: Jesus Kristus me si maba kita bengket ku bas lias ate Dibata erdandanken kinitekenta. Janah ibas lias ate Dibata eme kita nggeluh dingen ringan. Dage meriah ukurta sebab lit pengarapenta maka kita ikut dat bagin ibas kemuliaan Dibata. (Roma 5:2) Ogen : Maleakhi 3:1-4 Khotbah : Pilipi 1:3-11 Tema : Ngenanami Lias Ate Dibata

Sermon  Khotbah  Minggu  6 Desember  2015  i Penen

Invocatio      : Jesus Kristus me si maba kita bengket ku bas lias ate Dibata erdandanken kinitekenta. Janah ibas lias ate Dibata eme kita nggeluh dingen ringan. Dage meriah ukurta sebab lit pengarapenta maka kita ikut dat  bagin ibas kemuliaan Dibata. (Roma 5:2)

Ogen                     : Maleakhi 3:1-4

Khotbah               : Pilipi 1:3-11

Tema                     : Ngenanami Lias Ate Dibata.

Pendahuluan

                Kiniteken sipaguh nandangi Tuhan Dibata erbahanca kita megegeh ibas ngalaken kerina perbeben sinihadapi kita.Janah alu kiniteken man Tuhan Dibata e kita ngasup ngataken bujur ibas kerina dampar geluhta man Tuhan Dibata. Arah Kiniteken banci kita ngidah dingen kuasa ras sura-sura Dibata ibas geluhta sinemani dingen ngarak-ngarak ras masu-masu kita ibas kerina danpar kegeluhenta.

                Roma 3:22 :” Dibata ngerembakken manusia kempak diriNa erdandanken kiniteken manusia e man Jesus Kristus. Kerina kalak sitek man Kristus iperembak Dibata ras diriNa sebab bali nge kerina manusia enda.

Isi

Surat Pilipi enda itulus Rasul Paulus sanga ia ipenjara i Roma, labo perban kesalahenna tapi perbahan ia meritaken Berita Si Meriah. Ibas keberadaanna i penjara Rasul Paulus labo mengeluh entah pe putus asa, tapi ngataken bujur ia man Tuhan Dibata. Iingetna kenca perpulungen Pilipi e  (ay.3-4). Enda ngatakenca lit hubungen si harmonis ibas iaras perpulungen Pilipi e terlebih igejapkenna maka aras lias ate Dibata (kuasa Dibata) maka banci pantek perpulungen Pilipi e (Perpilungen Pilipi eme perpulungen sipemena I panteki Rasul Paulus  i Eropa, propinsi Roma I Makedoni). Paulus pe tetap ertoto man perpulungen e alu meriah ukur.

                Rasul Paulus nggejapken maka dahin meritaken berita simeriah e merupaken dahin Dibata, ia hanya sebage alat (suruh-suruhenNa) ngenca she maka aminna pe Rasul Paulus ipenjara tek ia, maka iterusken Dibata nge e she ibas warina Kristus reh mulihken  (ay.6).  JadRasul Paulus nggejapken maka ia e sebage persuruhen Dibata ibas meritaken berita si meriah e janah tetap ia berserah nandangi Tuhan Dibata. E maka labo lit ia jungut-jungut aminna pe ia ipenjara, janah labo ia lit tuntuten man jemaat Pilipi.

                Ibas situasi sisulit/mberat siinanami Paulus  (I Penjara) labo erbahanca ia putus asa entah pe kecewa tapi ibas keberadaanna e pe idahna ras igejapna lias ate Dibata man bana, bagepe man perpulungen e. Janah lias ate Dibata e sanga ia ipenjara pe labo igejapkenna kurang man bana.

                Rasul Paulus pe ibas situasi I penjara tetap ertoto man Dibata , labo itadingkenna Tuhan Dibata sebab tek ia maka Tuhan Dibata enggo nikapken rencana si mehuli dingen dem alu kemalemen ate man bana, bagepe man Perpulungen tetap itotokenna  gelah perpulungen e ertambah-tambah keleng atena rikut pe pemeteh situhu-tuhu ras pengangkaan siserta gelah kerina ia sikap ngalo-ngalo kerehen Yesus Kristus eme banci tetap bersih dingen la erpandangen (njaga kebadiaan). She maka ertambah-tambah biak-biak situhu-tuhu mehuli si rehna ibas Yesus Kristus guna muji dingen mpermuliaken Dibata .

Penutup/Aplikasi

1.       Selaku kita anak-anak Dibata marilah lit ibas kita kiniteken si paguh, she maka ngasup kita ngidah ras nggejapken bagi belinna lias ras keleng ate Dibata e man banta she maka kita pe ngangkai sura-sura Tuhan arah geluhta.

