LITURGI KEBAKTIAN NATAL PI

TAHUN 2016

 

Thema                :     Imanuel ; Dibata Ras Kita (Mat. 1:23)

Sub.Thema        :     Persadanta ras Tuhan erbahansa kita megegeh ibas ndalani kegeluhen enda

I.       PERSIKAPEN

1.      Ngendeken lagu-lagu Pujin

·         Bertemu Dalam KasihNya

·         Kasih Dari surga

2.      Ngaturken sietugas ibas kebatin : kolektan,  pertoton syafaat, sinagani lilin, prosesi

3.      Kata Penaruh : Jesaya 40:3-5

Lit sora erlebuh nina : Pekena dalan Tuhan i bas taneh si mesawang, i bas gurun pasir, pesikap dalan man Dibatanta. Kerina baluren itambusi me, deleng-deleng ipekendit. Uruk-uruk jadi kendit si mbelang, janah taneh si bongkak-bangkik jadi rata. Kenca bage ipetangkas me kemulian Tuhan janah kerina manusia radu ngidahsa. Tuhan jine kap si erpadan kerna si enda.

4.      Rende : PEE No. 239 : 1-3 (PEE 27) (Prosesi bengket kubas ingan kebaktin, Perp. tedis)

1.          Si endeken nde-nden simeriah

        Man Tuhanta singgo tubuh bas pelangkah

Sabab patut nge krina kita nembah

Ban babaNa terang ngaruh ras pe tuah

        Dage mari kita kerina lah sipuji gelar Dibata

        Ulanai ukur erbera Tuhan Yesus me kap Rajanta

2.          Tuhan Yesus metunggung dat pujin

Perban Ia singajari kita kin

KeklengenNa la erkeri-kerin

Adi pakelah pedahNa seh pagin

Dage mari....

3.          Gelgel nari suratken nabi-nabi

Reh me skalak sinampati ku pertibi

Em pemere idur Dibata nari

Enggo tubuh i Betlehem tengah berngi

Dage mari...

II.        KEBAKTIN

1.                Votum + Salam

  L      :   Kebaktin Natal enda ibenaken ibas gelar Dibata Bapa sinepa langit ras doni, ibas gelar Yesus Kristus simpeteruk banNa jadi seri ras manusia ras ibas gelar kesah sibadaia simpelimbarui kegeluhen manusia.

              Perkuah ate ras dame ibas Dibata Bapa ras ibas Tuhan Yesus kristus nari ibas kerembakan Kesah sibadia ras kita (kam) kerina gelah. Amin

P      :   Amin... Amin... Amin...

2.                Invocatio : 

Angkatlah pintu gerbang si nuria, maka bengket Raja mulia. Ise kin Raja Mulia e ? e me Tuhan simbisa, Tuhan si permenang ibas perang (Mas. 24:7-8)

3.                Rende :  KEE No. 114:1,2

1.          Sendah jumpa kita wari raya e

Peringeten tubuh Tuhan Yesus e

Nusur ndahi kita manusia e keriahen kap e

Ermulia me Tuhanta e si puji me gelarNa

Perdamen ibre Dibata Tuhan Yesus kap e

2.          Mari kita ku kuta Betlehem e

Muji nembah man Tuhanta Yesus e

E tinenges Tuhan si perkuah e Dibata Bapa e

        Ermulia...

4.      Puji-pujin :........                                                                   (Perp. Kundul)

5.      Responsoria : Berita Kerna Ketubuhen  Tuhan Yesus (Joh. 3:16-17)

L :   Sabab bage pengkelengi Dibata doni enda, emaka iberekenNa anakNa si tonggal

P :   Puji Diabata e Raja mbelin simulia, kita kerina erjimpuh ertoto ku Ia.            KEE No. 3

L :   Gelah ola bene ise pe sitek man BaNa tapi gelah dat kegeluhen situhu-tuhu si la keri-kerin

P :   Puji Dibata e Raja mbelin simulia, kita kerina erjimpuh ertoto ku Ia.

