LITURGI KEBAKTIN NATAL PERMATA TAHUN 2015

LITURGI KEBAKTIN NATAL PERMATA

TAHUN 2015

 

Thema          :  “Yesus Reh Maba Pengharapen Man Manusia” (Roma 15:12-13)

Sub Tema     :  Permata Njadiken Tuhan Yesus Sebagai Sumber Pengharapen I Tengah-Tengah Tantangan Zaman,  Khususna Tantangan Kehidupan Sosial, Ekonomi, ras Budaya.

                     Persikapen

1.      Ngendeken piga-piga lagu Natal

2.      Panitia Natal mereken penjelasen kerna Liturgi

3.      Kata Penaruh

Ibas wari si sendah si peringeti wari ketubuhen Yesus Kristus. Kembali kita i persingeti kerna belinna keleng ate Tuhan man banta, bagepe kerna karya Tuhan si luar biasa ibas kegeluhenta. Doni si dem alu kegelapen ras dosa, nggo i terangi alu cahaya terang Kristus si maba kedamen ras pengharapen man banta kerina.

Jadi, ibas wari si Badia enda mari kita ngataken bujur man Dibata alu ersurak muji ras nembah gelarNa, si mereken pengharapen man banta manusia.

4.      Prosesi Memasuki Ruangan Ibadah                                                                   (Perp. Tedis)

Ø  Barisan Prosesi (Pendeta, Liturgos, Pt/Dk, BP Panitia, Pengurus Runggun, Penggurus Klasis, perwakilan tamu) masuk ku bas ruang ibadah.

Ø  Rende KEE 193:1-3 “ ‘Bas Sinasa TinepaNa”

1)   ‘Bas sinasa tinepaNA,

Tetap k’rina rende t’rus

‘nde-enden pujin Badia

Muji gelar Penebus

Refr :

Glo.....ria

Muliaken Tuhan!

Glo.....ria

Muliaken Tuhan!

2)   ‘Bas ingan si meganjangna

Bala Tuhan i surge

Rende m’riah ia k’rina

Man Tuhan Penebusta    Refr :

3)   K’rina ginemgem Dibata

Pehaga si tubuh e

Surga doni rende ia

K’rina alokenNa pe        Refr :

                      Kebaktin

1.      Votum      :  Kebaktin Natal enda ibenaken ibas gelar dibata Bapa, sierkeleng ate keleng man doni enda, ibas gelar AnakNa Yesus Kristus, si mpeteruk baNA jadi seri ras manusia, ras ibas gelar kesah si Badia, simereken keriahen si tuhu-tuhu she rasa lalap.

2.      Salam        :  Perkuah ate ras dame ibas dibata Bapa, ras ibas Tuhan Yesus Kristus nari, ibas kerembaken KEsah si Badia ras kita (kam) kerina gelah. Gloria

Perp.         : Gloria.. Glo..ria.. Glo.......ria

3.      Introitus   :  O Tuhan, Kam kap pengarapen Israel, kalak si nadingken Kam mela kap iakapna. Lesep me ia, desken gelar si isuratken Ibas taneh, sabab itadingkenna Kam Tuhan, sumbul si nggeluh. (Jeremia 17:13)

4.      Rende          : KEE 114: 1,3 “Sendah Jumpa Kita Wari Raya e”

1)   Sendah jumpa kita wari raya e

Peringeten tubuh Tuhan Yesus e

Nusur ndahi kita manusia e

keriahen kap e

ermululia me Tuhanta

e si puji me GelarNa

Perdamen I b’re Dibata

Tuhan Yesus kap e

3)   Sembah kami man baNdu si tubuh e

      Kam si maba dame ku pertibi e

      Bengket min ku tendi ukur kami e

      Damendu o, Yesus

      Ermulia me Tuhanta

      E sipuji me GelarNa

      Perdamen I b’re Dibata

      Tuhan Yesus kap e

5.      Berita kerna Natal                                                                      (Perp. Kundul)

L   :  Marilah sibegiken berita kerna ketubuhen Tuhanta Yesus Kristus bagi si tersurat ibas   Pustaka si Badia.

“Janah kam si ersura-sura iperembakken ras Dibata arah ndalanken undang-undang, isirangkenndu kap dirindu ibas Kristus nari. Kam enggo sirang I bas lias ate Dibata nari. Adi kami, iarapken kami maka Dibata ngerembakken kami ras DiriNa. Enda me si timai kami alu dem pengarapen , alu kuasa Kesah Dibata si erdahin arah kiniteken kami. Sabab adi ersada kita ras Kristus Jesus, lanai bo jadi soal ersunat ntah la ersunat. Si pentingna kal e me erkiniteken man Jesus Kristus janah kiniteken e teridah arah nehken keleng ate.”