2.       Man banta enggo i petangkas ise Dibata e ras uga keleng atena man banta arah Yesus Kristus, enda harus tetap situmbuh kembangken janah tetap teridah ibas geluhta kemuliaan Dibata e she ibas wari kerehen Tuhan Yesus Sipedua kaliken guna menghakimi, gelah teridah maka kita metunggung ngaloken keriahen situhu-tuhu ibas kerehenna e, sebab wari kerehenna e ise pe la metehsa katawari (Maleakhi 3:1-4)

3.       Arah kinitekenta banci sigejab kuasa Dibata e erdahin ibas geluhta she maka kit ape ngasup lalap erpengendes man bana ibas  kerina dampar geluhta janah banci tetap erpengarapen man bana aminna pe lit kiniseraan sialami kita.

4.       Tek kita maka Tuhan Yesus me si maba kita bengket ku bas lias ate Dibata erdandanken kinitekenta, janah  lit arapenta maka kita ikut dat  bagin ibas kemuliaan Dibata.

5.       Tetaplah kita ertoto ras erpengendes man Dibata ibas kerina dampar kegeluhenta bagi siilakoken Rasul Paulus she ibas kerehen Tuhan Yesus si pedua kaliken she maka kita tetap ersikap guna ngalo-ngalo kerehenNa si pedua kaliken bagepe kita ersikap guna mperingeti wari Natal si irayaken she maka tuhu-tuhu dame/keriahen  Natal e tergejab ibas kita kerina , (Adven). 

Saber ia nimai udan sireh nandangi merdang ras udan sireh kenca rumpah page ( Jakub 5:7b) Ogen : Kejadin 3 : 17-19 (Tunggal) Khotbah : Jesaya 30 : 19-24 (Tunggal) Tema : “Tuhan si peturahsa, erdangkenlah !”

Bahan sermon Khotbah Minggu 16 Juli 2017 i  GBKP  Klasis Medan Delitua

Invocatio         : Saber ia nimai udan sireh nandangi merdang ras udan sireh kenca rumpah page  ( Jakub  5:7b)

Ogen               : Kejadin 3 : 17-19 (Tunggal)

Khotbah          : Jesaya 30 : 19-24 (Tunggal)

Tema               : “Tuhan si peturahsa, erdangkenlah !”

I. Pendahuluan

            Kita sebage anak-anak Dibata, harusna banci tetap paguh kinitekenta man Tuhan Dibata. Tek kita maka Dibata e erkuasa ibas kerina dampar kegeluhenta ras kerina isi doni enda. Dibata tetap ersura-sura gelah kita kerina anakNa tetap ndatken kemalemen ate ibas Ia nari, emaka iberekenNa aturen-aturen entah pe perintah-perintah guna tetap sidalanken ibas geluhta.

            Kepeken ibas kegeluhenta enda melala percubaan, tantangen, bahkan pengajuk doni enda  si banci erbahanca kita lanai ndalanken perintahNa  entahpe ngikutken Tuhan alu tutus ras payo bagi singena ateNa. Tawaren kesenangen entah pe keriahen doni enda sibanci erbahanca kita lupa bahkan nilah ibas Dibata nari, entah pe banci sikataken mencari jalan lain guna kesenangen i doni. Tantangen-tantangen, perbeben – perbeben, ras kiniseraan sinihadapi kita terkadang erbahanca turah ukur guna ndarami dalan sideban (lanai ngikutken Tuhan), bahkan nadingken Tuhan , tapi hasilna kepeken labo kemalemen ate situhu-tuhu tapi kesusahen.

II. ISI

Ibas Ogenta “Kejadin 3:17-19”, jelas siidah maka manusia siijaiken Dibata alu sempurna “sentudu ras tempasNa” enggo nilah ibas perintah Dibata nari. Padahal kenca enggo itepa Dibata manusia ndai, itamaken Dibata i peken Eden janah  ije ibahan Dibata erbage-bage batang kayu si mehuli turah ije janah buahna pe mehuli (Kej 2:8-9). Nina Dibata man manusiait ibas peken enda  ndai “Kerina buah batang kayu si lit ibas peken enda banci ipanndi, seakaten buah batang kayu simereken pemeteh karna sibujur ras sijahat. Buah batang kayu e la banci ipanndu, adi ipanndu la banci lang mate kam ibas wari e (Kej 2:16-17).

            Tapi perbahan godan Iblis man manusia ndai , maka turah ibas ukurna nari , adi ikutkenna godaan Iblis e maka lebih malem akapna asangken bagi sienggo itentuken Tuhan. Itatap diberu e   batang kayu ndai, tuhu she kel akapna jilena  janah buahna pe entabeh nari nge man pangan. I ukurina ka, kuga senangna adi arah man buah batang kayu e ndat pemeteh ia (“seri ras Dibata”). Emaka iputikkenna buah kayu e, ipanna, jenari iberekenna man perbulangenna si ras ia je, janah ipan perbulangenna ka (Kej. 3:6-7). Padahal perbulangenna e (Adam) pe meteh karna perintah Tuhan.

