LITURGI KEBAKTIAN NATAL UMUM

TAHUN 2016

 

Tema         :   Erbuah Meramis ibas Kristus (Joh.16:8-11).

Sub Tema :   Arah Perayaan Natal enda, reh buenalah buah kinitekenta, subuk ibas perbahanen, pengerana ras pe pelayanenta.

I.       PERSIKAPEN

a.       Memeriksa kelengkapen prosesi

b.      Ertoto

c.       Rende KEE 114:1-3.

1. Sendah jumpa kita wari raya e, peringeten tubuh Tuhan Yesus e.

Nusur ndahi kita manusia e, keriahen kap e.

Ermulia me Tuhanta, e si puji me gelarNa

Perdamen ib’re Dibata, Tuhan Yesus kap e.

2. Mari kita ku kuta Betlehem e, muji nembah man Tuhanta Yesus e.

E tinenges Tuhan si perkuah e, Dibata Bapa e.

Ermulia me Tuhanta, e si puji me gelarNa.

Perdamen ib’re Dibata, Tuhan Yesus kap e.

3. Sembah kami man baNdu si tubuh e, Kam si maba dame ku pertibi e.

Bengket min ku tendi ukur kami e, dameNdu o Yesus.

Ermulia me Tuhanta, e si puji me gelarNa.

Perdamen ib’re Dibata, Tuhan Yesus kap e.

d.      Kata Penaruh

Mejuah-juah man banta kerina…Wari lepas wari enggo sibentasi, la sigejab seh ka menda kita ku penghujung tahun enda. Bagi tahun-tahun si enggo lewat, siperingeti ka me wari ketubuhen Tuhanta Yesus Kristus arah natalta sisendah enda. Adi sirenungken, enggo me erbuah kinitekenta arah peringeten ketubuhen Tuhan Yesus si tiap-tiap tahun siperingetti? Ibas natalta sekali enda, mari tuhu-tuhu situduhken keriahen ukurta ibas kita ngalo-ngalo kerehenNa, alu erbuah meramis ibas perbahanenta. Natal la terjeng muji-muji ketubuhen Tuhanta Yesus Kristus, tapi pe nuduhken aksita, arah perbahanen si tep-tep wari. Ketubuhen Yesus, hadirlah ibas pusuhta tep-tep wari segedang-gedang geluhta. Alu bage mari dage sibengketi kebaktin natalta enda guna nerangi pusuh perukurenta gelah kita ngasup ipake Tuhan jadi perkakasNa ibas nehken keselamaten man isi doni enda.

Emaka sipuji Tuhan alu ngendeken KEE 494:1-3 (Lampu ibas ruangen kebaktin imateken, barisen prosesi bengket kubas ruang kebaktin, asum seh ibas pintun erkata lonceng, ije perpulungen tedis).

1.      Rende malekat surga, enggo tubuh Tuhanta

Dame surga babaNa, ibrekenNa man banta

Krina bangsa pujilah, rende surak mriahlah

Ras malekat mbarkenlah, Yesus reh ku Betlehem

Rende malekat surga, enggo tubuh Tuhanta.

2.      Surga muji gelarNa, Tuhan si rasa lalap

Nehenlah reh Tuhanta, tubuh raja mulia

Nusur ku doni enda, tubuh idur Maria

Tuhan jadi manusia, rembah kita ras IA

Rende Malekat surga, enggo tubuh Tuhanta

3.      Ibas keleng ateNa, kita i muliakenNa

Arah ketubuhenNa, gluh simbaru brekenNa

Trang kegluhen babaNa, kita jadi anakNa

Malem ate bas IA, enggo tubuh Rajanta

Rende Malekat surga, enggo tubuh Tuhanta

II.    KEBAKTIN

1.      Votum     :    Ibas gelar Dibata Bapa si dem Kemulian, ibas gelar AnakNa Yesus Kristus si sekali enda siperingeti ketubuhenNa ku doni enda, ras ibas gelar Kesah si Badia si petetap kinitekenta ernalem man baNa.

