BAHAN SERMON PEKAN DOA SEDONI I GBKP PAMAH KUALA SIMEI MEI , MARI KITA BACA BACA SEBAGAI RENUNGAN

BAHAN SERMON PEKAN DOA SE DONI 2016 WARI KE 1

GBKP RG. PAMAH KUALA SIMEI-MEI  KLASIS MEDAN DELITUA

Renungen : Perbahanen Rasul – Rasul 4 : 23 – 31

Tema         : “ Aron Dibata Si Ertoto, Ipegehi Kesah Si Badia Guna Erberita”.

Penaruh

Kenca nusur Kesah Si Badia, ajar-ajar Tuhan Yesus lanai biar-biaren i bas nehken Berita Si Meriah. Seh pe ajar-ajar nggo pang ngataken “Tapi ngaloi Petrus ras Johanes nina, "Kamlah kerina ertimbang si apai kin mehuli iakap Dibata: patuh kami man bandu ntah man Dibata. Sabap la terngadiken kami ngerana kerna kai si enggo idah dingen ibegi kami" (Perb. Rasul 4:19-20). Teridah tuhu maka ajar-ajar Tuhan Yesus nggejapken maka dirina e me aron Dibata. aron Dibata lako nerusken dahin-dahin si enggo idahiken Tuhan Yesus i bas doni enda. I bas ndahiken dahin pebelangken Berita Si Meriah, ajar-ajar la pulah i dur kiniseran-kiniseran. Kiniseran-kiniseran si lit la erbahanca ajar-ajar surut, kalak si erkiniteken (perpulungen) ersada i bas pertoton ras tetap ipegegehi Kesah Si Badia.

Penekanen

1.      Aron Dibata ersada i bas ertoto.

Petrus ras Johanes kenca dung iadili i bas pengadilen agama, tetap nginget teman-temanna, si enda encidahken maka ajar-ajar Yesus tetap njaga kiniersadaan sapih-sapih kalak si erkiniteken. Petrus ras Johanes tetap nggejapken uga perluna kiniersadaan i tengah-tengah perpulungen, emaka kai-kai saja pe iturikenna man perpulungen. Megi kai-kai saja si enggo ialoken ajar-ajar maka perpulungen ras-ras ertoto man Dibata. Arah pertoton si isehken perpulungen maka tuhu-tuhu perpulungen nggejapken kerna kuasa Dibata si tetap ergegeh lako mpegegehi aronna lako erberita.

2.      Dibata erkuasa nai nari seh rasa lalap.

Perpulungen arah pertotonna isehkenna puji-pujin ras pengakun kinitekenna kerna kuasa Dibata, si enggo igejapkenna nai-nai nari (masa raja Daud seh pe masa Tuhan Yesus nggeluh), tuhu enterem imbang si ngelawan Jesus, tapi enterem ka pe kalak si nggit muat bagin lako jadi perberita Si Meriah. Perpulungen tetap ngarapken kuasa si rehna i bas Dibata nari, sabab kuasa si rehna i bas Dibata nari ngenca si tuhu-tuhu ngasup naluken kuasa doni. Perpulungen mindo maka icidahken Dibatalah kuasaNa alu erbage-bage cara (mereken kuasa man ajar-ajar segelah la biar-biaren meritaken Berita Si Meriah ras arah perpulungen teridah tabda-tanda sengget i bas kiningasupen mpepalem kalak si pinakiten).

3.      Pertoton kalak si erkiniteken ergegeh kel.

Ulih pertoton perpulungen, “Kenca dung kalak e ertoto, mugur-mugur rumah inganna pulung e. Kerina ia dem alu Kesah Si Badia jenari alu ukur si tetap iberitakenna kata Dibata” (Perb. Rasul 4:31). Si itotoken perpulungen e me kerina guna nerusken dahin selaku aron Dibata e me meritaken Berita Si Meriah. Arah kejadin e tuhu-tuhu teridah maka Dibata ndengkehken pertoton kalak si erkiniteken. Ibereken Dibata gegeh (Kesah Si Badia), sabab labo lit kiningasupen manusia lako meritaken Berita Si Meriah adi la kin i pegegehi Dibata.

Penutup

            Selaku ngawan ni perpulungen, kita kap aron Dibata i bas zaman enda si isuruhNa lako meritaken Berita Si Meriah. Tentuna erbage-bage tantangen si man alanken, mari ola kita mobah, tetaplah buat baginta. Alu dem kiniteken raduken ras teman si sada perpulungen radu ras nehken toto, mindo penampat man Dibata, segelah ipengasupNa kita lako pembarken Berita Si Meriah. Tek kita maka i bereken Dibata nge pergegeh nandangi aronNa. Kiniersadan i tengah-tengah perpulungen arus teridah i bas kiniersadan i bas ertoto bagepe erberita Si Meriah.

  

BAHAN SERMON PEKAN DOA SE DONI 2016 WARI KE 2

GBKP RG. PAMAH KUALA SIMEI-MEI  KLASIS MEDAN DELITUA

Invocatio   :  “Sisampat-sampatenlah kam i bas maba baban geluh enda. Alu bage isehkenndu kap Undang-     undang Kristus” (Galatia 6 : 2)

T e m a      : “Aron Dibata Si Erdiate, Ngukuri Si Mereken Kiniulin Man Teman”

Khotbah     : Roma 15 : 1 – 2

15:1 Kita si megegeh kinitekenta arus nampati kalak si merampek kinitekenna, guna mersan babanna. Ola dirinta ngenca siukuri.

15:2 Tapi sekalak-sekalak kita arus mperdiateken temanta manusia janah ngukuri kai si mereken kiniulin man bana gelah alu bage erteguhna kinitekenna.