6.      Rende : “PEE 27: 1,2,4 “Si Endekenlah ‘Nde-‘Nden Si Meriah”

1)   Si endeken ‘nde-‘nden si meriah

      Man Tuhannta si ‘nggo tubuh bas pelangkah,

      Sabab patut nge k’rina kita nembah

      Ban babaNa terang ngaruh ras petuah

      Refr :

      Dage mari kita kerina, ‘lah si puji gelar Dibata,

      Ula nai ukur erbera, Tuhan Yesus Kap Rajanta

2)   Tuhan Yesus metunggung Dat pujin

      Perban Ia si ngajari kita kin

      Kek’lengenNa la erkeri-kerin

      Adi pakelah pedahNa she pagin   Refr :

4)   Tuhan Yesus kuinget min Kam rusur

      ‘Lah babaiNdu pergeluhku ku si bujur

      ‘Di bage kiniteken la erkususur

      Enggo paguh gia lit rusur si ngugur

     

7.      Responsoria         : Kata Dibata Kerna Hidup Berpengharapen (Roma 12:8-12)

L    :  Adi man banta ibereken Dibata kengasupen petetap ukur kalak, silakokenlah e. kalak si   Ngasup  mere man kalak sideban arus iberekenna e alu ukur menahang; kalak si lit   Kengasupenna jadi peminpin, arus ia tutus erdahin; kalak si ngasup encidahken perkuah ate man kalak si deban, arus ibahanna  e alu ukur meriah.

P    :  Keleng ate ola min alu pekulah-kulah. Cigalah atendu si jahatjanah persadalah dirindu ras si mehuli

L    :  Sikeleng-kelengenlah kam bagi si ersenina . Silebe-lebenlah kam i bas mpehaga teman

P    :  Ola kam mekisat, tapi tutuslah erdahin. Ergiah-giahlah ukurndu ibas ndahiken dahin Tuhan

L    :  Meriahlah atendu I bas kam erpengarapen, megenggenglah kam I bas kiniseranndu, janah ertotolah kam man Dibata la erngadi-ngadi.

8.      Nagani Lilin (Simbol Komitmen)                                                           (Perp.Tedis)

L    :  Sebagai tanda Komitmenta, mari sisagani lilin sebagai tanda komitmenta tetap nggeluh ibas pengarapen man Dibata.

Rende KEE 135 : 1-3

1)    Berngi e, nggo kepe, Yesus reh ku doni e.

Nusur lah ngangkut dosanta me kin

jadi kap musil sangap pagin

Asa si tek Tuhan e, asa si tek Tuhan e

2)   Anak e, bujur pe, Si ngena me aku e

kiniulinNdu tadingken kam kap

bengket ku doni lah t’rang si gelap

aku daramenNdu e, aku daramenNdu e

3)   Berngi e, nggo kepe, Tuhan reh ku doni e

Padan Dibata teridah tetap

kinikelengenNa banta me kap

Tuhan si puji gelah, Tuhan si puji gelah

9.      Khotbah                                                                                       (Perp. Kundul)

10.  Pengakun Kiniteken                                                                   (Perp. Tedis)

11.  Persembahen pengataken bujur

L   :  Genduari ibereken kesempaten man banta ersikap guna nehken persembahen pengataken bujurta man Tuhan. Kerna pengataken bujur sibegiken kata ibas si Badia nari

         “Emaka bengket ia kubas, idahna Anak nadai ras Maria nandeNa. Jenari erjimpuh ia nembah anak e. Ibuatna erta-erta si ibabana e, jenari ipersembahkenna eme, emas, kumenen ras mur. (Mat. 2:11)

Rende SEE 233: 1-

1)   Sipepulung me persembahenta

      Si endesken dage man Dibata

      Tanda m’riah ukur ban pasu-pasuNa

      Sisimpar b’re Na man banta

                  Refr: Asa si ‘nggo isikapke,

                           Asa si ‘nggo itotoken

                           Em pengataken bujurta,

                           Kempa Dibata

2)   Tuhu simper pemere Dibata

      Man perjuma ras si erbinaga

      K’rina si erdahin si ngarap man baNa

      ituahi pasu-pasuNa

3)   Pengataken bujur man Dibata

      Enda mbelin ka tuhu gunana jadiken geluhta,

      kula, ras tendinta

      Persembahenta si nggeluh

12.  Ertoto kerna Persembahen & Doa Syafaat

Rende (Penutup dan Komitmen)

PEE 69:1-2 “Kek’lengen Yesus Kempak Manusia”                (Perpulungen Tedis)

1)   Kek’lengen Yesus kempak manusia

      Desken Dibata engkelengi Ia

      KekelengenNa maler kap man banta

      Adi sipakelah pedahNA

                  Refr :   Min sikeleng-kelengen kita krina

                              Bagi pedahken Yesus bas Pustaka

                              Sababna kai si pindo bas gelarNa

                              Ib’re Dibata man banta

2)   Ngasamken kesah nggit me kepe Ia

      Gelah terkelin kita manusia

      Dage dalanken sini pedahkenNa

      Kempak temanta ise gia     Refr :

13.  Pertoton Tuhan

14.  Pemasu-masun

L    :  Mulihlah alu dame ras mejuah-juah, alokenlah pasu-pasu ibas Dibata nari :

“Enggo isehken Dibata padanNa man bandu, maka malem ateta sebab enggo tangkas si idahndu alu matandu jine penampat sirehna ibas Dibata nari. Amin.

P    :  Amin... Amin... Amin....

Varia Natal