2.      Salam     :    Perkuah ate ras dame ibas Dibata Bapa ras ibas Tuhan Yesus Kristus nari, ibas kerempaken Kesah Si Badia, ras kita kerina gelah. Gloria.

3.      Perp        :    Gloria….Gloria….Gloria…. (iendeken)

     

4.      Introitus :   Mazmur 1:3 “Ia seri ras batang kayu si turah i tepi lau anak, erbuah  i bas paksana, dingen bulungna pe la melus. Sangap ia  i bas kerina pendahinna.”

5.      Rende KEE 115:1-3 “Keriahen Simbelinna”                    

1.      Keriahen simbelinna, sikuberitaken e

Enggo tubuh sipermakan, eme Tuhan Yesus e

Reff : Pujilah min Dibatanta, ras dame-dame man banta

          Dibatanta sierkuah ate, man kita jelma e

2.      Ibas berngi enda terang, bintang si mehelhel e

Trangna seh ku perukuren, si lanai erlayas pe

Reff : Pujilah min Dibatanta, ras dame-dame man banta

          Dibatanta sierkuah ate, man kita jelma e

3.      Tuhan Yesus persadanta, em isuruh Bapa e

Sinasapken krina dosa, ibas golgota kepe

Reff : Pujilah min Dibatanta, ras dame-dame man banta

          Dibatanta sierkuah ate, man kita jelma e

6.      Berita Kerna Perbahanen Dibata Bapa man doni enda.              (Perp. Kundul)

“ Sabab bage pengkelengi Dibata doni enda, emaka iberekenNa AnakNa Sitonggal, gelah ola bene ise pe si tek man Bana, tapi gelah dat kegeluhen si tuhu-tuhu si la erkeri-kerin (Yoh.3:16). Keleng ate Tuhan enggo ipadanken arah Nabi-nabi, kerna kerehen Mesias, Nina Tuhan : Enda me suruh-suruhenKu si Kupegegehi, Ia me pilihenKu, si ngena ateKu. Kesahku enggo Kubereken man Bana gelah ibahanNa kebujuren man kerina bangsa-bangsa. La Ia nergangi, la megang soraNa ibahanNa, janah ibas pasar pe la terbegi soraNa ngerana. Buluh si punggur la itabahNa, lampu si milep-ilep la inimpetiNa. Alu tutus ate keadilen ibabaNa. La Ia leja-leja, la Ia ngelabuh seh enggo paguh ipajekkenNa keadilen i doni enda. Erkiteken si e negeri-negeri si ndauh tertima-tima nandangi pengajarenNa (Yes.42:1-4).

7.      Rende : KEE 193:1-3.

4.      ‘Bas si nasa tinepaNa, tetap k’rina rende t’rus.

‘Nde’enden pujin badia, muji gelar Penebus.

      Ref. Gloria Muliaken Tuhan (2X).

5.      ‘Bas ingan si meganjangna, Bala Tuahn i Surga.

Rende m’riah ia k’rina, man Tuhan Penebusta.   Ref:…

6.      K’rina ginemgem Dibata, pehaga si Tubuh e.

Surga doni rende ia, k’rina alokenNa pe.   Reff:…

8.      Pengakun Kerna Kesadaran diri nggeluh iteruh kuasa dosa.

      L    :     Senina ras turang, ‘nggo siidah uga belinna Dibata ‘ngkelengi kita, si mereken keselamatan man banta arah Yesus Kristus.