            Akibat perbahanenna e maka labo manusia ndai tambah malem akapna nggeluh tapi tambah kiniseranna, ialokenna penghukumen ias Dibata nari eme :

1. Terpaksa latih erdahin ngusahai taneh si ibereken Tuhan kidekah geluh, gelah banci iberekenna cukup nakan      (perbahan taneh e pe enggo kenasumpah ).

2. Dukut ras sinuan si erduri turah ibas taneh enda nari, janah terpaksa ipanndu sinuan-sinuan i juma.

3. Terpaksa i gegehi erdahin alu curcur panas gelah taneh enda banci mereken ulihna seh mulih ka kam       (manusia) ku taneh. (mengalami kematen ) (Kej. 3:17-19).

            Banci sibayangken adi nai manusia e (Adam ras Hawa) la ipanna buah batang kayu si ilarang Tuhan, janah tetap ia enggeluh bagi perintah Tuhan, mungkin manusia entah pe kita genduari enda tetap denga i Peken Eden,la si alami kelatihen bagi si ikataken  ibas Kejadian 3:17-19. , terpaksa igegehi erdahin alu cur-cur panas. Padahal Adam ras Hawa ibas paksa i Peken Eden, ia banci muati buah batang kayu si enggo isikapken Dibata i Peken Eden guna i pan.

            Situasi/keadaan ibas Ogenta enda hampir bali ras si situasi bangsa Israel ibas kitab Yesaya . Ibas Kitab Yesaya 30:19-24 si idah karna janji Dibata guna mereken pasu-pasu man bangsana (Israel) perbahan ibas paksa e bangsa Israel ngenanami perbeben-perbeben/ ancamen ibas bangsa si deban nari.  Perbeben e turah perbahan bangsa Israel e enggo terpengaruh oleh budaya entah pe sikap hidup bangsa-bangsa sideban, seh maka kegeluhen ibas bangsa Israel enggo melala si la sentudu ras peraten Tuhan, janah siluar biasa ibas bangsa Israel enda sanga ndatken ancamen ibas Asyur nari idaramina penampat man bangsa sideban guna nampati ia labo idahina Tuhan, padahal Bangsa Israel harusna tek man Tuhan Dibata si mengendaliken kerinana (segala sesuatu) siterjadi baik ibidang politik bagepe ibas bidang- bidang sideban (ibas kerina dampar kegeluhen). Arusna  tek ia maka kuasa Dibata melebihi kerinana. Tapi perbahan idahna maka kemegahen tentara perang ibas bagsa asyur bagepe ibas bangsa Mesir, lupa ia maka Tuhan lebih berkuasa diatas segalanya, emaka ia mindo penampat man bangsa sideban janah la idahina ras isungkunna Tuhan Dibata.

Gelah ola bangsa Israel enda terus ngenanami kiniseraan/perbeben, emaka ipersingeti Nabi Yesaya gelah bangsa e bertobat ras ndahi Tuhan. Perbahan Tuhan Dibata e perkuah kap, Tuhan megiken (ngaloi) pemindon penampat si isehken alu tangis,  tergejap ibas kita (bangsa e) maka Tuhan Dibata tetap ngajari kita ibas mentasi paksa-paksa kiniseraan si mberat. Tetap siikutken sora Tuhan Dibata si ngajari kita,lanai kita ernalem man sideban tapi tetap man Tuhan Dibata. Alu bage maka Dibata sajalah siman sembahen,lanai lit selain Dibata  (“ibuatndu me gana-ganandu jenari iambekkenndu bagi kubang, janah nindu “olanai ko kuidah”). Ibas situasi kiniteken sibage maka sialoken me pasu-pasu Tuhan bagi siikataken Jesaya man Israel eme :

“Adi merdang kam, ipesusur Tuhan udan peturahsa, janah melala ulihna siman peraninndu, janah mbelang mbalmbal man ingan lembundu nggagat. Jenggi lembundu ras kelede sinenggalai jumanndu ndat gagaten si mbur ras si mejilena…(Jesaya 30:23-24).”

Emaka ngikutken Tuhan e harus tetap enteguh ras paguh ndalanken kataNa alu dem kiniteken , pasti Tuhan tetap mperdiateken dingen engkelengi kita, emaka ola kita ndabuh ibas percuban, bagi nina invocation :”Saber ia nimai udan sir eh nandangi merdang ras udan sir eh kenca rumpah page. ( Jakub 5:7b)”. Alu bage pasti tetapkita ngaloken pasu-pasuibas Tuhan nari aminna pelit perbeben-perbeben sinihadapi kita.

III. Aplikasi/ Kesimpulan

Temanta ngatakenca : “Tuhan si peturahsa, erdangkenlah !”  enda merupaken seruan s idem kiniteken man banta, maka ibas kita ngerdangken kata Dibata entah pe ndahiken dahinta  ula kita kawatir ras mbiar seh maka aru ateta aminna melala perbeben siman hadapen, pasti turah me perbahan Dibata sipeturahsa. Enda sialoken adi kita tetap ernalem man Tuhan, la kita nilah ibas Tuhan Dibata nari aminna pe lit bujuken/rayuan entah pe pencobaan si reh man banta. Tuhan pasti masu-masu she makapasu-pasu bagi si tertulis ibas kitab Yesaya 30:23-24 e ndai tetap maler man banta.