1.      Kata Penaruh

Surat Paulus man perpulungen i Roma enda banci ibagi ibas 2 bagin, eme : rikutken Roma 1 – 11, sipahami maka Paulus memusatkan perhatiannya pada pertanyaan, “Siapakah yang dapat dibenarkan Allah”. Janah ibas pasal 12 – 16, ibas Surat Roma enda Paulus menjelaskan bagaimana para pengikut Kritus (tubuh Kristu) harus hidup dan memberi dorongan bagi orang-orang Kristen di Roma. Janah si jadi bahan khotbah Pekan Doa wari sipeduaken enda, khususna ibas Roma 15:1-13, isuratken Paulus me telah-telah kerna “hubungan antara golongan kuat dan golongan lemah” ntah pe ikataken ijenda alu kata ‘si megegeh kinitekenna’ ras ‘ si merampek kinitekenna’. Dua kata enda situhuna enggom ibenaken Paulus nuratkenca ibas bindu 1 nari seh bindu 16 pe, janah sini imaksudken Paulus ijenda eme :

v  Si megegeh kinitekenna : eme kalak Kristen dewasa, yang berani bersikap konsekuen, berani mengamalkan imannya.

v  Si merampek kinitekenna : eme kalak si tetap merasa terikat pada berbagai larangan dan pantangan termasuk pantangan makan daging dan minum anggur. Mungkin kalak si merampek kinitekenna sini imaksudken Paulus eme bekas aliren helenistis si mementingken pertapaan.

Rikutken tema Pekan Doa wari sipeduaken enda maka sini imaksudken pe si megegeh kinitekenna eme aron Dibata si erdiate. Alu kata si deban maka enda ngertikenca lit ka nge aron Dibata si la erdiate. Aron Dibata si erdiate e arus kap ngukuri ras mereken kiniulin man temanna si deban

1. Renungen

Perlu si renungken ibas Pekan Doa wari sipeduaken enda bahwa kita kerina sebage ajar-ajarNa emekap aron Dibata tetap ncidahken ciri aron Dibata eme tetap erdiate (perduli) ibas dampar ngukuri ras ndalanken kai si mereken kiniulin man temanna. Rikutken Roma 15 : 1 – 2 banci si buat piga-piga hal si ncidahken biak aron Dibata si erdiate e, eme :

1)      Nggit nampati

2)      La dirina saja ngenca iukurina

3)      Mperdiateken teman

4)      Erbahan kai saja pe si erbahan erteguhna kiniteken temanna.

Si empat bagin enda banci jadi kinata itengah-tengah perpulungenta GBKP si malem enda dikune kerina kita selaku aron Dibata e nggit sisampat-sampaten ibas maba baban geluhta (invocatio).

Emaka tanggungjabab aron Dibata si erdiate eme la nggit si jabapen kerna penggejapenna nandangi Kata Dibata (Roma 14:1). Situhuna ijenda pe Paulus enggo mereken patron man banta kerna aron Dibata si erdiate e eme kerina ngawan ni perpuluhen Tuhan seraduken ras serayan Tuhan si nggit maba baban geluh kalak si merampek kinitekenna e. Ertina, aron Dibata si erdiate eme si megegeh kinitekenna arus kap ikut menanggung beban kalak si merampek kinitekenna. Penting tetap siinget maka tampukna eme kuga erbahanca maka erteguhna kiniteken kalak si deban.

2.      Penutup

Enda me si ngena ate Tuhan, janah perayaken geluhta selaku aron Dibata eme nggeluh sentudu ras peraten Dibata (1 Tes 4:1); la nggeluh rikutken sura-sura ukur manusia (Roma 8:8); bage pe jelas kal perayaken geluhta eme menyenangkan Allah (bnd Gal 1:10). Alu bage, kalak si megegeh kinitekenna eme kalak si ngelai temanna dingen nggit menanggung beban temanna si la megegeh.

Kata enda isingetken jadi kewajiban man kerina kalak sitek selaku budak Kristus (Ep. 6:6) janah perayakennta eme jadi aron Dibata si ngena ateNa. Aku – kam – kita kerina banci  jadi aron Dibata si erdiate. Amin

BAHAN SERMON PEKAN DOA SE DONI 2016 WARI KE 3

GBKP RG. PAMAH KUALA SIMEI-MEI  KLASIS MEDAN DELITUA

Invocatio                     : Galatia 2:19-20

Renungen                    : Juna 2:1-3:3

Tema                           : Aron Dibata si Ertoto , Situtus ndalanken komitmenna

1.    Kata Perlebe

Kitab Juna  eme sada kitab siberbeda ras buku sideban silit ibas Pustaka Si Badia. Buku enda la nuriken kerna pesan nabi e sendiri tapi buku enda menceritakan kerna pengalamen Nabi Juna sendiri sanga Ia la ngikutken kai siikataken Tuhan man bana. Tuhan nuruh Yunus guna lawes kukuta Niniwe , ibukota kerajaan Assyur musuh bangsa Israel. Juna  la lawes kukota Niniwe erkiteken  mbiar Ia bangsa enda bertobat maka  Tuhan la ndalanken rencanaNa guna ngeradasken kota enda. Enda me sierbahanca ia lawes ku Tarsis janah ibas perdalanen terjadi me angin ras gelumbang simerawa. Janah kenca iundi maka Juna  me kena undi janah Juna  i ambengken kutengah lawit emaka dungna angin ndai pe tenang. Kitab enda banci sikataken merupaken sada pengelayasi, sada pengapul si sekaligus sifatna mereken pengajaren sierguna sebab Juna  dungna menyesali kini la aptuhenna man Tuhan. Janah dungna uga Tuhan megike pertoton Juna  janah melepasken Yunus ibas lawit simebages alu nuruh nurung siseh kal galangna guna nampati Juna .

