LITURGI KEBAKTIAN NATAL MORIMAR

TAHUN 2016

 

Thema             :    Terang e Enggo Reh (Matius 1 : 23)

Sub Thema      :    “Terang Kristus mpengasup Mamre - Moria nggeluh ertheologia  ras peturah ketedehen erlajar alu mandiri”.

A.      PERSKIAPEN

I.          I Ruangen Kebaktin

a.        Sikapken babo meja ingan 3 lilin galang,

Sekalak simewakili panitia, mereken kata pengalo – ngalo sekaligus momoken sinagani lilin, ras kai – kai sidebanna siniakap perlu.

b.        Sekalak pertua ntah diaken (asa bancina seksi mamre ntah moria ngoggeken kata penaruh ras mabai rende. “ Turang ras senina libas gelar Tuhanta Jesus Kristus, selaku serayan Tuhan ikataken kami mejuah – juah ras selamat natal man banta kerina ibas natal Mamre – Moria tahun 2016 enda, terang Dibata reh kutengah – tengahta dingen ringan ibas pusuh ras perukurenta simpengasup kita enggeluh erthelogia ras peturah ketedehen erlajar alu mandiri. Mari dage sipesikap dirinta guna bengket kubas kebaktin natalta. Mari ras kita tedis.

c.         Rende No. 140 : 1 – 3 (perpulungen tedis, barisen prosesi bengket ku ruangen kebaktin).

Hosiana enam reh, Anak Daud kubas kutaNa

Ope denga Ia seh, Tanem lambe ban inganNa

Ngambur rudang pekena, Dalin I adepenNa

Hosiana! Tuhan reh, Kam ialo – alo kami

Ate kami enggo seh, nggo Kam muat ukur kami

Bengket ukur kami e, Ialoken kami je.

Hosiana! Sampatlah, maka la pekulah – kulah

Persembahken kamilah, ukur baNdu si mekuah

Kalak simegiken Kam, saja ialoken Kam

II.       I ruang persikapen (paksa panitia nehken pengalo – ngalo ras Pt / Dk ngogeken kata penaruh).

Cataten : Sikapken 3 lilin galang guna I baba pengkotbah, simewakili pengurus mamre, ras Pengurus Moria. Si ikut ibas persikapen / barisen prosesi e me :

Ø  Simabai kebaktin / ras Pengkotbah

Ø  Sekalak mewakili Panitia

Ø  Kerina pelayan khusus

Ø  Mewakili Pengurus Mamre

Ø  Mewakili Pengurus Moria.

a.         Aturken barisen prosesi e me sekalak pelayan khusus simabai pertoton persikapen sekaligus simaba buku peliturgi / pengkotbah, peliturgi, pengkotbah, simewakili Pengurus Mamre, Pengurus Moria, iumputi kerina pelayan khusus.

b.        Ertoto.

c.         Bengket ku ruang persikapen, paksa perpulungen ngendeken Ende-enden no. 140. (Perpulungen Tedis)

B.       KEBAKTIN

1.         Votum, salam, ras Invocatio

L    :  Kebaktin natal mamre moria enda silakoken ibas gelas Dibata sinjadiken langit ras doni, ibas gelar anakNa Jesus Kristus situbuh guna kiniulin doni enda, ras ibas gelar Kesah siBadia slinegu pusuhta (ndu) guna jumpa ras Tuhan.

          Perkuah ate ras dame si rehna idur Dibata Bapa, AnakNa Jesus Kristus ras kerembakken kesah sibadia, ras kita (kam) kerina gelah. Gloria .

P     : Gloria.. Gloria.. Gloria.. (iendeken)

L    : “Tamakenlah pasanganKu ku kudukndu janah erlajarlah ibas Aku nari.sabab Aku melias, janah meteruk ukurku, alu bage I datndu me kemalemen ate”. (Mat 11 : 29)

2.         Rende no. 217 : 1 – 2

Meriah kal ukurta mujikenca, Dibata Raja mbelin simulia

Peblinken min gelarNa sibadia, ban Ia singerajaisa sinasana

Maka bujur nge Dibata man pujin, nai – nai nari genduari seh pagin

Ban tandaina kita krina si suin, sembah Ia me madin.

Dagena mari pujilah Dibata, si inget min kerina pemereNa

Lah tetap ras megegeh pe tendinta, me huli me jadina krajang jelma

Maka bujur nge Dibata man pujin, nai – nai nari genduari seh pagin

Ban tandaina kita krina si suin, sembah Ia me madin.

3.         a.    Koor / Vokal Group                                                    (Perpulungen Kundul)

b.    Pengarapen manusia nandangi ketubuhen Tuhan.

L            : Ibas berngina, ija Jesus Tubuh, melala kel anak kuta betlehem si la meteh kerna ketubuhen Tuhan Jesus, manusia kuskas ibahan perbebenna, mbue kel kesibuken, ibas perjuangken ketenengen nggeluh. Piah lanai lit ingan guna ketubuhen Jesus, amin bage gia, Tuhan Jesus labo surut ibas nehken keleng atena nandangi manusia.

Mamre  : Ngaku kami Tuhan, megati kami lupa nandangi keleng atendu. Pemeteh ras kepentaren kami, iagakken kami ibas kegeluhen kami. O Tuhan daramilah kami ibas kami lalar iban sura – sura kami. Dahilah  kami, tupung pendahin kami nirangken kami ras kam, rehlah Kam Tuhan, tubuhlah Kam ibas pusuh kami.