            Erdangkenlah e ngartiken man bantam aka kit ape ibas ndalani kegeluhen e harus merdang ; “erdahin” perbahan e enggo merupaken sada ketetapen (pasu-pasu) si ibereken Dibata man manusia, emaka ibas erdahin (merdang) epe haruslah tetap sidahiken alu tutus alu erkemalagen man Tuhan. Kita erdahin (merdang) ibas jaman genduari enda tentu melala persina banci siandingken eme ibas kerina profesi ibas kita. Mari sidahiken e kerina alu tetap ncidahken kemuliaan Tuhan, ola mbiar entah pe ragu, mungkin lit tawaren cara sideban simenawarken keuntungen entah pe hasil si lebih mbue entah pe manghiurken alu cara si bertentangen arah kata Dibata. Selaku anak Tuhan ola kita tergoda bagi Hawa ras Adan bagepe bangsa Israel si terpengaruh oleh bangsa sideban seh maka ia mindo penampat man bangsa sideban ibas ia menghadapi tantangen bangsa Assyur. Perbahan adi kita nadingken ras la megiken Tuhan labo kemalemen ate man banta tapi kiniseraan sireh man banta.

Paulus ibas 1 Korintus 3:6 ngataken : Aku nuance, Apolos niramsa, tapi Dibata sipeturahsa. Sinuanca ras siniramsa labopenting,tapisipenting eme Dibata sebab Ia nge sipeturahsa.

Dibata sipeturahsa, labo lit gegeh ras kengasupen kita manusia guna mpeturahsa, tapi kita manusia berusaha ras ndahikenca kap ngenca. Emaka tetaplah kita berusaha , “erdahin”/ “Merdang” ibas kemliaan Tuhan seh maka banci ka kita rani. 

            Tantangan entah pe perbeben –perbeben sinihadapi kita selaku anak-anak Dibata ibas zaman genduari enda tentu melala erbagena she maka banci ka erbahan kit ape mbiar entah pe aru, tapi ola aru ateta perbahan Dibatange simpeturahsa. Dibata si mada kuasa janah labo lit si si berkuasa gegehen asangken Dibata . Emaka tetaplah kita erpengarapen man bana.  Erdangkenlah ! ,……

     Bujur ras mejuah-juah

GBKP Rg .Pamah Kuala Simei-mei

   

            

Kisah RUT Bahan Alkitab : RUT 1:1-22

Sermon bahan Khotbah KA/KR tanggal 13 Desember 2015

Thema  : Kisah RUT

Bahan Alkitab    :  RUT 1:1-22

                Cerita enda nuriken eme keluarga Elimelek sipindah lawes nadingken Betlehem propinsi Juda ku negeri Moab erkiteken ibas paksa e i taneh Israel jadi kelihen simesangat.  Elimelek ras ndeharana si Naomi bagepe anakna dua kalak eme Mahlon ras Kilyon pindah ku negeri Moab bagi kalak pertandang, atena gelah banci ndalani kegeluhen si lebih baik (perban i Betlehem sagana kena bencana  kelihen). Kenca mate Elimelek, tading Naomi ras anakna si dua ndai . Duana anakna enda erjabu buat beru Moab, eme Orpa ras Rut. Emaka mulai jenari Orpa ras Rut erlajar nandai Dibata bangsa Israel sebab bangsa Moab eme bangsa sinembah man berhala.

                Kenca kira-kira sepuluh tahun dekahna ia ringan i jah mate ka Mahlon bagepe Kilyon. Emaka Naoni nari tading sisada ras dua permainna eme Orpa ras Rut si enggo mbalu bagi ia. Bagem idalani Naomi kegeluhenna ras permainna duana i negeri Moab selaku pertandang. Piga-piga dekah kenca sie ibegi Naomi berita maka Tuhan enggo masu-masu bangsaNa alu peranin si mbuah, emaka ersikap-sikap Naomi ras  Permainna duana nadingken negeri Moab. Kenca bage berkat ia ras duana permainna ku Juda. Tapi itengah dalan  alu dem pengertian  Naomi man Permainna ngidah keberadaanna si enggo mbalu dingen metua janah mesera, maka iatawarkenna  gelah permainna e mulih ku jabu orangtuana, ngidah ngidah permainna e duana nguda denga janah lenga lit anakna, adi mulihken ia man orangtuana ras bangsana banci denga ia erjabu membentuk rumah tangga, janah isadari Naomi maka kadenape lanai lit, hartana bagepe adi seh kenca pe ia i Betlehem maka ia pe harus berjuang mulihi dari  nol perbahan rumah, tanah ras kebayaken si imiliki Naomi masa sie enggo lanai lit. Janahna pe Naomi peangkaken man permainna maka adi atena ikut ras ia maka ibas ia duana (permainna) ituntut pengorbanen. Ia duana harus siap labo saja erdalan ngikut salib Kristus, tapi pe harus siap memikul salibna ras menyangkal diri.

