janah tetap ipelimbaruina gegehndu arah        Kesah Si Badia

P:  Erpadan aku Tuhan, ateku ngergaken kegeluhen si iberekenNdu. Erpadan aku       Tuhan,  tetap ngusih  perbahanenNdu, si enggo  ituduhkenNdu i bas Jesus       Kristus. Erpadan aku Tuhan, tetap makeken  kepentaren si enggo       ijujurkenNdu arah Kesah Si Badia

L:  Lakokenlah e, erkiteken kam kap sikerajangen Tuhan DibataNdu. IpeserapNa       kam ibas kerina  bangsa-bangsa I doni enda nari jadi BangsaNa khusus.

10.    1 Rende  KEE. No. 174:1,5

1.   Yahwe me kap permakanku , tendingku nggo menang     

             ItaruhkenNa geluhku,lakai pe sikurang                                 

         5. Sedekah umur geluhku, LiasNdu tergejap

             Ingan tetap seh sidikku, bas Kam rasa lalap.

11. Pertoton Tuhan

12.    Pengutusen Ras Pasu-Pasu Dibata

L: Berelah perukuren ras kinitekenta (ndu) ipelimbarui ras ipeteguhi Dibata, alu     bage ngasup kam njagai  dirindu, bagepe  njagai persadanndu ras     perpulungenNa i bas keleng ate. Guna si e,  alokenlah pasu- pasu idur     Dibata     nari:

                “Ipasu-pasu janah ikawali Dibata kam, siang ayo Dibata ersinalsal ibabondu,  janah melias  AteNa ngenehen kam . Itatap Dibata ku kam, janah malem atendi  ibahanNa” .. Amin

P             Amin …… Amin …. Amin ….. (Iedeken)

C.  Acara  Ngerana/Keluarga ( iaturken keluarga)

KEBAKTIAN PENGATAKEN BUJUR MAN TUHAN DIBATA            I BAS TETAP PENEMANI RAS PASU-PASU TUHAN

I KELUARGA Pt BP DIO ARMANA BARUS

MINGGU , 7 AGUSTUS 2016

Bujur sikataken man Tuhan ibas penemani ras pasu-pasuna kita kerina she genduari enda tetap iberekenna gegeh ibas ndalani kegeluhennta kerina. Janah siidah pe maka ibas nande I tengah tengah jabu enda enggo serumahen ras Tuhan kelurga kerina si itadingkenna tetap lit ibas mejuah-juah. Enda kerina eme pasu –pasu Tuhan si iberekenna terlebih pe maka keluarga Bp anton sembiring enggo ndungi mpisikap kuburen Nd Anton Sembiring alu mehuli dingen mejile.

Sienda tentu mereken sada bukti maka Tuhu-tuhu Tuhan Dibata e perkuah digen perkeleng man manta kerina, maka la kepeken ipediatna kita kote tapi etap ipekena-pekenana gelah kita ndatken kemalemen ate. Arah sienda kerina makapatutlah kita tetapngataken bujur man Dibata ibas kerina dampar kegeluhenta, baik ibas paksa la bagi ukur bagepe ibas paksa bagi ukur.

Jgataken bujur e tentu sicidahken eme arah sikap hidupta nandangi Tuhan Dibata, teridah maka tuhu-tuhu tek kita man Tuhan Yesus e janah enggo sialoken Ia jadi Tuhanta. Jesus Kristus si enggo menelamatken kita ibas kuasa kematen janah ibas yesus Kristus kita ngaloken kegeluhen situhu-tuhu si la erkeri-kerin. Emaka sigejapken pe maka ibas Yesus sigejapken maka kita ndatken gegeh ras gegeh, alu bage maka kita pe enggeluh ersada ras Ia.