LITURGI KEBAKTIN NATAL
PEKABARAN INJIL (PI)
TAHUN 2015
Thema : “Ola Mbiar: Aku reh maba Berita Si Meriah, si
mereken keriahen si mbelin man kerina manusia” (Luk. 2:10).
Sub Tema : Ketubuhen Yesus eme Berita Si Meriah si
erbahansa lanai lit kebiaren, alu bage buatlah baginta guna mpembarken Berita
Si Meriah e!
Persiapan
- Ngaturken si ertugas i bas
kebaktin
- Kata Pengalo-ngalo
Kebaktin
1.
Kata Penaruh
kubas kebaktin
Mejuah-juah, Slamat wari Natal
2.
Ertoto
3.
Rende : KEE 115: 1,3. KERIAHEN SI MBELINNA (Perp. Tedis)
1. Keriahen si mbelinna , si kuberitaken e,
Enggo tubuh si
permakan, eme Tuhan Yesus e
Pujilah min
Dibatanta, Ras Dame-dame man banta,
Dibatanta si
erkuah ate, man krina jelma e
3. Tuhan Yesus
persadannta, em isuruh Bapa e,
Sinasapken
krina dosa, I bas golgota kepe
Pujilah min
Dibatanta, Ras Dame-dame man banta,
Dibatanta si
erkuah ate, man krina jelma e
4.
Votum : Kebaktin
Natal PI enda ibenaken ibas gelar Dibata Bapa, si erkeleng ate man Doni enda,
Ibas gelar AnakNa Yesus Kristus, si peteruk baNa jadi seri ras manusia, ras
ibas gelar Kesah si Badia, simereken keriahen si tuhu-tuhu seh rasa lalap.
5.
Salam : Perkuah ate ras dame ibas Dibata Bapa, ras
ibas Tuhan Yesus Kristus nari, ras i bas kerembaken Kesah si Badia ras kam
krina gelah . Amin
Perp : A..min
A....min A...min
6.
Invocatio : “Tapi nina
malekat man bana, ““Ola Mbiar: Aku reh maba Berita Si Meriah, si mereken
keriahen si mbelin man kerina manusia” (Luk. 2:10).
7.
Rende : PEE 82:
1,2,3 “ MERIAHKAL UKURTA”
1. Meriah kal ukurta Reh kap penampat
Pesikap lah
dalinNa ibas ukurta
Biak-biak
keg’lapen tadingken krina, Aloken kesangapen keleng ateNa
Reff: Si alo-alo ia,
ralep-aleplah min kita
Pesikaplah
inganna bas pusuhta
2. Di lit
simeluk-eluk si pesikaplah
Ukur si nggeduk-nggeduk jadi pinterlah
Pesai-pesai dalanNa raja Mulia
Babailah kalak k’rina nembah man baNa. Reff:
8.
Berita kerna Natal ras Pengakun Dosa(Responsoria) (Perp. Kundul)
L : Sabab bage
pengkelengi Dibata Doni enda, emaka iberekennNa AnakNa si tonggal, gelah ola
bene ise pe si tek man baNa, tapi gelah dat kegeluhen si tuhu-tuhu si la
keri-kerin.
P : Tuhan,
megati denga kami nggeluh i bas kebiaren, mbiar kerna pinakit, mbiar la
tercukupi keperlun geluh kami, mbiar nandangi masa depan anak-anak kami, ras
mbue denga kebiaren-kebiaren si deban si erbahanca kami la ndatken ketenengen
geluh.
L : Ietehndu
uga liasna Tuhanta Yesus Kristus: maka aminna bayak gia Ia, tapi guna
kiniulinndu, ipemusilNa baNa, gelah arah kemusilenNa e jadi bayak kam.
P : O
Bapa kami i bas Yesus Kristus, mbelin tuhu-tuhu perkuah ateNdu man kami. Aminna
gia kami kalak perdosa, isuruh Kam anakNdu si tonggal ku doni enda lako
engkelini kami. Arah Ia ialemi Kam dosa kami, bagepe gelah kami lanai lit i bas
kebiaren. Bujur Tuhan, aloken ras alemiNdu lah kami.
9.
Rende : PEE
80:1,2,3. MANUSIA NGGO ERDOSA
1.
Manusia enggo erdosa , Meluat mekelesa
Pusuh labo lit damena , Di sirang ras Dibata
Begiken pendiloNa, Ikutkenlah kataNa
Geluh pelimbaruiNa, Rembak kita ras Ia
2. Megati meganjang ukur, Nogan nimbak kataNaq
Piah dungna latih rukur, Di sirang ras Dibata
Begikenlah
pendiloNa, Malang erlajar baNa
Di mberat pe bas
geluhta, menahang di ras Ia
3. Di kita la mediate, Man teman ras jabunta
Ija pe la malem
ate, Disirang ras Dibata
Begikenlah PendiloNa,
Usih perbahanenNa
Sampati turang
senina, Dame senang ukurta.
10.
Persembahen Puji-Pujin
11.
Berita Pengalemi
Dosa
Senina ras Turang ibas kekelengen Tuhanta Yesus Kristus,
Nehenlah kuga kelengna ate Bapa man banta. Dibata
ngalemi dosa-dosanta ras Dibata ndilo kita niNa “Marilah kam kerina si latih
janah beraten, Aku mahan pengadi-ngadinndu. Angkatlah iogangku janah erlajar i
bas Aku, sabab Aku kap lembab ukurKu ras meteruk ukurKu, emaka kam dat
pengadi-ngadin man tendindu. Sabab sikap iogangKu janah babanKu menahang.