                Pertama Naomi ngataken man permainna duana gelah mulih ku bangsana ras orang tuana, duana permainna si Orpa ras Rut ngataken : “Lang, bibi ! ate kami ikut ras kam ndahi bangsandu.”, tapi kenca enggo iberitaken Naomi ka keberadaanna ras uga serana bagepe  suina adi ras ia, emaka permainna si Orpa ibuatna pilihen eme nadingken bibina janah mulih ia ku orangtuana ras bangsana, tapi Rut lang alu ngataken man binina : Ola suruhndu aku nadingken kam bibi ! raslah kita berkat. Kuja kam lawes, kuje aku, i ja kam ringan i je aku ringan. Bangsandu jadi bangsaku, janah Dibatandu jadi Dibatangku. I ja gia kam mate, I je pe aku mate, janah I je me aku ikuburken, Ersumpah aku maka Tuhan si ngukum aku alu kiniseraan si mberat adi kusirangken kam, pala kematen si nirangken kita duana.

                Adi sinen pengakuan Orpa ras Rut situhuna mulana ia duana ikut atena ras Naomi tapi ibas penjelasen/percakapen Naomi i tengah dalan man permainna duana, dungna maka Orpa muat keputusen ia mulih ku orangtuana ras bangsana, tapi Rut tetap setia ia man bibina. Orpa mulai memikirken masa depanna/karierna, ras membangun rumah tangga. Orpa memilih periorits ibas geluhna eme karna masa depanna terbayang ia karna kesusahen iba bibina, torah aru ate (kekawatiran) ibas geluhna emaka itadingkenna bibina, enda ilakukenna perbahan sijadi perioritas ibas ia eme karierna (membangun rumah tangga) labo ndahiken kerajaan Dibata ras kebenarenna jadi perioritas pertama, aminna pe sedekah ia ras keluarga bibina enggo nge ibegi-begina janah ipelajarina karna Dibata. Berbeda ras Rut, Rut la ia nggit nadingken bibina tapi tetap ngikutken ia, ituduhkenna kekelengen situhu-tuhu man bibina (la memikirken masa depan pribadina saja) , man Rut ngikut Tuhan eme hal si pertama ras utama, emaka hal-hal sideban. Enda idah arah jawabenna man Naomi :” ola suruhndu aku nadingken kam bibi……. Janah Dibatandu jadi Dibatangku….(ayat 16-17)”. Rut tetap ukur ngikutken bibina ku Betlehem aminna pe kiniseraan situriken bibina man Orpa bagepe Rut.  Alu jawaben Rut iteh Naomi maka Rut ngikut ia labo hanya pertimbangen emosional eme sekedar nemani Naomi ras pe sekedar taat ras sopan santun man orangtua. Penandai Rut man Dibata si idatna ibas jabu bibina labo penandai bage bage saja, tapi penandaina karna Dibata e mereken pengangkaan man bana ise Dibata e janah uga kuasa ras kemuliaanNa bagepe kekelengenNa, enda kerina enggo merobah pola pikir ras perbahanenna (bdk 1 Johanes 4:7-8). Eme sebabna turah kekelengen si mbages man Tuhan Dibata, janah kekelengenna e membias (memancar) ibas kekelengenna man simetuana (Naomi). Penandai Rut man Dibata ras kekelengenna man Dibata, mbabai ia guna ngkelengi, mengikut, ras pe siap melayani simetuana (Naomi). Bage pengakun Rut man Naomi :”…pala kematenkin si nirangken kita duana”  Rut 1:17).

                Kekelengen siicidahken Rut  banci sinen :

1.       “Aku la nadingken kam “.. (ola suruhndu aku nadingken kam). :  Enda nuduhken kekelengen e berarti enggeluh ras ia (tinggal bersama dia) labo hanya fisik tapi mental ras kinitekenna pe. Enda  maksudna kita banci mengerti kai siirasaken, ipikirkrn, ras siibiarken temanta. Radu ras ia ndarami dalan keluar ibas persoalan nggeluh . Rut engkelengi Naomi , eme sebabna la ia nggit nadingken simetuana si enggo metua, ija geluha simetuana pe tambah beratna.

2.       Raslah kita berkat, kuja kam lawes kuje aku ( ikut kujapa pe siikelengina e , Rut tetap ngikutken bibina Naomi aminna pe kiniseraan-kiniseraan ialamina ibas perdalanen bagepe pertama-tama she kenca ia i Betlehem).

3.       Ngelakoken kaipe simehuli guna kebahagiaan sinikelengina.  Enda ituduhken Rut alu erdahin ia ngemo-ngemo i juma kalak (mumahi ruhi gandum sitading ibahan kalak si rani). La ia mela erdahin mumahi ruhi gandum sitading ibahan kalak janah la itimaina ia isuruh simetuana ataupe itimaina simetuana muat nakan ia duana.

