LITURGI KEBAKTIAN NATAL

PERPULUNGEN JABU-JABU (PJJ)

TAHUN 2016

 

Thema        : “Yesus Kristus Ulu Ni Pengarapen” (bnd. Yesaya51 :5b).

Sub Tema    : Natal Mabai Kita IbasJabuErpenandaiNangdangiYesusKristusAluPayo Guna MpeturahPengarapen Si Nggeluh.

I.         PERSIAPAN

1.         Rende : PEE No. 27 : 1, 2

Si endeken ‘nde’nden si meriah,

Man Tuhanta si ‘nggo tubuh bas pelangkah.

Sabab patut nge k’rina kita nembah

Ban babaNa terang ngaruh ras pe tuah.

Reff.   Dage mari kita kerina, ‘lah si puji gelar Dibata

            Ula nai ukur erbera, Tuhan Yesus me kap Rajanta

Tuhan Yesus metunggung dat pujin

Perban Ia si ngajari kita kin

Kek’lengenNa la erkeri-kerin

Adi pakelah pedahNa seh pagin. Reff.

2.         Kata Penaruh Ku bas Kebaktin Natal

Mejuah-juah man banta kerina! Selamat Natal.

Senina ras turang kekelengen Tuhan Yesus Kristus.

Meriah ukurta janah terpujilah Tuhan sebab erkiteken lias ateNa si mbelin man banta enggo sidalani kegeluhen jabu-jabu-nta ibas erbage-bage keadaan nari. Bage pe enggo ka sidalani kegiaten-kegiaten ibas Perpulungen Jabu-jabu-ntaselama tahun 2016 ibas kiniersadan arih.Kita kerina ngawan-ngawan ni perpulungen ras serayan-serayan Tuhan bage pe ras Pengurus PJJ-nta, ngaku maka mbue denga nge kekurangen-kekurangenta ibas ndalanken tritugas gereja-nta, eme ibas bagin Persadan, Kesaksin bage pe Pelayanen. Emaka marilah kita ngataken bujur man Tuhan ibas kerina keriahennta e. Arah kegiaten Natal PJJ-nta, segelah arah ketubuhen Tuhan Jesus e tetap njemba kita lako mpehuli kerina perdalanen kegeluhentaa ibas tahun 2017 si nandangi si aloken me. Mari ras kita ertoto maka kebaktin ras perayan Natal PJJ-nta enda erdalan alu mehuli seh ku kedungenna kari. Ertotokita ….. 

3.         Rende : KEE No. 114 : 1 – 2                                                          (Perp. Tedis)

Sendah jumpa kita wari raya e, peringeten tubuh Tuhan Yesus e

Nusur ndahi kita manusia e, keriahen kap e.

Ermulia me Tuhannta, e sipuji me gelarNa

Perdamen ib’re Dibata Tuhan Yesus kap e..........

Mari kita ku Kuta Belthem e,

Muji nembah man Tuhanta Yesus e,

E tinenges Tuhan si perkuah e, Dibata Bapa e.

Ermulia me Tuhannta, e sipuji me gelarNa

Perdamen ib’re Dibata Tuhan Yesus kap e..........

II.      KEBAKTIN

1.         Votum  :    Kebaktin Natal Perpulungen Jabu-jabu nta enda ibenaken ibas gelar Dibata Bapa, si erkeleng ate man doni enda, ibas gelar AnakNa Yesus kristus, si mpeteruk baNa jadi seri ras manusia, ras ibas gelar Kesah si Badia, si mereken keriahen si tuhu-tuhu seh rasa lalap

2.         Salam    :    Perkuah ate ras dame ibas Dibata Bapa, ras ibas Tuhan Yesus Kristus nari, ibas kerembaken Kesah si Badia ras kita (kam) kerina gelah. Gloria

Perp.      :    Glooooooria. Muliaken Tuhan. Glooooooria. Muliaken Tuhan

                   (KEE No. 193)

3.         Berita Kerna Sura-sura Dibata ras Perbahanen Dibata

Kata e enggo jadi manusia, janah IA ringan i tengah-tengahta. Enggo idah kami kemulianNa si mbelin, e me kemulian si ibereken Dibata man baNa erkiteken IA Anak Dibata si Tonggal. Anak e encidahkenlias ate ras kai si benarkernaBapa e. (Johanes 1:14)

4.         Rende : KEE. 115 : 1 – 3

Keriahen si Mbelinna, si kuberitaken e

Enggo tubuh si Permakan, eme Tuhan Yesus e

Pujilah min Dibata nta, ras dame dame dame man banta

Dibata nta si Perkuah ate, man kita jelma e.

Ibas berngi enda terang, bintang si mehel-mehel e

T’rangna seh ku perukuren, si lanai erlayas pe

Pujilah min Dibata nta, ras dame dame dame man banta

Dibata nta si Perkuah ate, man kita jelma e.

Tuhan Yesus persadanta, em isuruh Bapa e

Si nasapken k’rina dosa, ibas Golgota kepe

Pujilah min Dibata nta, ras dame dame dame man banta

Dibata nta si Perkuah ate, man kita jelma e.

