LITURGI KEBAKTIN NATAL DIAKONIA
TAHUN 2015
Thema :
“Sempabu ibas ngelaken pemereNa” (bd.
Mat. 5:44-48)
Sub Tema : Arah perayaan ketubuhen Yesus Kristus, sigejab
maka rutang kita ibas nehken kekelengen, si jadi palas undang-undang Dibata.
Persikapen
1.
Ngaturken Petugas
Kebaktian Natal
2.
Kata Pengalo-ngalo arah
Panitia ntah pe Runggun Gereja
3.
Rende PEE
101:1-2
1) Pulung m’riah kal kami kerina Jumpa I bas
rumah si Badia,
Reh min Kam, o Bapa
si Mulia, G’lah kerina Badia jadina
Reff : Sal-sal i
pusuh kami, Layasi ukur kami,
Pengarapen
reh teguhna, Kiniteken reh paguh na
2) Wari ras berngi nggo ibentasi Keleng ateNdu
tetap nemani
I bas mberat Kam
lalap nampati I bas susah kam si ngelayasi
4.
Penjelasen Kerna Kebaktin Natal ras Ngaturken siikut ibas
barisen Prosesi bagepe sinagani lilin Natal
5.
Ertoto
6.
Kata
Penaruh
Wari lepas wari nggo si
lewati alu mejuah-juah. La sigejab maka
seh ka me paksana kita mperingeti Ketubuhen Yesus Kristus si nggo nehken
Diakonia sila erkeri-kerin ku tengah-tengah doni Enda. Paksa enda pe tetap kita
erguru man Bana si nggo tubuh i Bethlehem
7.
Rende KEE 114:1,3 “Sendah Jumpa Kita Wari Raya E” (Perp. Tedis)
**Barisen Prosesi memasuki ruang ibadah…
1) Sendah jumpa
kita wari raya e, peringeten tubuh Tuhan Yesus e.
Nusur ndahi kita manusia e,
keriahen kap e.
Ermulia me Tuhanta, E’ si puji me
gelarNa.
Perdamen ib’re Dibata,
Tuhan Yesus kap e.
3) Sembah kami man
baNa si tubuh e, Kam si mba dame ku pertibi e.
Bengket min ku
tendi ukur kami e, DameNdu o, Yesus.
Ermulia me
Tuhanta, E’ si puji me gelarNa
Perdamen ib’re
Dibata, Tuhan Yesus kap e.
Kebaktin
1.
Responsoria :
Votum – Salam – Introitus
L : Kebaktin
Natal Diakonia enda, ibenaken ibas gelar Dibata Bapa si erkeleng ate, ibas
gelar AnakNa Yesus Kristus si ncidahken keleng ateNa ras ibas Kesah Si Badia
sinampati ngaloken ras ndalanken keleng ateNa.
P : Tapi erkiteken lias
ate Dibata aku lit bagi si genduari enda.
L : Janah lias ate si
iberekenNa man bangku e labo sia-sia. Amin.
P : A…min, A…min, A…min.
(iendeken)
L : Enda me pedahKu:
Sikeleng-kelengen min kam bagi Aku engkelengi kam.
P : Kelengi temanndu
manusia bagi kam ngkelengi dirindu.
2.
Rende KEE 182:1-2 “O Tuhan Kam Tetap”
1) O Tuhan Kam
tetap, tedehku man baNdu.
Arap ku lalap Kam, Nemani geluhku
Refr : O Tuhan
rasa lalap, geluhku temani.
Ola
tadingken aku, ras Kam tetap.
2) O, Tuhan Kam
tetap, ajarilah aku.
Lah kai pe
si kuban, mehuli man bandu
Refr : O Tuhan ...
rst
3.
Responsoria
“Kelenge Ate Tuhan” (Perp.
Kundul)
L : O Tuhan, andiko ergana keleng ateNdu si tetap
e.
P : Kam kap ulu kegeluhen, ibas sinalsalNdu idah
kami terang.
L : Ernalemlah man Tuhan dingen lakokenlah
simehuli.
P : Daramilah kemalemen atendu ibas Tuhan, emaka
isehkenNa sura-surandu.
L : Endeskenlah dirindu man Tuhan ernalemlah man
baNa, tentu isampatiNa kam.
P : Timailah Tuhan alu teneng, sabarlah nimai
perbahanenNa.
L : Ula morahi kalak si rulih ngelakoken pertakin
sijahat.
