LITURGI KEBAKTIAN NATAL KELUARGA

TAHUN 2016

 

Tema          : Tubuh guna mperdiateken ( Matius 20;28 )

Sub Tema    : Ketubuhen Tuhan Yesus ibas jabu erbahanca setiap anggota nggejabken ras ngelakoken kekelengen sienggo ialokenna arah Kristus man isi jabu bagepe man manusia ibas kerina keadaan

I.         PERSIKAPEN

1.         Erlajar piga –piga ende-enden siendeken ibas kebaktian

2.         Ngaturken petugas kebaktian , simbaba doa syafaat ras sidebanna

3.         Kata Pengalo- Ngalo kubas Kebaktin Natal Keluarga

Natal eme ketubuhen Tuhan Yesus ibas kegeluhenta baik secara pribadi, keluarga bagepe ibas gereja. Alu la sigejap, seh ka me paksana kita ngerayaken ketubuhen Tuhanta Yesus Kristus ibas tahun 2016 enda. Meriah kel ukurta erkiteken ibereken Tuhan denga man banta kerina kesehaten ras kejuah-juahen.  Mari dage sipesikap ukurta guna bengket kubas kebaktin enda.

4.         Ertoto

5.         KEE No. : 114:1,3

1.    Sendah kita jumpa wari raya e

               Peringeten tubuh Tuhan Yesus e

               Nususr ndahi kita manusia e

               Keriahen kap e

                  Reff :   Ermulia me Tuhanta, E sipuji me gelarNa

                              Perdamen ibre Dibata. Tuhan Yesus kap e

2.    Sembah kami man baNdu si tubuh e

               Kam si maba dame ku pertibi e

               Bengket min ku tendi ukur kami  e DameNdu o Yesus.    Reff : ..............

II.      KEBAKTIAN

1.         Votum     : Kebaktian Natal enda ibenaken ibas gelar Dibata Bapa , sierkeleng ate man doni enda , ibas gelar anakNa Yesus Kristus simpeteruk Bana jadi seri ras manusia , ras ibas gelar Kesah SiBadia simereken keriahen situhu-tuhu seh rasa lalap.

2.         Salam      : Perkuah ate Tuhan Yesus Kristus , kekelengen Dibata Bapa ras kerembaken Kesah SiBadia sierbahanca malem atendu katawri paksa pe tetap nemani ras masu masu kam. Amin

P              : A...min    A...min   A..........min

3.         Introitus  : Sekalak Anak enggo tubuh man banta, anak dilaki ibereken banta. Ia me pagi jadi pemimpinta. Ia igelari : “Penampat si meganjangna. Dibata si Mada Kuasa. Bapa Si Rasa Lalap. Raja Dame.” (Jes.9:6).

4.         Rende : KEE No. 115 : 1, 3

1.  Keriahen si mbelinna, si kuberitaken e.

                     Enggo tubuh Si Permakan, eme Tuhan Yesus e.

                     Pujilah min Dibata nta. Ras dame, dame, dame, man banta.

                     Dibatanta si erkuah ate, man kita jelma e

3.  Tuhan Yesus persadanta, em isuruh Bapa e

                     Si nasapken k’rina dosa, ibas Golgota kepe

                     Pujilah min Dibata nta. Ras dame, dame, dame, man banta.

                     Dibatanta si erkuah ate, man kita jelma e

5.         Responsoria : Tuhan kap sekawalku

Bapa      :  kutatap ku deleng – deleng ija nari kin rehna penampatku

Nande   :  Penampat man bangku reh ibas Tuhan nari

Anak²    :  sienggo njadiken langit ras doni

Bapa      :  La kam ipelepasna guling, sekawalndu lalap la madat matana

Nande   :  Sekawal Israel , la pernah madat matana, la tertunduh pe Ia

Anak²    :  Tuhan kap sekawalku arah kemuhenndu kap Ia ngampang ngampangi kam

Kerina   :  La kam bangger i par pari las matawari tupung suari, entehpe erkiteken sinalsal bulan tupung berngi

Bapa      :  Tuhan kap sekawalku ibas kerina mara nari, Ia kap sinjagai geluhndu

Kerina   :  Ia kap singkawali perberkat ras permulihndu gundari nari seh rasa lalap

6.         Rende  PEE NO 95 : 1-2

1)    Tuhanku, Kam me Permakanku, emaka la kekurangen aku

Ku mbal-mbal m’ratah aku babaNdu, ipesenang-senangNdu geluhku

Reff :   Permakanku sinjayam geluhku, malem ateku senang tuhu

            KelengNdu tetap maler man bangku, Kam me Tuhanku, Permakanku

2)    I teguNdu kempak lau simaler, ibahanNdu ateku nggo malem

       Emaka tedeh ate tendingku, kempak keg’luhen si sikapkenNdu.  Reff :