      L2  :     Andiko...tuhu mbelin kal keleng ateNdu kempak aku o Tuhan, Kam Badia, aku perdosa, Kam mulia aku meluat. La aku metunggung Tuhan, ngaloken keleng ateNdu e. Erkiteken la aku mediate nandangi pedahNdu bagepe la mediate nandangi temanku. Maun turah ibas ukurku kai kin gunana aku ku gereja, ku perpulungen, ku PA ras dahin-dahin ibas perpulungen. Megati nina pusuh ukurku kerina sia-sia, sada pe lalit kuakap gunana bangku. Aminna pe aku ku gereja, megati labo Tuhan si kusembah, tapi mbiar aku urak ergangku ilebe-lebe jelma si enterem, rusuren aku ncakapken kalak, asangken ncakapken kerna kataNdu Tuhan. Ibas nutupi kesalahenku e maka aku ku gereja gelah ipehaga kalak aku selaku kalak sierkiniteken, tapi ibas ukurku kesalahan kalak ngenca kudarami, labo salahku. Melala tuhu, nggo kugejap salahku Tuhan. Alemi min aku.

      P    :     Kee 76:2-3

1. Kuukuri me lagungku, Dosa nari krina pe

    Nggo terbuang wari-wari, la kupergunaken pe

2. Rusur nari aku lalar, Ngaku aku o Tuhan

    Amin gia aku Kristen, Dosa lalap nge kuban.

9.      Berita Pengalemi Dosa                                                          (Perp. Tedis)

      L    ;     Nina Tuhan : “Ola mbiar, Tuhan kap ras kam, janah nggo iberekenNa pasu-pasuNa simbelin man bandu”

      P    :     Kupuji Kam Tuhan, sabab iapuliNdu aku, Mbarenda nembeh ateNdu aku. Tapi genduari lanai ateNdu merawa.

10.  Rende KEE 468: 1-2

1.      Tuhan Demi aku salu KesahNdu

Tuhan demi aku salu KesahNdu

Pusuhku bagi tambe ku baba kupancurNdu

Tuhan Demi aku salu KesahNdu

2.      Tuhan demi aku salu KataNdu

Tuhan demi aku salu KataNdu

Pusuhku bagi tambe ku baba ku pancurNdu

Tuhan demi aku salu kataNdu

11.  Koor/VG/Solo :                                                                     (Perp. Kundul)

12.  Nagani Lilin  (Rende KEE 135:1-3)                                    (Perp. Tedis)

            1. Berngi e, ‘nggo kepe, Yesus reh ku doni e.

                Nusurlah ngangkut dosanta me kin.

                Jadi kap musil’lah sangap pagin.

                Asa si tek Tuhan e, asa si tek Tuhan e.

                              2. Anak e, bujur pe, si ngena me aku e.

                                  KiniulinNdu tadingken Kam kap.

                                  Bengket ku doni ‘lah t’rang si gelap.

                                  Aku daramenNdu e, aku daramenNdu e.

            3. Berngi e, ‘nggo kepe, Tuhan reh ku doni e.

               Padan Dibata teridah tetap.

               KinikelengenNa banta me kap.

               Tuhan si puji gelah, Tuhan si puji gelah.

13.  Khotbah                                                                                 (Perp. Kundul)

      a.   Pengogen Kata Dibata Sipemena : Jesaya 12:1-6

            L    : Ketuahen Kalak Simegiken Kata Dibata, dingen simakekenca ibas geluhna si tep-tep wari. Maranatha.

            P    : Maranatha, Maranatha, Maranatha (iendeken)

      b.   Khotbah

14.  Pengakun Kiniteken                                                             (Perp. Tedis)

15.  Koor/V. Group/Solo                                                             (Perp. Kundul)

16.  Persembahen Pengataken Bujur                                        

      L    :     Kata Dibata kerna Persembahen : “Ietehndu uga liasna Tuhanta Yesus Kristus; maka aminna bayak gia Ia, tapi guna kiniulinndu, ipemusilNa baNa, gelah arah kemusilenNa e jadi bayak kam.” (II Kor. 8:9)

                  (Tupung sisehken persembahenta, ras kita rende arah : KEE 471)

Ermengkah ukurku, ras ngataken bujur Tuhan

Kelengi min aku, Kam empu geluhku

Reff    :   Enda ngenca Tuhan, persembahenku, Kerina geluhku, kesah ras kulangku

                      La kap lit bas aku, erta kebayaken, si cukup meherga lah ku persembaken

                      Sada ngenca Tuhan, lit pemindonku, aloken min Tuhan persembahenku

                      Pakeken geluhku, jadi perkakasNdu, segedang geluhku..