2.      PEBAGESI PENGANGKAN

Ibas beltek nurung siseh kal galangna ndai me Juna  ertoto siisina eme penyesalen, pujin bagepe pengendesen dirina man Tuhan. Pertoton Juna  isina mindo maka ia banci ipulahi ibas beltek nurung e nari siningamberkenna merupaken “Doni kematen”. Tapi ibas beltek nurung simemang igambarken doni kematen e pe tetap denga ia ertoto (ay 1 ). Lit piga –piga hal simanarik sibanci sidat ibas perikop enda:

 A.ERTOTO JUNA ( Ay 1 )

 ibas situasi sicukup banci i kataken Kritis. Sebab lanai bo lit harapen sibanci ilakoken ibas lawit simbages bagepe ibas beltek nurung e nari. La ia rekatif guna nelamatken dirina alu carana sendiri tapi ipelebena ertoto man Tuhan ibas keadaan e. Hal enda pe tentu menjadi sada perenungen simbalin maka perlu kal kepe kesadaren dirinta ibas menghadapi sada masalah nggeluh. Melala kal kalak rekatif ibas menghadapi masalah sierbahanca maka dungna masalah ndai labo terdungi tapi tambah rumitna erkiteken sudut pandang si la payo. Adi sinehen ibas ay 2 ikataken Juna “ I bas kiniseranku nari kulebuh Kam o TUHAN janah ialoiNdu aku. I bas doni kematen si mbagesna nari nderkuh aku mindo penampat, e maka ibegikenNdu aku. Langa mate saja pe igejapna e sada kesempaten simehuli man bana. Ibas beltek nurung e pe lit denga idahna sada peluang guna banci pulah sebab Tuhan lit simegiken Ia. Ula min kita murahsa berputus asa ibas situasi si la mehuli bahkan sipaling la mehuli menurut pengakapta. Yunus mindo perkuah ate Tuhan ibas penampatNa bagepe ngendesken kegeluhenna man Tuhan

B. I SAMPETKENNDU AKU  ( ay 3 )

Juna  sangat sadar diri makana ia labo taat man Tuhan janah eme sierbahanca Ia isampetken Tuhan kubas lawet. Tuhan nge si nampetken Ia kubas lawit e erkiteken kesalahenna. Kesedihen bagepe kebiarenna sipaling mbelin emekap uga adi Tuhan mpelawes ia rasa lalap iadep-adepenNa ( Ay 4) Kuakap enggo ibuangkenNdu aku i bas adep-adepenNdu nari, janah lanai ndigan pe kuidah RumahNdu si badia.  Seh kal kepe berbahayana i akap Juna adi sempat putus hubungen ras Tuhan. Hal enda mbelin kal kaitenna kubas pemahamen Padan sindekah ija adi sempat putus hubungen ras Tuhan make eme situhuna kematen sipaling mengerikan “ bagi nina Masmur 88 : 6 Aku itadingken i tengah-tengah kalak mate, bagi kalak si terbunuh terdang aku i bas kuburen, desken kalak si lanai pernah iingetNdu. Aku enggo sirang ras penampatNdu. Permasalahan nggeluh si paling hebat labo kepeken permasalahen e sendiri tapi permasalahen sipaling hebat eme adi sempat sigejapken kita putus huungen ras Tuhan.

C. ERTOTO AKU MAN BANNDU Bnd :  Teringatlah aku , I remembered The Lord  ( AY 7 )

Lit perbedaan ibas bahasa Karo ras bahasa sideban. Bas bahasa Indonesia bagepe ibas bahasa terjemahen sideban maka labo langsung ia ertoto tapi lebih menekankan proses. Uga perbeben, kebiaren ras kiniseran e erbahanca Ia nginget Tuhan janah mabai ia kubas pertoton. Juna tentuna ngidah uga perdalanen kegeluhen bangsa Israel bagepe dirina sendiri janah uga Tuhan tetap ngarak-ngarak bangsa enda alu keleng ateNa si mbages. “teringatlah aku “ enda mengungkapken sada hubungen sicukup akrab ras Tuhan. Siiinget tentuna kerina hal simehuli janah sinibereken Tuhan kubas kegeluhen Juna secara pribadi bagepe nandangi bangsa Tuhan  selama enda. Adi Dibata nginget bangsana maka tentu pasu – pasu pasti maler bagi nina ibas Maz 115 : 12-13 : “ TUHAN si nginget kita dingen si masu-masu kita, Ia si masu-masu kalak Israel, bage pe kerina imam-imam Dibata.Kerina kalak si erkemalangen man baNa, ipasu-pasuNa, subuk si meherga ntah lang” . Emaka labo lit pilihen sideban si lebih tepat ibas menghadapi permasalahen selain nginget perbahanen Tuhan selama enda. Adi siinget perbahanen Tuhan selama enda bagepe ibas kegeluhen bangsa Israel maka tentuna kita pe ngendesken geluhta kubas tanNa. Adi kita turun tangan tentuna Tuhan pasti akan turun tangan bagi sienggo ilakokenna selama enda. Sanga bangsa Israel erpengendes maka

Tuhan Pasti turun tangan. Hal silamungkin pe iadep-adepen bangsa pilihenNa tapi mungkin man Tuhan. Tuhu-tuhu la lit hal silamungkin ilakoken Tuhan ibas kegeluhen kalak sitek man Bana. Tidak ada yang mustahil bagi orang percaya.