7.         KOOR / SOLO/ VG

8.         Nagani lilin Natal : Rende  KEE No. : 135 : 1-2

L     :  Sisagani menda lilin natal itengah tengah keluargata, Lilin natal enda ngingetken man banta maka mulai ibas wari sisedah Kristus tubuh ibas pusuh perukurenta sada jabu. Adi Kristus  reh kubas doni enda guna jadi pelayan maka mari kita pe jadi pelayan man kerina. Adi Yesus reh kubas doni enda guna pasu pasu man kerina maka kita pe mulai jadi pasu pasu man kerina khususna uga maka kita jadi pasu pasu man isi jabu. Lilin enda ningetken man banta maka mulai ibas wari sisendah kita enggo siap guna jadi sikitikna ibas kerinana eme guna jadi pelayan. Kehadirenta ibas jabu tuhu tuhu guna ngelai labo guna ielai. Lilin nggit keri guna mereken terang bage mepe kita ibas jabu nggit encidahken prinsip nggit berkorban gelah jabu erdalan alu mehuli.............

------------------------------------------- Musik -------------------------------------------

         1.    Berngi e, nggo kepe, Yesus reh ku doni e.

                 Nusurlah ngangkut dosanta me kin

                 Jadi kap musil lah sangap pagin

                 Asa si tek Tuhan e, asa si tek Tuhan e.

         2 .   Anak e, bujur pe, si ngena me aku e

                 KiniulinNdu tadingken Kam kap

                 Bengket ku doni lah terang si gelap 

                 Aku daramenNdu e, aku daamenNdu e.

9.         Renungan Natal : Matius 20 ; 28 ( ibenaken ras idungi alu pertoton) 

Megati kal kalak sangana Natal rukur kerna acara bagepe kerna pangan ras siman inemen, seragam ras kai sidebanna. Padahal lebih asa sie lit siman ukuren silebih mbages kerna sie eme kehadiren Kristus ibas doni enda eme guna ngelai entahpe guna melayani. Kehadiren Yesus Kristus Tuhan eme labo guna ielai tapi guna ngelai. Labo gelah guna iperdateiken tapi guna mperdiateken. Ertina ketubehenNa ras kehadirenNa kubas doni enda eme guna mereken dirina guna ngelai. Yesus la menempatken dirina jadi bos ibas doni enda tapi Ia menempatken diriNa guna jadi pelayan man kerina. Megati masalah muncul ibas jabu erkiteken kerina kalak menganggap dirina sipaling utama. Bape siencari akapna ia me sipaling penting guna iperdiateken seh maka adi la kenca bagi sura surana maka ia kecewa janah jungut jungut. Si nande pe banci kange bage sebab ia pe enggo ka sibuk nikapken jabu ras nikapken pangan ras inemen bahkan terkadang harus denga ka erdahin , ia pe merasa maka ia me sipaling perlu ndatken pelayanen. Anak anak pe bage ka me pe , ia mindo maka layanan harus iarahken man bana. Adi keadaan enda terus berlangsung maka enda labo nari jabu si sempabu. Arah bahan renungen Natal keluarga enda kita iajuk guna siap menjadi pelayan man kerina. Setiap anggota keluarga seiap untuk menjadi pelayan la sada pe bersikap sebagai Bos entahpe tuan ibas rumah . Sebab beda tuan ras pelayan eme :

Sekalak tuan sikapna rusur memerintah tapi sekalak pelayan bersikap ngelakoken perintah

Sekalak tuan mempertahankan hak pribadina  , sekalak pelayan mengutamaken hak kalak sideban

Sekalak tuan bersikap muat kai silit  tapi sekalak pelayan bersikap memberi

Sekalak tuan mencari pelayan , tapi sekalak pelayan ndarami kesempaten guna ngelai

Sekalak tuan mengendaliken , sekalak pelayan rusur memerdekaken kalak sinilayani

Sekalak tuan menuntut kalak guna patuh man bana, sekalak pelayan lalap menekanken kinipatuhen

Sekalak tuan nggeluhna mesukah terancam , sekalak pelayan nggeluhna tenang .

Megati kalak rusur rukur guna menjadi utama ibas kai pe. Jadi pemimpin gelah kalak memenuhi kerina kai siisurakenna. Tapi prinsip siikataken Yesus ibas bahagian enda eme adi ateta jadi pemimpin entahpe simbelinna  maka kita siap guna jadi pelayan. Emaka nina Petrus ibas 1 Petrus 5 : 6 “ emaka peteruklah banndu iteruh tan Dibata sierkuasa , gelah ibas paksa sipayo ipeganjangkenNa kam. “ Selamat Natal man banta kerina !!!

