NJAGA RAS NGERGAI
KESEHATAN
( Perbahanen Rasul-Rasul 27:33-38)
Kesehaten
berasal dari kata sehat si berarti : “baik seluruh badan serta bagian-bagiannya
(bebas dari sakit); waras. Emaka Kesehatan banci iartiken : “ Keadaan (hal)
sehat;I je ituriken ibas paksa kebaikan
keadaan (badan dan sebagainya) [1] . Alu bage banci sikataken maka kesehaten e
merupaken sada hal si meherga ibas geluhta perbahan adi sehat kita mbue banci
sidahiken, terlebih kita selaku anak-anak Dibata si mengakui maka kita ijadiken
Dibata alu sempurna “sentudu ras tempasNa[2]”
mempunyai tugas ras tanggung jawab eme guna encidahken kemuliaan Tuhan ibas
dampar kegeluhenta. Ibas bahasa Latin lit ikataken “Mens sana in corpora sano”
siberarti “jiwa yang sehat dalam tubuh yang sehat.” Alu kata sideban banci
sikataken maka kesehaten tubuh pe berhubungen ras kesehaten jiwanta.
Ngidah
she kel mehergana kesehaten e man banta , emaka perlu ipersingeti mulihi gelah
kita kerina tetap njaga ras ngergai
kesehaten e arah kerina dampar kegeluhennta , termasuk arah pola hidup antara
lain eme karna perpan (pangan), istrahat, olah raga ras pendahin ras sidebanna.
Ibas jaman genduari enda enggo melala
manusia kurang memperdiateken kesehaten e karna kesibuken terutama kel karna
pangan. Alu mbuena jenis-jenis pangan si
genduari enda rikut ras seleranta si la ngasup membatasi dirinta nandangi
pangan, enda banci mbaba pinakit ibas geluhta. Arah pangan ras cara manca (
polamakan) si la tepat banci melala
turah pinakit termasuk bagi Buena pinakit jaman si genduari.
Situhuna
sanga Tuhan Dibata njadiken manusia enggo iaturkenna karana pola makan ras
pangan si jadi panganta si tertulis ibas Kejadin 1:29 : “ Kubereken man
panganndu kasakai sinuan-sinuan si erbuah ibabo doni enda ras kerina batang
kayu si erbuah silit sinuanna ibas buahna”. Sanga sie banci si banyangken la
melala turah pinakitna bagi si genduari enda ( contohna : asam urat,kolesterol
rsd..) she maka adi sinen umur manusia
(sinusur Adam) eme she umurna antara 777
tahun seh 930 tahun[3].
Tapi kenca jaman Nuah Pola makan ras pangan manusia terjadi perobahan, Kejadin
9:3-4 : “ Genduari kerina rubia-rubia, perik-perik ras nurung e banci ipanndu,
bagepe sinuan-sinuan si meratah. Kubereken e kerina man bandu jadi panganndu.” Arah
perobahan pola pangan e pe teridah maka
Nuah eme siterakhir simencapai umur 900 tahunan
kenca ia umur manusia e kira kira 300 tahun saja [4] ras e berkembang terus menurun she kira-kira
120 tahunan, janah genduari umur manusia kira-kira 60 – 70 tahun entah pe
80 tahun lebih banci tetap sehat tentu perbahan tetap njaga pola man ras
panganna.
Ibas
ortennta Perbahanen Rasul-Rasul 27:33-38 je ituriken ija sanga Rasul Paulus ibas
perdalanen alu kapal i Kaiserea nari ku Roma guna ngelanjutken pengadilen
nandangi Paulus erkiteken pengadun Ananias ras
piga piga kalak Pertua Jahudi bagepe sekalak juru bicara si tergelar
Tertulus man Gubernur Felik alu tuduhen maka Paulus e me sekalak penggujuh si
encedaken. Iguntarina kerina kalak Jahudi ibelang-belang doni enda. Janah ia me
sekalak peminpin sekte kalak Nasrani terlebih pe icubakenna encemarken Rumah
Pertoton Sibadia[5].