D. NGATAKEN BUJUR  ( Ay 9 )

Juna ngataken bujur man Tuhan nandangi kesadaen dirina maka ia enggo la setia man Tuhan bagepe Tuhan enggo nampetken ia kubas perbeben simberat e. Kesadaran diri simuncul eme erbahanca Juna ngataken bujur man Tuhan. Sepintas memang agak aneh tapi muncul sada kesadaran diri epe perlu kal kepe sikataken bujur sebab alu litna kesadaren dirinta e pertanda muncul sada tindaken positip .  Emaka dungna ia ngidah sada hal siperlu ibas situasi e nari eme ngendeken ende-enden pujin sirehna ibas pusuh perukuren sipaling mbages, nehken persembahen bagepe nehken perpadanenna man Tuhan. Jadi ibas beltek nurung e pe dungna tetap ia ermengkah ukur man Tuhan nandangi kerina hal sienggo ilakokenNa. Sanga ibas situasi sibegeme dungna Dibata nehken penampatna man Juna ( ay 10 )

3.                  APLIKASI

ü Dibata erkuasa ibas kerina tinepaNa. Ia ngasup ngaturken kerina tinepena termasuk nurung mbelin pe banci ipakena guna erbahanca Juna selamat dingen bertobat ibas beletekna. Bahkan Dibata ngasup make bangsa sideban guna banci mulahi bangsa pilihenNa.

ü Proses Dibata ngerehken hal simehuli man banta terkadang lewat proses si cukup pagit. Pengalamen Juna enda erbahanca ia nggejapken maka ia enggo i sampatken Dibata kubas “doni kematen “ tapi kesadaran dirina erbahanca ia ngataken bujur.

ü Proses Dibata sipagit jadi hal simehuli adi sinehenlah hal enda arah sudut pandang Dibata sendiri. Melala manusia ngidah ras ngenehen masalah kubas dirina sendiri la ngenehen kubas peraten Tuhan. Yunus ngidah hal enda, emaka adi isampetken Dibata pe Ia maka tetap ia ertoto dingen ngendeken puji-pujin man Tuhan , mereken persembahen man Tuhan bagepe erbahan perpadanen ras Tuhan

ü Tuhan ngidah perubahen ibas Juna , janah eme erbahanca Ia mpedarat Juna ibas beltek nurung e nari. Hidup yang berubah dan bertobat akan memberikan berkat baru bagi hidup Juna sehingga Ia banci ndatken pengalamen simbaru janah enda erbahanca ia erbahan perpadanan simbaru eme berangkat ku Niniwe  janah mpeseh berita siMeriah ku kalak ijah .

ü Tema berngi pe 3 ken : Aron Dibata si Ertoto , Situtus ndalanken komitmenna. Dibata enggo ndilo kita guna bengket kubas rencanaNa lewat erbage-bage hal sijadi bas geluhta. Bagi  Juna enggo erbahan komitmen di kune ia pulah maka ia pasti lawes ku Niniwe janah kenca ia pulah maka Ia lawes janah bangsa enda bertobat. Kita pe sienggo erkomitmen guna ngelai Dibata tentuna iarapken dingen iajuk guna tetap setia ibas ertoto bagepe sidalanken komitmenta ibas ndahiken dahin e.

BAHAN SERMON PEKAN DOA SE DONI 2016 WARI KE 4

GBKP RG. PAMAH KUALA SIMEI-MEI  KLASIS MEDAN DELITUA

Tema Aron Dibata si Ngelai

Ogen   : Pilifi 1:3-11

Tema aron Dibata si ngelai  la terlepas ibas pasu-pasu  Dibata nari. Ngelai jadi respon si mehuli tupung kita  nggeluhken kegeluhenta ibas pemasu-masun ibas Tuhan nari. Kita labo banci nggit ngaloken pasu-pasu saja tapi pe kita arus nggit nehken balasen labo man Tuhan tapi ibas kita ndalankenca eme alu  nehken pelayanen ibas kegeluhenta.

Tuhan ndarami aron si setia ras bijak. Si nggit ngelai ibas segedang kegeluhenna. La ka terpungkiri pe  ibas zaman genduari enda  sulit guna ndatken aron si bage. Setuhuna sekalak aron tugas utamana eme ngelai labo ngaloken upah ibas ia ngelai ntah pe sope ia ngelai. Emakana ngelai enda sada hal si penting kel ibas pelayanenta nandangi sesamanta ibas ncidahken dirinta enda enggo ndatken pelayanenta ibas Tuhan nari.

• DR. Andar Ismail ngatakenca ibas bukuna “Selamat melayani” Penyebab dasar kita ijemba guna ngelai eme erkiteken Yesus sendiri enggo leben ngelai kita. Alu nggambarken, kidekah kegeluhen Yesus si 33 thn, jiwa kegeluhenna memang ngelai, aminna gia Ia erkuasa, tapi amin bage gia tetap ipeterukna baNa alu cara nggeluh menghambaken diri ibas Ia ngelai (diakonos = pelayan/doulus = budak).

• Jiwa Yesus si ngelai (menghamba) e me jadi jiwa kegeluhen kalak kristen sebage pengikutNa, eme alu nggeluh ngelai (diakonos/menghamba). Ibas praktekna memang dahin ngelai memang labo menukah, erkiteken pengertin ngelai memang labo terjeng menyibukken diri ibas pelayanen gereja, tetapi lebih asangken sie eme, mengosongken diri ras menempatken kepentingen diri sendiri iteruh kepentingen Tuhan ras kepentingen kalak sideban.