Moria    : Ngaku kami Tuhan, megati kami lupa nandangi keleng atendu, pengakap ras sura – sura kami saja i ikutken kami. O Tuhan daramilah kami ibas kami lalar iban sura – sura kami. Dahilah  kami, tupung peraten  kami nirangken kami ras kam, rehlah Kam Tuhan, tubuhlah Kam ibas pusuh kami.

Kerina  : Kamlah sijadi terang ibas geluh kami.

Rende Ende – enden no. 55 : 1

O Tuhan reh kam min, ku kami ka

Di la Kam, ise kin , banci ngena ?

Ajari o Tuhan, kami si perdosa ka,

Maka singgo tek ras Kam, la erleka.

4.         Koor / Vokal group

5.         Berita kerna kerehen Dibata                                             (Perpulungen Tedis)

L    : “Aku me Raja Dame, sir eh man bandu guna nampati ras mulahi kam ibas kerina perbeben. Ernalemlah kam man bangku, ula susahi bandu alu dahin-dahin si la perlu, tapi ayakilah singena ateku, erlajarlah ibas Aku nari.sabab Aku melias, janah meteruk ukurku, alu bage I datndu me kemalemen ate.

Rende no. 135 iher nagani lilin natal

Berngi e, nggo kepe Yesus reh ku doni e

Nusurlah ngangkut dosanta me kin

Jadikap musil’lah sangap pagin

Asa si tek Tuhan e, asa si tek Tuhan e.

Anak e, bujur pe singena me aku e.

Kiniulinndu tadingken kam kap,

Bengket ku donilah trang si gelap

Aku daramendu e, aku darameNdu e.

Berngi e, nggo kepe, Tuhan reh kudoni e.

Padan Dibata teridah tetap

kinikelengenNa banta me kap.

Tuhan sipuji gelah, Tuhan sipuji gelah.

6.         Pengogen kata Dibata,  Matius 1 : 18 – 25                       (Perpulungen Kundul)

L     :  “Ketuahen kalak simegiken kata Dibata, dingen simakekenca ibas geluhna, Hosiana “.

P     :  Hosiana.. Hosiana.. Hosiana..

7.         Khotbah (Matius 11 : 20 – 30) ibenai ras idungi alu pertoton. Banci I pilih Nats sideban.

8.         Pengakun kiniteken                                                            (Perpulungen Tedis).

9.         Koor / Vokal Group                                                           (Perpulungen Kundul)

10.     Persembahen  (100 % guna pensiunan GBKP)

Kata Dibata kerna persembahen “ o senina ras turang, nginget perkuah Dibata simbelin si isehkenna man banta, kupindo man bandu, endeskenlah kulandu man Dibata saja selaku persembahen singgeluh rikutken singena ate Dibata, sebab bage me arusna kam ersembah man Dibata, sue ras biakndu selaku makhluk sirukur”.  Tupung ngendesken persembahen, Rende No.115 : 1 –

Keriahen simbelinna, sikuberitaken e

Enggo tubuh sipermakan, eme Tuhan Yesus e

Pujilah min Dibatanta, ras dame , dame , dame man banta.

Dibatanta si erkuah ate, man kita jelma e.

Ibas berngi enda terang, bintang si mehelhel e

Trangna seh kuperukuren, si lanai erlayas pe.

Pujilah min Dibatanta, ras dame dame dame man banta

Dibatanta si erkuah ate, man kita jelma e.

Tuhan Yesus persadanta, em isuruh Bapa e

Sinasapken krina dosa, ibas Golgota kepe

Pujilah min Dibatanta, ras dame, dame, dame man banta

Dibatanta si erkuah ate, man kita jelma e.

11.     Pertoton Persembahen

12.     Koor / Vokal Group

13.     Perpadanen man Dibata (perpulungen tedis)

L                            :   “ O senina ras turang, Tuhan Yesus setia kap,keleng ateNa la erkeri-kerin. ibas paksa enda, nggit nge kam ngaloken Yesus jadi terang ibas geluhndu ?”

P                            :   Nggit Tuhan, Kam kap Tuhan dingen Juruslamat kami, Kam kap terang nggeluh kami.

L                            :   Perukurenku la bali ras perukurenndu, rencanangku la bagi rencanandu, sura – surangku gelah kam ngenanami kiniulinku segedang geluhku.

Mamre + Moria    :    Pasangenndu Tuhan, kutamaken ku kudukndu, erlajar aku man baNdu, meteruk ukurku gelah kunanami kemalemen ate idur kam nari

Kerina                   :    Amin.

Rende No. 249 : 1 ,5

Ajar aku o Tuhanku, make kata ras pedahNdu

Kueteh payo ras sentudu, kuikutken bas geluhku.

Si ngikut pedah Dibata, daten me kerembakenNa,

Pedah kata tangkas krina, em jadi gelementa.

Mata ukur nare baNa, gelah peratenNa siangka

Adi gluhta ikepkepNa, tentu malem kel ateta

Si ngikut pedah Dibata, daten me kerembakenNa,

Pedah kata tangkas krina, em jadi gelementa

14.     Pertoton Tuhan

15.     Pemasu –masun

L     :    Bengketlah ku geluhta (ndu) sekalak – sekalak. Dage, alokenlah ketubuhen Kristus e ibas pusuhta (ndu), guna si e, alokenlah pasu – pasu idur Dibata nari:

            “I pasu-pasu janah ikawali Dibata kita (kam), siang ayo Dibata ersinalsal I babonta (ndu), janah melias ateNa ngenehen kita (kam). Itatap Dibata ku kita (kam), janah malem ateta (ndu) ibahanNa”. Amin .

P     :    A...min   A...min    A.............min

C.      VARIA NATAL