LITURGI UCAPAN SYUKUR KELUARGA BP LINDUNG SITEPU RAS MPERBERKET SEPTA RITA SITEPU GUNA ERDAHIN I JEPANG

LITURGI  UCAPAN SYUKUR  KELUARGA BP LINDUNG SITEPU

  RAS

MPERBERKET SEPTA RITA SITEPU GUNA ERDAHIN I JEPANG

A.    PERSIKAPEN :

Lit    :   Turang ras senina, Keleng ate Dibata la kel ersibar man banta kerina.  Dibata Simada Kuasa dingen Mulia e tetap   icidahkenNa ban banta kerina kkekelengenNa alu ngarak – ngarak kita dingen mpekena- kena kita ibas ndalani kegeluhenta I doni enda , emaka kerina kalak si ernalem man baNa ibereken kemalemen ate ibas geluhna.

              Genduari pulug kita ibas ingan enda memuji ras memuliaken Tuhan Dibata ibas pasu-pasuNa man banta kerina, ija anakta entah turang –seninanta si tergelar Septa Rita Sitepu (anak i  tengah jabu Bp.Lindung Sitepu) enggo ndungi perkuliahen i Yayasan Rumah Sakit Umum Sembiring Deli Husada Delitua,  janah terpilihka ia guna erdahin i Jepang. Tentu malem dingen meriah ukurta dingen sigejap maka e kerina eme bekas pasu-pasu dingen pengarak arak Dibata man banta kerina terlebih I tengah-tengah jabu Sitepu mergana. Emaka marilah sipuji Tuhan dingen radu ras kita ertoto gelah anakta si Septa Rita Sitepu enda tetap ndatken keberhasilen ibas ia ndahiken dahin i negeri Jepang, janah kit ape kerina si i kutanta enda terlebih keluarga Sitepu mergana tetap mejuah-juah dingen ermalem ate i teruh perkuah ate Dibata.

Mari dage sipesikap pusuh ras ukurta sipuji Tuhan  KEE No 205

   1.Rehlah min o Tuhan sikap kami krina , ersembah man baNdu jenda

      Nusurlah min Tuhan, bahan sikap krina, ukur kami pe badia

      O, Bapa, bre gelah, daten pasu-pasu, kami krina enda

2. Tuhan Dibatanta lit bas rumah enda nembah kita krina baNa,.

    Alu kehamaten mungkuklah man baNa, kula , tendi pe kerina

    Aloken kataNa ras pasu-pasuNa, usekenNa banta

Lit : Ras Kita ertoto.

Rende  KEE  No. 325  “Tuhan I tengah-tengahta”

1.Tuhan i tengah-tengahta, mreken pasu-pasuNa            2. Tuhan i tengah-tengahta, reh riahna ukurta

    Maler desken lau si mbelin, lanai lit siterulin,                       Reh tenengna pertendinta, reh damena pusuhta

    Usekenlah min KesahNdu, temani geluh kami                      Usekenlah min KesahNdu, temani geluh kami

    Gegeh kami mplimbarui, krina jadi mehuli                           Gegeh kami mplimbarui, krina jadi mehuli

 KEBAKTIN

1.       Votum - Salam

L:  I bas gelar Dibata Bapa, AnakNa Jesus Kristus Tuhanta, ras i bas gelar Kesah Si Badia.

       Kejuah-juahen jadi sikerajangen kalak si ngerembakken dirina ras Dibata, bagepe si        njaga kiniersadanna ras Dibata. Kekelengen ras kemulian Dibata si nemani        kegeluhendu genduari nari seh rasa lalap. Amin

P:   Amin …. Amin …… Amin…..   (Iendeken)

2.       Invocatio

L:  “Kataken bujur man Tuhan, Erkiteken kiniulinNa; keleng ateNa tetap rasa lalap ( 1 Tawarikh 16:34)