Ibas renungenta enda siidah ije paulus tetap ia ncidahken keriahen ukurna erkiteken perpulungen I Pilifi enda enggo tumbuh ibas kiniteken si mehuli man Tuhan. Janah pe Paulus ertoto man Dibata segelah perpulungen  I pilipi ertambah-tambahna kekelengenna nandangi perberita si meriah terlebih ibas keleng ate man sapih-sapih perpulungen. Arah pelayanen si enggo ilakoken Paulus ibas perpulungen Pilifi enda kepeken la sia-sia tapi lit keberhasilen sierbahanca turah keriahen ibas Paulus.Janah memang e kin perayaken sekalak aron Dibata maka lit keriahen erkiteken ulih dahin siilakoken ibas Tuhan laboi sia-sia sebab bagi nina Paulus aku sinuansa, apolos siniramsa janah Dibata nge simpeturahsa.

Tole pe Paulus  ertoto segelah perpulungen I Pilifi reh turahna la saja ibas kekelengen ras kiniteken tapi pe min  reh turahna ibas pemeteh, seh maka alu bage ietehna mbedaken apai si mehuli ras lang. Janah pemeteh sinimaksud I je eme pemeteh kerna Kata Dibata guna ngantusi ras ndalankenca ibas kegeluhenna. Sebab adi kita la bertumbuh ibas pemeteh enda maka sibanci salah siilakoken eme si salah e siakap benar ras si benar e banci siakap salah.

Sipenting pe iperdiateken Paulus emekap : Segelah perpulungen tetap bertumbuh ibas kekelengen  ras bertumbuh ibas pemeteh kerna Kata Dibata . Janah dua-duana enda harus tumbuh radu ras. Kekelengen tanpa pemeteh  bakal menjadi  kekelengen si memanjakan ras erbahanca ceda, sedangken pemeteh tanpa lit kekelengen  bakal njadiken kita bali ras kalak farisi.  Emaka arah tema pekan Doanta ibas wari berngi pe IV ken enda mpengajuk kita kerina bahwa kita enda eme Paulus simbaru si nggit tetap nehken pelayanen man perpulungen baik ibas  perbahanen, perukuren ras pe pengeranana she maka malem ate kalak kerina.

Ibas panggilennta secara pribadi pe maka tugas guna er-ngelai pe dahinta kap, emaka marilah sipakeken dirinta sebage perkakas Dibata, ntah pe teman sekerja Dibata (aron Dibata) ibas ngelai kerina jelma si membutuhken pelayanenta baik ibas Diakonia, Kesaksin ras pe persadannta.

Melala bentuk – bentuk dahin pelayanen sibanci silakoken ibas ngelai. Banci  ngelakoken dahin ngelai   ibas hal – hal si kitik nari, tapi amin kitik perbahanenna sie tuhu – tuhu tergejap man jelma sienterem.

Mbelin kel pasu – pasu Dibata ibas kegeluhenta sigenduari. Tentu sie pe mereken kesadaren man banta maka mbelin kel kepe keleng ate Dibata man banta. Emaka mari si respon keleng ate Tuhan e alu encidahken perbahanen keleng ate man kerina manusia alu ngelakoken tugas panggilenta sebage kalak si ngelai. Sebab nina Tuhan Yesus :”Aku reh labo guna ielai tapi guna ngelai…”

Ngelai Dibata ibas doni enda man tetanggandu, keluargandu, kade-kadendu, temanndu sada kantor, ija Kristus sipeseh ola pernah kita kecewa, aru ate mbiar, mela ibas paksa kita itolak, iejek,  sebab perbahanen sibagepe merupaken bagin ibas Aron Dibata si ngelai. Setiap kita ngelai  “action speak louder than word” alu contoh, sikap saling ngelai sada ras sidebanna ncidahken  dirinta sebagai kalak situhu-tuhu tutus ngelai Tuhan. Teruslah ndahiken dahion Tuhan ibas Doni enda selaku aron Dibata sebab sialoken nge upah ibas Dibata nari. Amin (Pdt Januar JE Gtg Munthe )

                      BAHAN SERMON PEKAN DOA SE DONI 2016 WARI KE 5

GBKP RG. PAMAH KUALA SIMEI-MEI  KLASIS MEDAN DELITUA

Invocatio : Emaka ola pada sitik pe kam mbiar. Aku pekena-kena karmas anak-anakndu. Dage alu kata si                     melias e,ipetetap Jusup senina-seninana she maka malem atena kerina (Kej 50:21)

Bahan    : Imamat 25:35-38

Tema      : Aron Dibata si Ertoto, Si Mpehagaken Teman (Ngangkatken)

Kata perlebe

Doni inganta tading enda rusur nge si jumpai erbage-bage kiniseraan kegeluhen. Salah sada kiniseran e eme kemusilen. Kune e siterjadi I sekelwetta kai nge sikap sipayo siharus silakuken selaku kalak Kristen? Payo nge siakap adi kita la peduli man bana? Kita sibuk ngurus dirinta ras keluarganta saja? Entah kita pe merasa kita enda pe musil denga sehingga labo torah ukur nampati ia. Ibas berngi si pelimaken enda si orati kai si payona silakoken man senina/turangta si jatuh musil.

Uraian teks

Prikopta enda ngerana kerna perbahanen si harus ilakuken kalak Israel man kalak simesera baban geluhna . Sikap siharus ibahanna eme bangsa Israel harus nampati gelah temanna ndai tetap banci ngeluh. Ibas ay 35 “adi temanndu kalak israel si tading ndeher ras kam jadi musil….sampatilah ia….maka banci ia tetap tading ndeher ras kam”. Ibas ia nampati maka isampatina temanna ndai gelah pulah ibas kiniseranna. Emaka bangsa Israel la banci ngaloken bunga entah riba.  Sebab  paksa e bangsa-bangsa sekitar bangsa Israel iijinken guna  mereken bunga pinjamen man kalak musil. Jadi adi ibereken bunga ibas ia minjam maka keadaanna banci jadi labi semakin mehuli tapi akan semakin buruk. Emaka nina ula bahan erbunga, ola suruh ia nggalar bunga duit siipinjamkenndu man bana.  Janah kata bunga ibas bahasa ibrani ikataken neshek si ertina “mengigit” ertina bunga siibereken sungguh berat emaka nggo mengigit. Emaka banci saja kalak si minjam ndai la ngasup mbayarsa emaka ia jadi budak sipepinjamken. Tujunna ibas ia nampati eme gelah kalak simesera ndai banci tetap tading ras ia.