5.         Persembahen Koor/Puji- Pujin Man Tuhan: ……..        (Perp. Kundul)

6.         Perenungen kerna Berita Natal (Responsoria) :

L         :    Sabap enggo ipetangkas Dibata lias ateNa guna keselamaten kerina manusia.

P          :    Rende KEE No. 138 : 1

Yesus Kam medem ibas nggala e,

Raja mulia si bujur e

Kam si mekuah so ek kalak e,

bengket pusuhku ringan ije

Bengket pusuhku ringan ije

L         :    Lias ateNa e ngajari kita nadingken kegeluhen si la ngena Dibata ras sura-sura doni, gelah nggeluh kita ngkuasai dirinta, bujur dingen si sembah Dibata alu kegeluhenta i doni enda.

P          :    Rende KEE No. 138 : 2

Yesus inganNdu pelangkah kepe,

Raja Mulia si bujur e

Si ngena ate so tek aku pe,

bengket pusuhku ringan ije

Bengket pusuhku ringan ije

L         :    Genduari kita paksa nimai Wari kemalemen ate si iarapken kita e me kerehen sinalsal Dibatanta si Mbelin ras si Engkelini kita Jesus Kristus

P          :    Rende KEE No. 138 : 3

Yesus, Kam ringan i karang kepe,

Raja Mulia kupuji e

Kam si mekuah oh, nusur ka pe.

Bengket pusuhku, Kam lalap je

Bengket pusuhku, Kam lalap je..

L         :    Enggo iendeskenNa diriNa guna kita, lako nebusi kita i bas kerina si jahat nari, jenari ibahanNa kita jadi sikerajangenNa, jadi bangsa si bersih, si mesikel erbahan mehuli.

Kerina :    Bujur Tuhan ibas kekelengenNdu nandangi kami kerina, Amin

7.         Persembahen Koor/Puji-pujin Man Tuhan :………………

8.         Rende : PEE 29 : 1 – 3

E me kap wari si mbelin, ib’re Dibata banta kin

AnakNa reh ku doni e, si inget min kelengNa e

Tersinget kap enggo ndekah, Tuhannta nusur me gelah

Pertibi enda la bene, e tek me kita Ia pe

Pujin si reh ku doni e, ende-endenta baNa pe

Gelah me salih kita min, ‘nggo jadi anak Tuhan kin

9.         Padan Dibata Man Kalak Si ngaloken Yesus

Marilah sibegiken Padan Dibata man kalak si ngaloken Tuhan Yesus ibas geluna :

Liturgis         :  Nehen kuga kelengna ate Bapa man banta .....

Mamre           :  Bagem maka keleng ate kami man Moria ibas jabu kami

Moria            : Kami pe erkeleng ate man Mamre ibas jabu kami

Permata/

KA/KR         :  Bujur Tuhan, keleng ate Nande ras Bapa man kami mpegegehi kami ibas kerina sura-sura kami …

Liturgis         :  Bage belinna kekelengenNa man banta seh maka kita igelari anak-anak Dibata. Janah labo gelar saja, tapi tuhu-tuhu me kita anak Dibata.

Pengurus PJJ :  Anak-anakNdu kap kami kerina Tuhan, anak-anakNdu ka nge si man layanen kami kerina ....

Mamre           : Bujur Tuhan, kekelengenNdu njemba kami lako tetap engkelengi Moria ibas jabu kami rikut pe ras anak-anak kami

Moria            : Bujur Tuhan, kekelengenNdu njemba kami lako tetap engkelengi Mamre ibas jabu kami rikut pe ras anak-anak kami

Permata/

KA/Kr           : Bujur Tuhan, janah sikeleng-kelengen nge ate kami kerina selaku anak-anakNdu

Liturgis         : Enda me sebabna maka doni si jahat enda la nandai kita, sebab doni la nandai Dibata. O kam si Kukelengi, kita enda genduari anak-anak Dibata, tapi kuga kita pagi, lenga ipetangkas man banta.

Kerina           :  Tapi si eteh maka kenca pagi reh Kristus, bali me kita ras IA, sabab si idah me Ia bagi situhu-tuhuna, Amin

10.     Persembahen Koor/Puji-pujin Man Tuhan : …………………..

11.     Nagani Lilin Natal                                                                          (Perp. Tedis)

Lilin Natal melambangken kerna diri Tuhan Yesus sendiri sebagai Terang Ibas kegeluhennta. Tuhan Yesus reh guna nerangi kegeluhennta, perukurenta, perbahanennta si gelap nari, maka kerina banci ipelimbaruiNa jadi mehuli. Alu nagani Lilin enda bage pe ibas kita kari ngendeken ende-endenta, jadi tekadta lako mere dirinta guna ipelimbarui Tuhan,  janah kita pe tetap jadi imam ibas jabu si mabai terang guna kiniulin jabu-jabunta.

Si nagani lilin eme : Pengkhotbah, Panitia Natal, BP Runggun, Mewakili Serayan Tuhan,  Mewakili Jabu La Kuh, BP Kategorial PJJ, Pengurus PJJ/Sektor.  