3.       Rende : KEE No 182:1,2,3

1.       O Tuhan Kam tetap, tedehku man baNdu, arapku lalap Kam, nemani geluhku

         Reff : O Tuhan rasa lalap, geluhku temani, ola tadingken aku, ras Kam tetap

2.       O Tuhan Kam tetap, ajarilah aku. Lah kai pe si kuban, mehuli man bandu……Reff

3.       O Tuhan Kam tetap, ras aku rembaklah. KataNdulah Tuhan, e kuikutkenlah….Reff

4.       Ertoto

5.       Khotbah  : Ulangen 28:9-10

6.       Pengakun Kiniteken

7.       Persembahen .

L:  Mari siendesken persembahen pengataken bujurta man Tuhan rikut ras pengakun        keriahen ukurta bagi siakuken raja Daud ibas Kronika 29:17, nina:

        “Kueteh maka Kam si nguji pusuh peraten dingen meriah iakapNdu ras bangsa si          ertutus ate.  I bas pusuh peraten si bersih ras bujur, meriah ukurku merekenca enda          kerina man baNdu,  janah kuidah kuga bangsaNdu si enggo pulung i jenda alu                  meriah ukur maba persembahen-    persembahen man baNdu”.

Tupung siendesken persembahenta ras kita rende : KEE GBKP  No. 307

1.       O Tuhanku Kam me permakanku, emaka la kekurangen aku

Ku mbal-mbal meratah aku babaNdu, ipesenang-senangNdu geluhku,.Reff..

           Reff.  Permakanku si njayam geluhku, malem ateku, senang tuhu.

                     KelengNdu tetap maler man bangku   , Kam me Tuhanku permakanku

2.       IteguNdu kempak lau simaler, ibahanNdu ateku nggo malem

Emaka tedeh ate tendingku, kempak keg’luhen si sikapkenNdu…Reff..

3.       Amin aku bas kelbung sigelap, arapenku man Tuhan e tetap

Lanai mbiar ndalani geluhe, sabab Tuhan e temanku jine…Reff..

8.       Pertoton Persembahen ras Syafaat

9.       Perpadanen Man Dibata                                                                                                                   

L:  Dibata me simereken kegeluhen, jenari ibereNa kegeluhen si mbaru man banndu       arah Jesus Kristus, janah tetap ipelimbaruina gegehndu arah Kesah Si Badia

P:  Erpadan aku Tuhan, ateku ngergaken kegeluhen si iberekenNdu. Erpadan aku Tuhan,       tetap ngusih  perbahanenNdu, si enggo  ituduhkenNdu i bas Jesus Kristus. Erpadan       aku Tuhan, tetap makeken  kepentaren si enggo ijujurkenNdu arah Kesah Si Badia

L:  Lakokenlah e, erkiteken kam kap sikerajangen Tuhan DibataNdu. IpeserapNa kam ibas       kerina  bangsa-bangsa I doni enda nari jadi BangsaNa khusus.

10.    Rende  KEE. No. 174:1,5

1.   Yahwe me kap permakanku , tendingku nggo menang     

             ItaruhkenNa geluhku,lakai pe sikurang                                 

         5. Sedekah umur geluhku, LiasNdu tergejap

             Ingan tetap seh sidikku, bas Kam rasa lalap.

11. Pertoton Tuhan

12.    Pengutusen Ras Pasu-Pasu Dibata

L: Berelah perukuren ras kinitekenta (ndu) ipelimbarui Dibata, alu bage ngasup kam njagai      dirindu, bagepe  njagai persadanndu ras perpulungenNa i bas keleng ate. Guna si e,       alokenlah pasu- pasu idur Dibata nari:

                “Ipasu-pasu janah ikawali Dibata kam, siang ayo Dibata ersinalsal ibabondu,                janah melias  AteNa ngenehen kam . Itatap Dibata ku kam, janah malem atendi              ibahanNa” .. Amin

P             Amin …… Amin …. Amin ….. (Iedeken)

C.  Acara  Ngerana/Keluarga ( iaturken keluarga)