Palasna bangsa Israel nampati kalak simesera eme perban ia mbiar man DIbata bage pe perban DIbata nge simaba ia ndarat itaneh Mesir nari. Ertina keadaanna si lanai kekurangen epe erkiteken penampat Dibata man bana.

Pengkenaina

Keadaan geluhta kerina labo sada pe bali, lit kita siberkecuputen, lit kang nge kita si berlimpahen tapi lit kang si kekurangen ras kalak si ngeluh bas kiniseran. Uga nge sikapta ras perbahanenta man kalak si mesera selama enda?  La kinlah  ban sibukta kerina ngukurken keperlunta, dahinta piah dungna lanai lit waktuta ngenen  turang/seninanta si lit isekelewetta si nggo sangat membutuhken penampatta. Saja ibas berngi si pelimaken enda ngajuk kita guna:

-          Peduli man sekelewetta. Kita ngeluh makai indra pengelihatan guna ngidah kalak si mesera, makai mata hati kita guna banci ngejapken uga perasaanna ras make kinitekennta guna banci erbahan tindaken sipantas man bana.

-          Nampati temanta gelah ia tetap banci ngeluh. Bagi siikataken Yesus ibas Mat 25:40 “Ku kataken man bandu : kai siibahanndu man kalak si musilna ibas seninangKu enda, e me situhuna perbahanenNdu man bangKu”  Ibas kita nampati ula min siarapken bunga (balasen) bas ia nari tapi sampatilah alu tulus. Palasna kita nampati e me erkiteken si lit ibas kita ep pe erkiteken pemasu-masun Dibata.

-          Temanta ngatakenca maka kita aron Dibata si Ertoto mpehaga teman. Teman si man haganken labo hanya temanta si berkecukupen tapi alu kita nggit nampati temanta e gelah pulah ia ibas kiniseranna nari pe kita nggo mpehaga teman.bagi invocatia ija Yusuf nampati senina-seninana alu mpetetap ukur senina-seninana amin gia bapana Jakup lanai lit.

BAHAN SERMON PEKAN DOA SE DONI 2016 WARI KE 6

GBKP RG. PAMAH KUALA SIMEI-MEI  KLASIS MEDAN DELITUA

Invocatio    : “Aloi aku, Tuhan, aloilah, gelah ieteh bangsa enda maka Kam Tuhan Dibata kap, maka Kam me si                         mabai bangsa enda mulihken man baNdu“ (1 Raja- Raja 18:37)

Renungen     :    Jakup 5:13-20

Tema           :    Pertoton kalak si bujur ergegeh kal“

Kata Perlebe

Melala ungkapen siituriken sehubungen ras pertoton. Ertoto eme komunikasi kalak si tek ras Tuhan.  Pertoton eme  kesah kegeluhen kalak si erkiniteken. Ibas pertoton melala perbeben banci iatasi. Kalak Kristen arus nggejapken bahwa pertoton jadi kebutuhen geluh. Si jadi penungkunen man banta uga nge ibas kegeluhenta, enggo me tergejap bahwa pertoton e jadi gegeh man banta ? Ibas renungen enda ituriken Jakub kerna pentingna pertoton. Sabab pertoton e mereken gegeh kal man kalak si tek. Pertoton man Tuhan mpegegehikita ibas kerina situasi kegeluhenta.

Penjelasen Teks

Surat Jakup  ertujun guna mpegegehi kalak Kristen si sangana ngenanami kiniseran erkiteken kinitekenna man Kristus.  Rasul Jakub mereken pedah praktis i bas kegeluhen si tep-tep wari gelah amin pe melala tantangen, tapi kiniteken kalak Kristen e la banci luntur. Secara khusus i bas bahan renungenta sendah  si jadi pokok penekanen penting eme kerna   ertoto. Ituriken Jakub piga-piga hal si arus ilakoken ibas ndalani kegeluhen si tetap lit kaitenna ras ertoto.

1.      Ibas kiniseran;  si la banci lang ilakoken si pemenana eme ertoto man Dibata. Ibas pertoton e teridah penyerahen man Dibata bahwa kiniseran e labo kita si sada mabasa, tapi lit penampat si paguh eme Dibata.

2.      Gegeh pertoton;  Pertoton si ilakoken alu tek dingen pengendesen  man Tuhan erkuasa dingen ergegeh kal. Pertoton kalak si tek ergegeh mpepalem kalak si sakit bagepe erkuasa ngalemi dosa.  Pertoton e jadi geluhta dingen sidahiken pertotonta alu dem kiniteken

3.      Pengakun dosa ras  saling notoken teman; Pertoton erat kel kaitenna ras pengakun dosa. Kalak si bersih perukurenna dingen ngakuken dosana berarti enggo iaguina penghalang pertotona man Dibata. Bagepe ibas kebersihen ukur e terdah saling peduli nangdangi teman. Nggeluh ije pesekutun dingen tedeh ate lit usur perjumpan si membangun. Janah e kerina teridah sebagai kebiasaan geluh kalak si ertoto. Kepe ibas persadan saling menopang ras saling mendoaken ije idan kemalem ate. Kemalemen ate eme tujun kita rembak ras Dibata. Alu kata sideban ikataken Jakub labo mehuli adi  nggeluh sijuru-jurun.