Rende KEE 135:1-3

1.        Berngi e nggo kepe Yesus reh ku doni e Nusurlah ngangkut dosanta me kin

Jadi kap musil lah sangap pagin Asa si tek Tuhan e, Asa si tek Tuhan e

2.        Anak e, bujur pe singena me aku e. KiniulinNdu tadingken Kam kap

Bengket ku doni ;ah trang si gelap, Aku daramenNdu e, aku daramenNdu e

3.        Berngi e nggo kepe Tuhan reh ku doni e. padan Dibata teridah tetap.

KinikelengenNa banta me kap. Tuhan si puji gelah, Tuhan si puji gelah

12.     Renungen Natal : Yesaya 51:5b (Pilihen: Roma 3:21-24; I Petrus 1:3-5;       Lukas 1:46-54).                                                                      (Perp. Kundul)

13.     Pengakun Kiniteken                                                           (Perp. Tedis)

14.     Persembahen Koor/Puji-pujin Man Tuhan:                    (Perp. Kundul)

15.     Persembahen Pengataken Bujur :

Genduari ibereken kesempaten man banta ersikap guna nehken persembahen pengataken bujurta si mehulina man Dibata erkiteken erbage-bage pemereNa si mehuli enggo seh ku bas jabu-jabu nta. Kerna pengataken bujur sibegiken Kata Dibata ibas Pustaka si Badia :

E maka bengket ia ku bas idahna Anak  ndai ras Maria, nandeNa.  Jenari erjimpuh ia nembah man Anak e. Ibuatna  erta-erta si ibabana e, jenari ipersembahkenna man Anak si mbaru tubuh e. Erta-erta si ipersembahkenna e, e me: emas, kumenen ras mur (Matius 2 : 11)

Rende           : KEE no. 136 : 1 –

1.         Kam k’rina sitek, Mari surak janah puji

Pedas min kerina ku betlehem, Nehenlah Anak

Tubuh Man TuhanTa

                      Mari kita nembah, Mari kita Nembah,

                      Mari kita nembah man Raja

2.         O Raja Mulia, Si njujurken k’rina

                      La mela Kam rubuh ibas ampun

                      Kam me Dibata mula-mula nari

                      Mari kita nembah, mari kita nembah,

                      mari kita nembah man Raja

3.         Kam k’rina malekat, pujilah man Tuhan

Ersurak, ersurak man baNa lah

Puji Dibata i surga, i doni

Mari kita nembah, mari kita nembah,

mari kita nembah man Raja

Doa Persembahen + Doa Syafaat

Topik Doa :

1)          Persembahen Natal 100% guna Dana Pensiunen GBKP

2)          Kerina Ngawan ni perpulungen ras serayan Tuhan

3)          Kerina Jabu La kuh ras Lansia

4)          Kerina anak-anak ta ibas PJJ

5)          Si turah ibas perpulungen

6)          Bangsa ras negaranta Indonesia

16.     Tekad Natal                                                                         (Perp. Tedis)

Liturgis    :    Yesus kap ulu ni pengarapen sindemi kita alu erbage-bage pasu-pasuNa.

Perp.        :    Kegeluhen ibas Tuhan ras KataNa e me kap kebayaken.

Liturgis    :    Gelah jabundu banci ndatken kesangapen, ajarilah maka perbulangen, ndehara, bagepe anak-anak tetap erkemalangen man Dibata.

Mamre     :    Kami jadi perbapan si nggit erlajar kerna Kata Dibata guna jadi imam itengah-tengah jabu.

Moria       :    Kami jadi pernanden si nggit erlajar kerna kata Dibata gelahna jadi nande ingan tertande ibas jabu.

Permata/

KA/Kr     :    Kami jadi anak si nggit erlajar kerna kata Dibata janah ertanggungjawab makeken ajar nande ras bapa kami.

Liturgis    :    Persadandu ras Kristus Yesus erbahanca kam megegeh.

Perp.        :    Pengarapen kami nangdangi Tuhan Yesus Kristus erbahanca kami nggeluh ibas dame.

17.     Pertoton Tuhan (alu ngendeken PEE No. 40)

Bapa kami sini surga, g’larNdu pebadia min

Rehlah min KinirajanNdu, seh lah min bagi p’ratenNdu

I doni enda bagi ni Surga

B’reken kami nakan cukup, bas wari si sendah enda

AlemiNdu salah kami, bagi nialemi kami

Salah kalak si lit man kami

Ola min kami, ibaba Kam ku bas percuban.

Tapi olangi lah kami, idur si ilat nari

Kam kap si mada, Kinirajan bage pe kuasa

Ras kemulian si ndekah-ndekahna

Amin ....

18.     Pemasu-masun

L        :  Mulihlah alu dame ras mejuah-juah, dame Natal siialokenkita (ndu) min mereken ketetapen ukur ibas kita (kam) kerina guna ngasup nggeluh ibas kekelengen janah alokenlan pasu-pasu ibas Dibata nari :

             “Enggo isehken Dibata padanNa man bandu, maka malem atendu sabab enggo tangkas idahndu alu  matandu jine penampat reh na ibas Dibata nari, Amin.

P        : A...min    A...min   A.........min

III.   VARIA NATAL