4.       Kekelengen e nggit mereken bimbingen ras pertolongen man si ikelengi (teman).  Ibas 1 Korinti 13:4 ikataken : Kalak si erkeleng ate, ia harus megenggeng, mehuli, la percian, la meganjang ukur, la sombong. Enda icidahken Rut man bibina  ija ipekena kenana bibina she maka ia erdahin ku juma kalak. Rut erdahin guna kebutuhen ia ras bibina tapi labo pernah ia sombong nandangi simetuana.

5.       Nghamati kalak si ikelengi (teman). Rut tetap encidahken kehamaten man simetuana aminna pe simetuana e enggo metua, janah lanai lit kinibawakenna si banci iharapken (Bdk Rut 1:11-13), tapi ia si erdahin ngemo ku juma kalak si rate mekuah janah labo ipandangina bibina ras ipindokenna ras erdahin tapi, ia erdahin janah ibegikenna kai si ikataken bibina Naomi.

6.       Nggit mbagiken keriahen (sukacita) man siikelengi (teman).  Enda icidahken Rut ija kenca ia mulih erdahin iberitkenna man Naomi simetuana keriahen sigejapkenna, iturikenna penemani Dibata sinuduhkenca erdahin i juma kalak si rate mekuah , janah jumpa ras sierdahin ije kerina bersahabat janah ia pe iundang man ras ia kerina. Janah Rut ncidahken kerina hasil dahinna man simetuana, labo lit siibunikenna (labo bagi Ananias ras Safira).  Janah kenca ia erjabu ras Boas pe labo itadingkenna bibina tapi tetap ia ras tading I rumahna.

Kesimpulen.

1.       Kesulitan timbul eme perbahan ibas perbahanen ras perukuren nadingken Tuhan Dibata. Ija teridah maka ibas paksa sie sanga pemerintahen hakim-hakim, bangsa Israel perbahanenna lanai memuliaken Tuhan emaka terjadi kelihen I negerina.

2.       Penandaita nandagi Tuhan Dibata alu payo dingen tutus nggit ngikutkenca merobah pola hidup ras pikirenta she maka tetap teridah enggeluh sikeleng-kelengen, sabab kekelengen erehna ibas Dibata nari, kalak si erkeleng ate, anak Dibata kap ia janah itandaina Dibata. (1 Joh 4:7)

3.       Tuhan Dibata banci makeken kalaksideban (bansa sideban) guna nehken kekelengen, contohna Rut eme bangsa Moab, ipakena guna encidahken kekelengen man Rut. ( emaka tetaplah sikeleng-kelengen man kerinana)

4.       Ketutusen man Dibata teridah arah hubungenta man temanta manusia.

5.       Ibas perdalanan geluhta melala cobaan ras tantangen bagepe bujuken si banci erbahan kita beralih nadingken Tuhan, emaka metenget kita gelag tetaplah Tuhan e jadi siutama ibas geluhta , la bagi si orpa itengah dalan arah pikirenna ras keberadaan geluh siituriken bibina Naomi, dungna itadingkenna bibina mulih ia ku orang tuana ras bangsana eme bangsa Moab

 Bahan Sermon KA/KR kebaktian tgl 25 Desember 2015

Bahan Alkitab    : Lukas 2:8-20.

Natal eme berita keriahen man kerina manusia. Wari ketubuhen Tuhan Yesus Kristus eme Juruslamat ku doni enda guna menyelamatken kerina manusia ibas kuasa dosa nari .Bagi enggo I nubuatken Nabi nabi. Ibas Yesaya 9:6 : “ Sekalak anak enggo tubuh man banta, anak Dilaki ibereken  banta, Ia me pagi jadi peminpinta. Ia igelari “Penampat simeganjangna”, “Dibata simada Kuasa”, “Bapa si Rasa Lalap”, “Raja Dame.”

Arah  ogenta Lukas 2:8-20 ituriken    peristiwa karna Ketubuhen Yesus e sebage peristiwa global, simelibatken kerina lapisan masyarakat si berdampak bagi seluruh doni. I samping tokoh tokoh dunia (Luk 2:1,2), rakyat biasa (Permakan), ras para Malaikat. Emaka Berita Keselamaten e , eme Ketubuhen Tuhan Yesus Kristus ku doni enda maba keriahen man kerina manusia.

1.       Ayat 8-9  : Berita karna ketubuhen Yesus e i peseh Malekat Tuhan man Permakan sangana ngiani asuh-asuhen i mbal-mbal. Berita e labo ipeseh man kalak si erpangkat entah pe si mehaga dingen bayak, tapi man permakan si ianggap rendah ibas tradisi kalak Jahudi ibas paksa sie.