4.      Pertoton kalak si bujur ergegeh kal. Kalak siidilo Tuhan jadi serayanna tentu encidahken dirina sebagai kalak si bujur dingen benar.  Kalak sibujur dingen benar idengkehken Dibata pertotonna. Bnd. Elia.

Aplikasi

1.      Pertoton searusna jadi orat nggeluh kalak si erkiniteken man Dibata. Adi tetap kita  ertoto, tetap lit hubungenta ras Dibata. Kita sebagai manusia melala kelemahenta, tapi adi tetap kita ngandalken Tuhan, iberekenna kita gegeh simpengasup kita ibas setiap perbebenta. Pertoton desken “lanam” si erbahanca babanta si mberat pe ngasup kita mabasa

2.      Pertoton kalak si erkiniteken  arus itotoken alu payo; eme dem kiniteken/bulat  ukur dingen tek nangdangi pertoton e. Totoken dahin dingen dahiken pertotonta.

3.      Babalah kerina kearun ateta man Dibata sabab ibas Dibata lit serpang pulah  (bnd. 1 Pet. 5:7). Emaka tetaplah kita nggeluh ibas pertotonta (1 Tes. 5:17).

·         PDS Wari si Pepitukeni

Invocao : “erkiteken sie sitatang-tatangenlah janah sisampat-sampatenlah kam bagi sisangana

                                  ibahan  kami genduari e” (1 Tes 5:11).

Renungen :   Job  42:9-11

Tema :  “Aron Dibata Si Ngkuhi Keriahen”.

Job   eme   sekalak   sinembah   janah   erkemalagen   man   Dibata,   ia   kalak   si   mehuli   janah   lalit

perbahanenna Sijahat (Job 1:1).  Tapi ibas perdalanen kegeluhenna ia ngenanami kiniseraan si mesangat

si  erbahanca melala  pandangen  kalak  man   bana     ibas   kiniseraanna   e,   termasuk  pe   temanna  entah

sahabatna si seharusna mereken  penampat alu kata pergegeh entah pe pengapul  ( eme  si Elipas, Bildat

ras Sopar), tapi erbahanca turah perdebaten antara Job ras teman-temanna e seh maka ikataken Job :

“pengapulndu pesega-sega aku ngenca “ (Job 16:1). Temanna e ngataken   maka Dibata e masu-masu

kalak   si   bujur   janah   menghukum   kalak  sijahat.  Teman-teman   Job   erkesimpulen   maka   kiniseraan   si

inanami Job e merupaken penghakimen Dibata karna dosa-dosana,tapi ibas ikataken Job maka labo lit

salahna,   rananna   e   erbahanca   tambah   rawa   temanna   e   man   bana   (   Job   22:1-30).   Tapi   Job   tetap

megenggeng   ibas   kiniseraanna   erkiniteken   man   Tuhan   she   maka     ibas   sie   kerina   kedungenna   Job

ngataken :”Genduari kueteh Tuhan, maka kai pe ngasup Kam ngelakokenca kai isuraNdu seh kerina (Job

42:2)

Pendapat teman-teman Job enda secara umum memang payo, tapi labo payo i terapken pedapat

e tanpa ngenehen kualitas kegeluhenna secara menyeluruh. Pendapat sibage la mereken jawaben engkai

maka   kalak   si   la   erdosa   (erbahan   kesalahen)   maun-maun   megalami   kiniseraan   entah   pe   kinisuin,

sedangken kalak si erdosa (ngelakoken si la payo) maun-maun terhindar ibas malapetaka ( Job 4:7; 5:19-

26; 8:5-7,20; 11:13-20). 

Ibas Job 42:7 -8 : nina Tuhan man Elipas, “Nembeh ateKu kam ras temanndu si dua e, erkiteken

la payo kai si ikatakenndu kerna Aku; suruh-suruhenKu Job la bagi kam e. Emaka genduari bahanlah

persembahen  tutungen   man   dirindu,   janah   Job   notoken   kam.  Kubegiken   pertotonna   maka    la   kam

kujuruken aminna patut gia kam iukum sue ras kesalahenndu. Kai siikatakenndu karna Aku la tuhu; tapi

Job tuhu siikatakenna.

Minter ilakoken Elipas, Bildat ras Sopar kai siikataken TUHAN, janah ibegiken Tuhan pertoton Job. Jenari

kenca Job ertoto guna temanna si telu kalak e, senang ka mulihi geluhna ibahan Tuhan, janah iberekenNa

man Job kebayaken dua kali lipat Buena asa si mbarenda. Kerina senina ras turangna, bagepe teman-

temanna simbarenda reh ndahi   Job . Sekalak sekalak ia mereken Duit ras sada cincin emas man Job

sebage tanda ikut erceda ate ibas kiniseraan si enggo irehen Tuhan man bana.