10.     Pengakun Kiniteken

11.     Persembahen

Si eteh uga uga kelengna ate Tuhan nandangi jabunta, maka itadingkenNa kinirajan Surga guna kiniulinta. Mari ngataken bujur man Tuhan arah persembahenta.

Rende : RENDE   KEE No 343 :1-3 PASU-PASU BAS TUHAN NARI

1.      Pasu-pasu bas Tuhan nari, gejapken kami tep-tep wari

Bas paksa-paksa geluh kami, Kam me kap tetap singkawali

Pasu-pasu bas Tuhan nari, jadi pergegeh tendi kami

Guna ndalani wari-wari, si reh na bas Kam Tuhan nari

Reff: Pasu –pasu dage o Tuhan, persembahen kami anakNdu,

 labo kapen enda metunggung, persembahen si nggo pepulung

AjariNdu pe kami gelah min,tetap ngasup mere man Tuhan.

2.      Buaten lit kami o Bapa,gejabken kami Kam empuna

Tanda ukur kami meriah,endesken kami baNdu Bapa

Persembahen enda o Bapa,desken bunga ncole merimna

Persembahen ateNdu ngena, bagelah akapNdu o Bapa. Reff

3.      Aloken min dage o Tuhan,persembahen kami anakNdu

Labo ban beluh kami Tuhan ,lako mere kuadepenNdu

Pakeken min dage o Tuhan, persembahen kami anakNdu

Guna pebelangken kataNdu, nandangi krina tinepaNdu. Reff...

12.     Pertoton Persembahen ras Syafaat

13.     Tekad Bagepe Pengutusen

L            :  Tapi bali ras ganjangna langit babo doni, bagekel me belinNa keleng ate   Dibata man kalak sierkemalangen man baNa.

J             :  Kueteh maka tetap ateNdu keleng man bangku O Jahwe, emaka ateku rumahNdu jadi rumahku kidekah umur geluhku

L            :  Bagi dauhna timur i barat nari , bageme ipedauhNa dosa-dosanta ibas kita nari

Nande   :  Malem kel ate kami i adepenNdu O Tuhan, sura-sura kami ikut jadi alatNdu i doni enda

Bapa      :  Bagi keleng ae Bapa man anakNa, bage kel me pengkelengi Dibata kalak si erkemalangen man baNa

L            :  Tergejab kel kuga belinNa keleng ateNdu man kami O Tuhan, man banNdu endesken kami geluh kami. Kam jadi Dibata kami rasa lalap seh rasa lalap, dingen aku ras seisi jabungku Tuhan Dibata saja ngenca isembah kami.

Anak²    :  Nggeluhlah kita sue ras kecibalta bagi sienggo iaturken Dibata , asum kin tantangna nari kita enggo ipersadaken Dibata guna jabu Kristen iteruh pasu pasuNa.

Kerina   :  Materuk min ukurta, lemah lembut dingen saber

L            :  Cidahken kelang ate lako sisampat sampaten ndehara ras perbulangen bagepe anak anak ras kerina isi jabu

P            : Usahakenlah tuhu tuhu maka persadanta siibereken Kesah e , tetap irakut alu enteguh ibas perdamen

Kerina   : Nggit kami tetap njaga kiniersadan kami ibas jabu alu njadiken diri kami jadi pelayan man kerinana. Nggit kami guna sikeleng kelengen bagepe tetap iteladani kami teladan Kristu eme kehadirenNa eme guna ngelai labo guna ielai .

14.     Rende KEE No : 342 : 1-2 Yesus Lape-Lape Tendingku  

1.        Yesus lape lape tendingku, Ia njagai kita

Mberat pe siman tangkelenta, ia njagai kita

Tuhan njagai kita paksa senang tah mesera

Ia njagai kita, Tuhan najagai kita

2.        Ibas melala perbebenta, Ia njagai kita

Dalan gelap arah lebenta , ia njagai kita ....Reff

3.        Ia me sinjayam geluhta , Tuhan njagai kita

Pertotonta ibegikenNa , Ia njagai kita  ......Reff

15.     Pertoton Tuhan

16.     Pemasu-masun

L     :  Mulihlah alu mejuah-juah “Tetapkenlah Kinitekenndu gelah ialokenndu rudang-rudang tanda kemenangenndu”. Alokenlah pasu-pasu idur Dibata nari: Ipasu-pasu janah i kawali Dibata kita ( kam )  Siang ayo dibata ersinalsal i babondu, janah melias atena ngenehen kita ( kam ) , I tatap Dibata ku kita ( Kam ) janah malem ateta ( atendu ) ibahanNa. Amin  

P     :  A...min     A...min     A.............min.

III.   VARIA NATAL