- Nagani Lilin Natal:
Tuhan enggo ngalemi dosa-dosanta, lanai lit kebiarenta,
Terang si rehna i bas Dibata nari enggo reh ku doni enda. Mari dage si pegara
lilin natalta, ersinalsallah tetap Terang Kristus i bas geluhta, si teridah
arah nggitna kita muat bagin i bas mpembarken Berita Si Meriah ku sekelewetta.
Mari terangi sekelewetta alu terang Kristus.
- Rende : KEE: 135: 1- BERNGI E
NGGO KEPE
1. Berngi e nggo
kepe, Yesus reh ku doni e
Nusurlah ngangkut dosanta me kin,
Jadi kap musil lah sangap pagin Asa si tek Tuhan e...
Asa si tek Tuhan e.
2. Anak e, bujur
pe, singena me aku e, Kini ulinNdu tadingken Kam kap
Bengket ku doni lah trang si gelap, Aku daremenNdu e....
Aku daremenNdu e.
3. Berngi e, nggo
kepe, Tuhan reh ku doni e, Padan Dibata teridah tetap
KinikelengenNa banta mekap, Tuhan si puji gela...h
Tuhan si puji
gelah.
12.
Persembahen Puji-Pujin (Perp. Kundul)
13.
Khotbah:
14.
Pengakun
Kiniteken (Perp.
Tedis)
15.
Persembahen Puji-Pujin : (Perp.
Kundul)
16.
Persembahen
Pengataken bujur:
L : Genduari
ibereken kesempaten man banta ersikap guna nehken persembahen pengataken
bujurta man Dibata si i pakeken guna dana pensinun i tengah-tengah gerejannta
GBKP. Kata Dibata si jadi palas i bas kita nehken persembahen pengataken bujur: “ E maka
bengket ia ku bas idahna Anak ndai ras Maria, nandeNa. Jenari erjimpuh ia
nembah man Anak e. Ibuatna erta-erta si ibabana e, jenari ipersembahkenna man
Anak si mbaru tubuh e. Erta-erta si ipersembahkenna e, e me: emas, kumenen ras
mur” (Mat. 2:11). Tupung kita nehken persembahen si puji Tuhan: Rende : KEE No. 136 :1-3 “Kam K’rina Si Tek”
1. Kam k’rina si tek mari surak
janah puji,
Pedas min kerina ku Betlehem
Nehenlah Anak, tubuh man tuahta,
Mari kita nembah ) 3 x Man Raja
2. O Raja Mulia, si njujurken
k’rina,
la mela Kam tunduh ibas ampun,
Kam me Dibata mula-mula nari,
Mari kita nembah ) 3 x Man Raja
3. Kam k’rina malekat, pujilah man
Tuhan,
Ersurak-ersurak man baNalah, Puji Dibata i surga, i doni,
Mari kita nembah ) 3 x Man Raja
17.
Ertoto Kerna
Persembahen ras Syafaat
18.
Persembahen Puji-Pujin:
19.
Tekat (Perp. Tedis)
L : I bas Tuhan lanai lit kebiarenta, enggo si idah kuga belinna keleng ateNa man banta.
AnakNa Si Tonggal e kap Berita Si meriah e, e pe iberekenNa man banta.
P : Malem ateku
ngaloken Berita Si Meriah si rehna i bas kam nari Tuhan.
L : Buatlah baginndu, pembarkenlah Berita Si Meriah e ku
sekelewetndu, maka kerina ndatken kemalemen ate.
P : I jenda aku Tuhan,
asa ukur, gegeh ras buatenku lit ku beritaken Berita Si Meriah ku sekelewetku.
L : Kam enggo ipilih guna meritaken Berita Si
Meriah man kalak musil, erberita man kalak si tertaban maka ipulahi me ia,
janah kalak si pentang erpengidah me, janah mpebetehken masana Tuhan mulahi
bangsaNa.
P : I jenda aku Tuhan,
asa ukur, gegeh ras buatenku lit ku beritaken Berita Si Meriah ku sekelewetku.
20.
Rende : PEE. 110: 1,3 Sipembarken B’rita Si Meriah
1. Si pembarken b’rita si meriah si tertaban banci pulah
Si pentang jadi erpengidah, rakatlah min ersembah,
rakatlah min
ersembah
Reff. Perban
lias ate Tuhanku gegeh dosa enggo talu
Kuasa
Kristus tangkas t’ridah, rasa lalap pujilah.
3. Sipembarken b’rita
si meriah, Dibatanta si perkuah
Ib’reNa kita dalan pulah, man baNa
lah ersembah,
Man baNa lah ersembah Reff....
21.
Pertoton Tuhan
22.
Pemasu-masun
L : Mulihlah alu dame ras mejuah-juah, buatlah baginndu i bas
pembarken Berita Si Meriah. Alokenlah pasu-pasi idur Tuhanta nari si jadi
pergegeh man bandu: “Ipasu-pasu
janah i kawali Dibata kam Siang ayo dibata ersinalsal i babondu, janah melias
atena ngenehen kam, I tatap Dibata ku kam janah malem atendu ibahanNa.”
Amin.
P :
A...min, A...min...A..min.
Varia Natal
Tidak ada komentar:
Posting Komentar