Perdalanen Paulus ras rombongenna ( ija
ibas kapal e selain pegawai-pegawaina ikut ibaba piga-piga kalak tahanen)
melala ndatken tantangen ras hambaten si mesanget. Ija i tengah perdalanen reh
angin si meter nungsang kapal e sierbahanca pegawai –pegawai kapal e mbiah
she maka lanai lit arapenna enggeluh.[6]
Emaka kenca 14 berngi kapal e bombang-bombang i lawit Adria, nandangi terang, i
suruh Paulus kerina kalak si lit ibas kapal e man. Nina, “Enggo sepuluh empat
wari dekahna iarap-arapkenndu ngadi angin si meter e. Janah kidekah si e la kam
man” . Tentu banci sibayangken maka ia kerina la man labo perbahan la lit
pangan tapi eme perbahan lit kearun ate si mesangat seh maka lanai lit arapenna
enggeluh, ( mungkin selera man lanai lit perbahan tetap berusaha guna
menyelamatkan diri ibas bahaya nari). Paulus ngataken manlah kam lebe, sienda
perlu guna kesehatenndu, labo selambar pe buk takalndu bene[7]. I
jenda teridah maka Paulus mpetetap ukur pegawai-pegawai ras kerina si ibas
kapal , maka Tuhan Dibata mereken keselamatan man bana kerina. Enda ikataken
Paulus perbahan enggo ialokenna kata Tuha arah MalaikatNa n ina :”O Paulus, ola
kam mbiar, la banci kam la seh ku lebe-lebe
Kaisar, janah erkiteken perkuah ate Dibata arah kam, kerina kalak si lit
ibas kapal enda pe selamat (Perb. 27:24). Paulus ngataken man lah kam lebe , si
enda perlu guna kesehatenndu. Banci sibanyakken uga kotena igejapken
pegawai-pegawai kapal e enggo 14 wari la man sementara tantangan sinihadapi
guna she ku tujuan melala denga. Ija bagi enggo si eteh maka man pangan eme salah
sada sumber energy man tubuhta guna ndalanken erbage-bage aktivitas . Emaka adi
tubuhta kekurangen energy maka tubuhta enda jadi lemas she maka lukah kote. Janah
ibas ilmu biologi jelas ituriken maka fungsi makanan eme :
1. Pertumbuhan
ras perkembangen tubuh
2. Pemeliharaan ras perbaikan sel-sel tubuh si enggo
ceda entah pe metua
3. Pengaturen metabolism tubuh
4. Pertahanen tubuh ibas pinakit
5. Sinjagai keseimbangen cairen ibas tubuh
6. Penghasil energy.
Enda me si ipersingeti Paulus
gelah pegawai-pegawai kapal e man guna kesehatenna. Emaka Paulus buatna roti,
ertoto ia ilebe – lebe kalak e kerina guna ngataken bujur man Dibata karna
pangan e. jenari icepik-cepikna roti e janah ipanna ( Perb. 27:35). Teridah maka sope ia man roti e ras kalak e
kerina itotokenna lebe man Dibata. Enda
ngataken maka pangan e jadi pergegeh ras kemalemen adi ipasu – pasu tuhan
Dibata. Bagi si ilakoken Tuhan Yesus pe sangan Ia mere man 5000 kalak ( Luk.
9:16). Teridah pasu-pasu Tuhan maka ngidah si ilakoken ras ikataken Paulus
tetap ukur kalak ndai janah man ia kerina seh besur janah i bas pasu – pasu
Tuhan selamat ia kerina. Jadi jelas siidah maka kerina e kita ndatken kemalemen
ate eme arah pasu pasu Tuhan bagi si tertulis ibas Keluaran 15:26: “ Nina
Tuhan,”Adi tuhu-tuhu kam erkemalangen man bangku alu erbahan kai si payo
kuakap, janah iikutkenndu kerina si kusuruh, la kam Kuukum alu pinakit-pinakit
si Kubahan man bangsa Mesir. Aku kap Tuhan si erbahanca kam mejuah-juah.”
Kesimpulen
Pangan ras pola man situhuna
enggo iaturken Tuhan man manusia mulai kin manusia e ijadikenna sentudu ras
tempasNa. Emaka marilah kita njaga ras ngergai kesehaten e arah sikap hidupta
terlebih karna pangan. Kita harus ngangkai kai siterbaik man tubuhta labo hanya semata-mata terasa enak ibas babahta
saja. Kita labo ngasup ndalanken tugas panggilenta man Tuhan Dibata selaku
ciptaanNa sitermulia guna kemuliaan Tuhan Dibata tanpa memiliki tubuh si sehat.
Perpan
juga banci terganggu adi ukur serbut ras lit kearun ate si mesangat, emaka
harus kita tetap ngasup erpengendes man Tuhan gelah banci erlayas perukurennta
she maka malem ateta bagi pegawai kapal ibas romongen Paulus ndai tetap ukurna
aminna pe lit perbeben she maka banci ia man. Ngasup ernalem man Tuhan
katawaripaksa pe erbahan kita banci gembira. Hati yang gembira adalah obat yang
manjur tapi semangat yang patah keringkan tulang ( Ams. 17:22; Fil. 4:6-7). .
Tambah sie maka setiap pangan si ipan kita benakenlah alu toto maka
ipasu-pasunTuhan. Emka guna kesehatenta marilah kita mulai alu memperdiateken
pola makan kita alu 3J :
1. Jenis : Jenis pangan siikonsumsi
kita marilah si konsumsi makanan si
sehat tidak cepat saji
ras
junk food rsd..
2. Jumlah pangan : Ula man mbuesa, tapi ibas jumlah sicukuplah.
“Man lah sope melehe janah ngadilah
sope
besur”
3. Jadwal :
Manlah ibas waktu teratur.
ari sijaga ras ergai kesehatenta arah sikap hidup si teratur iadepen Tuhan ras njaga pola makanan rikut perpennta, perbahan kita enda eme : Rumah Pertoton Kesah Sibadia. Emaka simuliakenlah Dibata arah kulanta. ( 1 Kor 6:19-20)
Syalom
GBKP
Runggun PKS
M
.
Tidak ada komentar:
Posting Komentar