P : Ula pelepas dirindu ikuasai ate nembeh entah
aru ate, e nuhsahi kam nge ngenca.
4.
Koor/Vocal
Group
5.
Responsoria
L : O
Kam sikukelengi, kekelengen e rehna ibas Dibata nari kap. Kalak sierkeleng ate,
anak Dibata kap ia janah itandaina Dibata.
P : O
Tuhan mekatep kami kurang nggejapken keleng ateNdu e sierbahanca kami rusur
mengandalken diri kami saja ibas ndalani kegeluhen enda. Alemi kami Tuhan.
L + P : Rende SEE 182:1
Tuhan
alemi aku alemi dosa ras kesalahenku
Bereken
bangku pusuh simbaru gelah metunggung iadepenndu
L : Kalak
si la erkeleng ate, labo itandaina Dibata, sabap Dibata kekelengen kap
P : O
Tuhan, mekatep kami kurang ndalanken keleng ate ibas jabu kami.
Bapa : Mekatep
iakap kami maka kerina ulih si nggo idatken kami emekap ulih gegeh ras kerja
keras kami, seh maka la iarap kami meganjang ukur kami. Alemi kami Tuhan
Ngendeken: Tuhan alemi aku alemi dosa ras kesalahenku
Bereken
bangku pusuh simbaru gelah metunggung iadepenndu
L : Kalak
si la erkeleng ate, labo itandaina Dibata, sabap Dibata kekelengen kap
Nande : Mekatep
kerina pemere Dibata iaturken kami guna kepentingen jabu ras diri kami saja seh
maka la kami ngasup ngergaken teman kami manusia. Alemi kami Tuhan
Ngendeken: Tuhan alemi aku alemi dosa ras kesalahenku
Bereken
bangku pusuh simbaru gelah metunggung iadepenndu
L : Kalak
si la erkeleng ate, labo itandaina Dibata, sabap Dibata kekelengen kap
Anak : Mekatep
sura-sura kami saja ngenca ate kami mentas, la kami peduli nandangi sekelewet
kami sehmaka nuntut hak kami ngenca iusur-usur kami. Alemi kami Tuhan.
Ngendeken: Tuhan alemi aku alemi dosa ras kesalahenku
Bereken
bangku pusuh simbaru gelah metunggung iadepenndu
L : Dibata
enggo ncidahken kekelengenNa man banta alu nuruh AnakNa si Tonggal ku doni
enda, gelah kita nggeluh arah Ia.
P : Ngaku
kami kerna kelepaken kami. Rusur kami la makeken kekelengenNdu guna ngkelengi
sapih-sapih kami manusia. Emaka sampatiNdu kami rusur ibas kinilangasupen kami
nehken kekelengen nandangi manusia ibas doni enda.
6.
Rende : KEE
172:1,3
1) Bas paksa
berngi melenget Betlehem tunduh kam
La kin idahndu reh terang isalsalina kam
Nggo seh kap kutengahndu penampat Dibata
Penebus dosa manusia, Alokenlah Ia
3) Dage rehlah min O Tuhan, Aloken aku min
Dosangku masap gelah ban, ‘lah aku terkelin
Gelah aku tersampat bas dalin mesera
’Di ras Kam minter kugejap geluhku meherga
7.
Pengalemi Dosa (Perp.
Tedis)
L : “Enda me kekelengen e; labo kita si enggo
engkelengi Dibata, tapi Ia nge singkelengi kita. Emaka isuruhNa AnakNa ku doni
enda gelah arah Ia kita iperdameken ras Dibata alu ngalemi dosa-dosanta. Sabab
bage pengkelengi Dibata doni enda, emaka iberekenNa AnakNa si Tonggal, gelah ola bene ise pe si tek man baNa, tapi
gelah dat keluhen si thu-tuhu si la erkeri-kerin.” (bnd. I Joh. 4:10; Joh.
3:16)
8.
Rende KEE 123:1-3 (Perp.
kundul)
1) Ketuahen me, riah ukur me ketubuhen ni Yesus
e
Sangap me jelma reh me Tuhanta mari surak
aleplah Haleluya
2) Ketuahen me, riah ukur me ketubuhen ni Yesus
e
Malem me ateta rdame ras Dibata mari surak
aleplah Haleluya
3) Ketuahen me, riah ukur me ketubuhen ni Yesus
e
Yesus penawarta tubuh man gunanta mari
surak aleplah Haleluya
9.