Enda si perlu siperdiateken ibas kita sada aron, maka kepeken lit nge piga-piga temanta e ibas

kita ngenanami kiniseraan, la ngasup mereken entahpe  encidahken kemalemen ate bagi teman-teman

Job ndai , tapi amin bage gia Job tetap notoken temanna e, jenda teridah maka salah temannta kepeken

labo perlu sipebelin tapi  sitotoken  man Tuhan  Dibata  she  maka  kita pe  ndatken pasu-pasu rikut ras

temanta emaka tetap terjalin kini ersadaan ibas ndahiken dahin Tuhan. Ibas ndahiken dahin Tuhan e

tentuna   melala tantangen sinihadapi kita, ibas situasi sibage sikapta eme tetaplah erpengendes man

Tuhan Dibata janah   la perlu mis menyalahken teman tapi ngasup kita sitoto- toton ras mereken kata

pergegeh guna menambah semangat ras kemalemen ate, perbahan tek kita maka Dibata e erkuasa ibas

kerinana, kai si isuraken Dibata banci jadi ibahanNa. She maka sebage aron Dibata kita tetap ngasup

·         sitatang-tatangen   janah   sisampat-sampaten   (1   Tes   5:11)bagi   nina   invocaota   .   Alu   bage   kita   banci

encidahken ras ndalanken bagi  nina temanta “Aron Dibata Si ngkuhi Keriahen”.  Ibas  kiniersadaannta

ndahiken dahin Tuhan e kuh sigejabken keriahen-keriahen si isehken Dibata man banta kerin

BAHAN SERMON PEKAN DOA SE DONI 2016 WARI KE 7

GBKP RG. PAMAH KUALA SIMEI-MEI  KLASIS MEDAN DELITUA

Invocatio    : “erkiteken sie sitatang-tatangenlah janah sisampat-sampatenlah kam bagi sisangana ibahan  kami genduari e” (1 Tes 5:11).

Renungen        :   Job  42:9-11

Tema               :  “Aron Dibata Si Ngkuhi Keriahen”.

            Job eme sekalak sinembah janah erkemalagen man Dibata, ia kalak si mehuli janah lalit  perbahanenna Sijahat (Job 1:1).  Tapi ibas perdalanen kegeluhenna ia ngenanami kiniseraan si mesangat si erbahanca melala pandangen kalak man bana  ibas kiniseraanna e, termasuk pe temanna entah sahabatna si seharusna mereken  penampat alu kata pergegeh entah pe pengapul  ( eme  si Elipas, Bildat ras Sopar), tapi erbahanca turah perdebaten antara Job ras teman-temanna e seh maka ikataken Job :  “pengapulndu pesega-sega aku ngenca “ (Job 16:1). Temanna e ngataken  maka Dibata e masu-masu  kalak  si bujur janah menghukum kalak sijahat. Teman-teman Job erkesimpulen maka kiniseraan si inanami Job e merupaken penghakimen Dibata karna dosa-dosana,tapi ibas ikataken Job maka labo lit salahna, rananna e erbahanca tambah rawa temanna e man bana ( Job 22:1-30). Tapi Job tetap megenggeng ibas kiniseraanna erkiniteken man Tuhan she maka  ibas sie kerina kedungenna Job ngataken :”Genduari kueteh Tuhan, maka kai pe ngasup Kam ngelakokenca kai isuraNdu seh kerina (Job 42:2)

            Pendapat teman-teman Job enda secara umum memang payo, tapi labo payo i terapken pedapat e tanpa ngenehen kualitas kegeluhenna secara menyeluruh. Pendapat sibage la mereken jawaben engkai maka kalak si la erdosa (erbahan kesalahen) maun-maun megalami kiniseraan entah pe kinisuin, sedangken kalak si erdosa (ngelakoken si la payo) maun-maun terhindar ibas malapetaka ( Job 4:7; 5:19-26; 8:5-7,20; 11:13-20). 

            Ibas Job 42:7 -8 : nina Tuhan man Elipas, “Nembeh ateKu kam ras temanndu si dua e, erkiteken la payo kai si ikatakenndu kerna Aku; suruh-suruhenKu Job la bagi kam e. Emaka genduari bahanlah persembahen tutungen man dirindu, janah Job notoken kam. Kubegiken pertotonna maka  la kam kujuruken aminna patut gia kam iukum sue ras kesalahenndu. Kai siikatakenndu karna Aku la tuhu; tapi Job tuhu siikatakenna.

Minter ilakoken Elipas, Bildat ras Sopar kai siikataken TUHAN, janah ibegiken Tuhan pertoton Job. Jenari kenca Job ertoto guna temanna si telu kalak e, senang ka mulihi geluhna ibahan Tuhan, janah iberekenNa man Job kebayaken dua kali lipat Buena asa si mbarenda. Kerina senina ras turangna, bagepe teman-temanna simbarenda reh ndahi  Job . Sekalak sekalak ia mereken Duit ras sada cincin emas man Job sebage tanda ikut erceda ate ibas kiniseraan si enggo irehen Tuhan man bana.

            Enda si perlu siperdiateken ibas kita sada aron, maka kepeken lit nge piga-piga temanta e ibas kita ngenanami kiniseraan, la ngasup mereken entahpe  encidahken kemalemen ate bagi teman-teman Job ndai , tapi amin bage gia Job tetap notoken temanna e, jenda teridah maka salah temannta kepeken labo perlu sipebelin tapi sitotoken man Tuhan Dibata she maka kita pe ndatken pasu-pasu rikut ras temanta emaka tetap terjalin kini ersadaan ibas ndahiken dahin Tuhan. Ibas ndahiken dahin Tuhan e tentuna  melala tantangen sinihadapi kita, ibas situasi sibage sikapta eme tetaplah erpengendes man Tuhan Dibata janah  la perlu mis menyalahken teman tapi ngasup kita sitoto- toton ras mereken kata pergegeh guna menambah semangat ras kemalemen ate, perbahan tek kita maka Dibata e erkuasa ibas kerinana, kai si isuraken Dibata banci jadi ibahanNa. She maka sebage aron Dibata kita tetap ngasup  sitatang-tatangen janah sisampat-sampaten (1 Tes 5:11)bagi nina invocatiota . Alu bage kita banci encidahken ras ndalanken bagi nina temanta “Aron Dibata Si ngkuhi Keriahen”. Ibas kiniersadaannta ndahiken dahin Tuhan e kuh sigejabken keriahen-keriahen si isehken Dibata man banta kerina.