L :   Sabab Dibata nuruh anakNa ku doni enda labo jadi hakim tapi jadi si ngkelini manusia

P :   Puji Dibata e Raja mbelin simulia, kita kerina erjimpuh ertoto ku Ia

6.       Rende : KEE No. 123:1-3

1.      Ketuahen meriah ukur me

Ketubuhen ni Yesus e

Sangap me jelma Reh me Tuhanta

Mari surak aleplah Haleluya

2.      Ketuahen meriah ukur me

Ketubuhen ni Yesus e

Malem me ateta rdame ras Dibata

Mari surak aleplah Haleluya

3.      Ketuahen meriah ukur me

Ketubuhen ni Yesus e

Yesus penawarta tubuh man gunanta

Mari surak eleplah Haleluya

7.      Puji-pujin :

8.      Nagani Lilin (Perp. Tedis)

Rende : KEE No. 135:1-3

1.      Berngi e nggo ke pe Yesus reh ku doni e

Nusurlah ngangkut dosanta me ki

Jadi kap musillah sangap pagin

Asa sitek Tuhan e 2x

2.      Anak e bujur pe si ngena me aku e

KiniulinNdu tadingken kam kap

Bengket ku doni lah trang si gelap

Aku daramenNdu e 2x

3.      Berngi enggo kepe Tuhan reh kudoni e

Padan Dibata teridah tetap

KinikelengenNa banta me kap

Tuhan sipuji gelah 2x

9.      Khotbah                                                                                           (Perp. Kundul)

10.  Pengakun Kiniteken                                                                       (Perp. Tedis)

11.  Persembahen                                                                                   (Perp. Kundul)

L    :     ietehndu kuga liasNa Tuhanta Yesus maka aminna bayak gia Ia, tapi guna kiniulindu ipemusilNa baNa, gelah arah kemusilenNa e jadi bayak kam        (2 Kor. 8:9)

Rende : KEE No. 136:1-3

1.      Kam krina si tek mari surak janah puji

Pedas min kerina ku Betlehem

Nehenlah Anak tubuh man Tuahta

Mari kita nembah 3x man Raja

2.      O raja mulia si njujurken krina

La mela kam tunduh ibas ampun

Kam me Dibata mula-mula nari

Mari kita nembah 3x man Raja

3.      Kam krina malekat pujilah man Tuhan

Ersurak ersurak man baNalah

Puji Dibata i surga i doni

Mari kita nembah 3x man Raja

12.  Puji-pujin :

13.  Pertoton Syafaat

14.  Responsoria : Padan Dibata man kalak sitek

L       : Nehenlah kuga kelengna ate Bapa man banta

P       : Kita  igelari anak-anak Dibata janah labo gelar saja tapi tuhu-tuhu me kita anak-anak Dibata

L       : Janah sieteh me maka ibas kerehen  Kristus pe pagin bali me kita ras Ia

P       : Kita igelari anak-anak dibata janah labo gelar saja tapi tuhu-tuhu me kita anak-anak Dibata

L       : Sebab enggo ipetangkas Dibata lias ateNa guna keselamatan manusia

P       : Kita igelari anak-anak Dibata janah labo gelar saja tapi tuhu-tuhu me kita anak-anak Dibata

L+P   : Lias ateNa e ngajari kita nadingken kegeluhen si la ngena ate Dibata. Amin

15.  Rende : KEE : 381 :1-3 (SEE 169) (Perp. Tedis)

1.      Sura-sura Yesus bangku ersinalsal tetap

Nggeluh bujur ras mehuli sengena ateNa

      Ersinalsal terang em sinisuraken Yesus

      Ersinalsal terang kuetetap ersinalsal

2.      Sura-sura Yesus Kristus nandangi geluhku

Mpehaga turang senina sisampat-sampaten

Ersinalsal...

3.      Kupindo Yesus nampati njaga pusuhku e

Gelah ngasup ersinalsal ngikutken Tuhan e

Ersinalsal...

16.  Pertoton Tuhan

17.  Pemasu-masun

L    :   Dibata sumbul kemalemen ate e lah si ncukupi keperlunta (ndu) guna ndalanken si sentudu ras peratenNa. Janah Dibatalah erdahin i bas kita (kam) arah Yesus Kristus gelah kita (kam) ngelakoken si ngena ateNa. Man Kristuslah kemulian seh rasa lalap. Amin

P    :   Bapa trimakasih, Bapa trimakasih

          Bapa di dalam surga, ku bertrimaksih

          Amin

III.   VARIA NATAL

1.                            Kata-kata Sambuten

2.                            Jedah...