Koor/VG
10.
Nagani Lilin Natal (Perp.
Tedis)
L : “Bangsa si nggeluh ibas kegelapen enggo ngidah
sinalsal si erkinar. Kalak si ringan ibas awih-awih kematen enggo isalsali
terang si harhar. Enggo iberekenNdu keriahen si mbelin O Tuhan, malem ateNa
ibahanNdu”
Marilah dage
sisagani lilin Natal sebage tanda maka terang e nggo reh ku tengah-tengah
geluhta, ersinalsal terang Tuhan ibas pusuhta dingen nggit kita maba terang
Tuhan ibas geluhta.
Rende
KEE 135:1-3
1)
Berngi
e nggo kepe Yesus reh ku doni e Nusurlah ngangkut dosanta me kin
Jadi kap musil
lah sangap pagin Asa si tek Tuhan e, Asa si tek Tuhan e
2)
Anak
e, bujur pe singena me aku e. KiniulinNdu tadingken Kam kap
Bengket ku doni
;ah trang si gelap, Aku daramenNdu e, aku daramenNdu e
3)
Berngi
e nggo kepe Tuhan reh ku doni e. padan Dibata teridah tetap.
KinikelengenNa banta me kap. Tuhan si puji gelah, Tuhan si puji gelah
11.
Khotbah (Perp.
Kundul)
12.
Pengakun Kiniteken (Perp.
Tedis)
13.
Koor/VG (Perp. Kundul)
14.
Persembahen
a. Kata
Dibata kerna persembahen
“Emaka bengket ia kubas, idahna Anak
ndai ras Maria nandeNa, jenari erjimpuh ia nembah Anak e. Ibuatna erta-erta
siibabana e, jenari ipersembahkenna man Anak si mbaru tubuh e, erta-erta
siipersembahkenna eme: emas, kumenen ras mur”. (Matius 2:11)
b. Rende KEE 136:1-3
1) Kam k’rina si tek mari surak janah puji
Pedas min kerina ku Betlehem
Nehenlah
anak tubuh man Tuahta Mari kita nembah, mari kita nembah,
Mari
kita nembah man Raja
2) O Raja mulia sinjujurken krina La mela Kam
kundul ibas ampun
Kam
me Dibata mula-mula nari Mari kita nembah, mari kita nembah,
Mari
kita nembah man Raja
3) Kam k’rina malekat pujilah man Tuhan
Ersurak, ersurak man baNalah.
Puji Dibata I surga, I doni Mari kita nembah, mari kita
nembah,
Mari kita nembah man Raja
c. Pertoton Persembahen ras syafaat
15.
Responsoria : “Tetap
Ipegegehi Tuhan” (Perp.
Tedis)
L : Tuhan
kap gegeh dingen ampang-ampangku, baNa aku ernalem.
P : Ia
si nampati ras periahken ukurku, kupuji Ia alu ende-enden si meriah.
L : Man
kalak si latih iberekenNa gegeh, itambahiNa gegeh man kalak si ngelabuh.
P : Tapi
kalak si ernalem kempak Dibata, tetap ipelimbaruiNa gegehna.
L : Desken
rajawali kabang, lalap ia reh ganjangna.
P : Kiam
ia, tapi la ia ngelabuh, erdalan ia, tapi la iakapna latih.
L : IA
kap sumbul gegehku, Tuhan erbahanca aku megegeh dingen paguh.
P
: IA
kap si enggo mulahi aku
16.
Rende PEE No. 63 : 1 – 2
1. Kam
Tuhan sekawalku, la lit kebiarenku
Amin gulut ukurku, ernalem tetap
baNdu
Galumbang si merawa jadi ibas
geluhku
Lalap aku erpengendes, sabab Kam
kap bentengku.
2. Aku
iapuliNdu, adi reh kesusahen.
IbereknNa bangku perpadanen si
tetap
“Ola mbiar anakKu, Aku kap
sekawalndu”
Bage kap nina Tuhanta, man banta
si tek baNa.
17.
Pertoton Tuhan
18.
Pemasu-masun
L : Sialoken
pasu-pasu ibas Tuhan nari : Lias ate Tuhan Yesus Kristus ras kam kerina gelah. Amin.
P : A...min, A...min, A......min.
19.
Pertoton Penutup,
perpulungen sisalam-salamen.
Perayaan Natal
Tidak ada komentar:
Posting Komentar