Adi sibandingken ibas paksa genduari melala megahen iakap  berhubungen man kalak simehaga/ erpangkat asangken kalak sisederhana seh maka melala arah sikap hidup sibage kalak si mesera/susah, kurang nggejapken sikap solidaritas ibas kalak si iakapna mehaga. Adi bage si berkembang enda banci menimbulkan kesenjangan social (jurang pemisah) antara sesame manusia. Contohna umpamana “ megahen akap ngalo-ngalo kade kade si bayak asangken si mesera geluhna ibas lakon-lakon entah sidebanna.

2.       : Malekat Tuhan mereken ketetapen ukur man permakan i mbal – mbal alu ngataken : “Ola mbiar ... enda teridah maka ipetetap Malekat Tuhan ukur permakan si mbiar/sengget ibas kerehen malekat e man bana, janah ibereken berita si meriah si mereken keriahen si mbelin man kerina manusia. Tambah sie teridah ka enterem Malaikat Surga tedis ras Malaikat si ndai dingen rende muji Dibata: “Terpujilah Dibata i bas Surga si meganjangna, janah dame I doni man manusia si ngena ateNa. Tuhu tuhu berita e eme berita keriahen she maka tetap kel ukur permakan mis berkat guna ngenehen Yesus e.

Arah e siidah maka kita pe jadilah si mpetetap ukur kalak si mbiar/susah, she maka ia pe ndatken keriahen/kemalemen ate ibas perkuah ate Tuhan.

3.       Ayat 11-14 :  Yesus Tubuh i kuta Daud, ….ibaluti alu uis, medem ibas pelangkah ,  nuduhken maka tuhu tuhu sederhana kel ibas ketubuhen Yesus Kristus ku doni enda, padahal ia me " Anak Dibata” sidem alu kuasa dingen kemuliaan.  

Enda pe sada hal si patut silakoken ibas geluhta eme ndalani kegeluhen enda alu sederhana (merakyat/ ersolidaritas) labo encidahken kemewahen kemewahen si banci menimbulken kecemburuan social maka kita pe banci teraloken kerina kalak janah arah silit ibas kita e pe banci teridah kemuliaan Dibata, seh maka kita pe ngataken “terpujilah Tuhan ibas ingan simeganjangna”. 

4.       Ayat 15-20 .Sikap Permakan  ibas ngaloken berita e, mis ia berkat alu pedas-pedas seh maka idapetina  Maria ras  Jusuf  dingen idahna pe Yesus medem ibas pelangkah. Kenca bage iturikenna pe man kalak sideban, seh maka ibas perdalanenna mulih rende muji –muji Tuhan ia sebab enggo idahna payo bagi siikataken Malaikat Tuhan man bana. Enda

Emaka kita pe  ibas enggo sibegi kata Dibata she man banta mislah silakoken lanai tertaren-taren, emaka sidat me kemalemen ate , emaka kita pe ibas kita enggo enggejabken kemalemen ate siturikenka man kalak sideban gelah ia pe ngaloken kemalemen ate ka ibas Tuhan (solidaritas sesame manusia guna encidahken kemuliaan Tuhan).

I.           Penutup/ Aplikasi

Natal maba keriahen man kerina manusia, she maka kerina manusia si tek baNa ndatken keselamaten situhu-tuhu (Yoh 3:16). Emaka kita kerina si enggo ngaloken keriahen e, si cidahkenlah ibas geluhta man kalak sideban she maka jadi berita simehuli entah pe berita simeriah man bana. Ibas kita mbegi kata Dibata ula nari kita tertaren-taren guna ndalankenca tapi mislah sidalanken she maka sidat keriahen, bagi permakan ndai jumpa ia ras Maria , Jusuf bagepe bayi Yesus

Lukas 2:8-20 Tema : Natal eme solidaritas Dibata man Manusia Tujuan : - Gelah ngawan niperpulungen nggejapken uga Dibata enggo ersolidaritas man manusia - Gelah ngawan ni perpulungen ngasup ersolidaritas man temanna manusia.

SERMON  PERPULUNGEN JABU-JABU  29 November 2015 -05 Desember 2015

                                                                               Penen  1 Desember 2015

Ogen     : Lukas 2:8-20

Tema     : Natal eme solidaritas Dibata man Manusia

Tujuan  : - Gelah ngawan niperpulungen nggejapken uga Dibata enggo ersolidaritas man manusia

-  Gelah ngawan ni perpulungen ngasup ersolidaritas man temanna manusia.

I.     Pendahuluan

                Solidaritas ertina eme :”Rasa kebersamaan ras simpati ras kesatuan kepentingen, perasaan sebage salah satu kelas yang sama.” Entah pe banci sikataken solidaritas berarti menjadi sesama man kalak sideban.  Emaka Solidaritas enda tercipta adi lit kesediaan jadi seri ras senasip ras kalak si kurang beruntung, menderita ras tertindas.