17.  Pertoton persembahen

18.  Koor/V. Group/Solo

19.  Pertoton Syafaat

20.  Tekad/Perpadanen Natal (Nggeluh ngikutken peraten Tuhan).  (Perp. Tedis)

      L    :   Senina ras turang, enggo tangkas belinna kemulian Tuhan ibas keleng ateNa guna mereken keselamaten man doni enda ras kerina isina, dingen ipakena manusia jadi perkakasNa, bagi pendilo man Maria, nina Maria ngaloi : Kuendesken diringku man Tuhan. Janah jadilah ibas aku bagi si enggo ikataken Tuhan e. Kam uga nindu?

      P    :   Aku pe bagi Maria ngataken : Kuendesken diringku man Tuhan, janah jadilah ibas aku bagi si enggo ikataken Tuhan e.

      L    :     Nina Tuhan : Benih sindabuh ku taneh si mehumur bali ras kalak si meg Berita dingen iangkana, jenari erbuah pe, erlipat-lipat ganda?

      P    :     Tuhan, aku pe mpesikap pusuhku jadi ingan si mehumur, gelah kataNdu banci turah, rurat enteguh dingen erbuah erlipat ganda ibas perbahanenku si tep-tep wari.

      L    :     Nina Tuhan : Kam Sinaksiken Aku man doni enda, kam jadi perkakasKu ibas ‘ncidahken keleng ateKu man doni enda, janah Aku nemani kam seh ku kedungen jaman. Enda me pedah Tuhan, uga ninta ngaloisa?

      P    :     Bujur Tuhan, nggit Kam makeken aku jadi perkakas keleng ateNdu, ningku bagi Maria ngaloisa : Kuendesken diringku man Tuhan, janah jadilah ibas aku bagi si enggo ikataken Tuhan e.

21.  Rende PEE 69:1-3.

      1. Kek’lengen Yesus kempak manusia, desken Dibata engkelengi Ia.

          KekelengenNa maler kap man banta, adi si pakelah pedahNa.

                Ref. Min sikeleng-kelengen kita k’rina, bage pedahken Yesus bas Pusataka.

                        Sababna kai si pindo bas gelarNa, ib’re Dibata man banta.

      2. Ngasamken kesah nggit me kepe Ia, gelah terkelin kita manusia.

          Dage dalanken si ni pedahkenNa, kempak temanta ise gia.

                  Ref.

      3. Bas paksa kita nehken kekelengen, ola min siban ceda kempak teman.

    Erban mehuli ola rahan-ahan, ‘lah kedamen jujurken Tuhan.

            Ref.

22.  Pertoton Tuhan.

23.  Pasu-pasu.

Mulihlah alu dame ras mejuah-juah aloken keriahen natal ibas pemasu-masun                  Tuhan :

“Enggo isehken Dibata padanNa man (banta/bandu), maka malem (ateta/atendu) sabab enggo tangkas (siidah/idahndu) alu (matanta/matandu) jine penampat si rehna ibas Dibata nari. Amin.

Isambut Perpulungen : Amin,amin,amin (Iendeken)

............Kenca Amin, amin, amin, Perpulungen ngumputisa alu ngendeken refrein Gloria     Muliaken Tuhan…., Imam ngalo-ngalo Pengkhotbah, barisen prosesi ikut mulih ku ingan persikapen ngikuti dalan prosesi pemenan kebaktin ndai...................................

            Glo...ria Muliaken Tuhan (2x)

           

........Iendeken rolih-olih iher si salam-salamen seh barisen prosesi ndarat ibas ruangen kebaktin nari...............................

III. PERAYAAN NATAL.