                Sikap hidup bersolidaritas enda enggo icidahken Tuhan Dibata man manusia ibas peristiwa ketubuhen Tuhan Yesus ku doni enda guna menyelamatken manusia ibas dosa – dosa nari, sirusur si peringeti eme wari Natal. Ibas Filifi 2:6-7 ikataken :“ Aminna gia tetap lit ibas Ia (Yesus) biak Dibata erkuasa dingen ermulia Ia bali ras Dibata, tapi sienda la ipertahankenNa, arah ukurNa jina itadingkenNa kerina silit ibas Ia jadi seri ras manusia enggeluh bagi sekalak juak-juak”. Tuhan Yesus nusur ku doni enda jadi seri ras manusia enggeluh bagi sekalak juak-juak labo bagi kalak si erpangkat/mehaga.  Janah ibas singaloken berita ketubuhenNa si pertama eme permakan si sangana ngiani asuhen I mbal-mbal, ija permakan ibas paksa sie termasuk golongen si kurang i hergai ibas tradisi kalak Jahudi ibas paksa sie . Permakan ipake Tuhan guna mpeseh man kalak sideban karna ketubuhen Yesus, labo kalak si erpangkat/bayak/penguasa berita e pertama tama i pesehtapiman kalak sinianggap rendah. Arah e siidah maka Natal eme solidaritas Dibata man manusia si perdosa janah mengangkat harkat ras martabat manusia.

II.   Isi

                Arah  ogenta Lukas 2:8-20 ituriken karna solidaritas  Dibata man manusia ibas peristiwa karna Natal, eme :

1.       Ayat 8-9  : Berita karna ketubuhen Yesus e i peseh Malekat Tuhan man Permakan sangana ngiani asuh-asuhen i mbal-mbal. Berita e labo ipeseh man kalak si erpangkat entah pe si mehaga dingen bayak, tapi man permakan si ianggap rendah ibas tradisi kalak Jahudi ibas paksa sie.

Adi sibandingken ibas paksa genduari melala megahen iakap  berhubungen man kalak simehaga/ erpangkat asangken kalak sisederhana seh maka melala arah sikap hidup sibage kalak si mesera/susah, kurang nggejapken sikap solidaritas ibas kalak si iakapna mehaga. Adi bage si berkembang enda banci menimbulkan kesenjangan social (jurang pemisah) antara sesame manusia. Contohna umpamana “ megahen akap ngalo-ngalo kade kade si bayak asangken si mesera geluhna ibas lakon-lakon entah sidebanna.

2.       Ayat 10 : Malekat Tuhan mereken ketetapen ukur man permakan i mbal – mbal alu ngataken : “Ola mbiar ... enda teridah maka ipetetap Malekat Tuhan ukur permakan si mbiar/sengget ibas kerehen malekat e man bana, janah ibereken berita si meriah si mereken keriahen si mbelin man kerina manusia.

Arah e siidah maka kita pe jadilah si mpetetap ukur kalak si mbiar/susah, she maka ia pe ndatken keriahen/kemalemen ate ibas perkuah ate Tuhan.

3.       Ayat 11-14 :  Yesus Tubuh i kuta Daud, ….ibaluti alu uis, medem ibas pelangkah ; nuduhken maka tuhu tuhu sederhana kel ibas ketubuhen Yesus Kristus ku doni enda, padahal ia me " Anak Dibata” sidem alu kuasa dingen kemuliaan.

Enda pe sada hal si patut silakoken ibas geluhta eme ndalani kegeluhen enda alu sederhana (merakyat/ ersolidaritas) labo encidahken kemewahen kemewahen si banci menimbulken kecemburuan social maka kita pe banci teraloken kerina kalak janah arah silit ibas kita e pe banci teridah kemuliaan Dibata, seh maka kita pe ngataken “terpujilah Tuhan ibas ingan simeganjangna”. 

4.       Ayat 15-20 .Sikap Permakan  ibas ngaloken berita e, mis ia berkat alu pedas-pedas seh maka idapetina  Maria ras  Jusuf  dingen idahna pe Yesus medem ibas pelangkah. Kenca bage iturikenna pe man kalak sideban, seh maka ibas perdalanenna mulih rende muji –muji Tuhan ia sebab enggo idahna payo bagi siikataken Malaikat Tuhan man bana.

Emaka kit ape  ibas enggo sibegi kata Dibata she man banta mislah silakoken lanai tertaren-taren, emaka sidat me kemalemen ate , emaka kita pe ibas kita enggo enggejabken kemalemen ate siturikenka man kalak sideban gelah ia pe ngaloken kemalemen ate ka ibas Tuhan (solidaritas sesame manusia guna encidahken kemuliaan Tuhan).

III.       Penutup/ Aplikasi

Dibata enggo cidahkenNa solidaritas man kita manusia si perdosa gelah kita ndatken keselamaten. Emaka kita pe harus encidahken ras ndalanken solidaritas man sesama manusia sebage ungkapen pengataken bujurta man Tuhan Yesus sebab ikatakenNa ibas Matius 25:40 : “Kai siibahanndu man sekalak si musilna I bas seninangku  enda, eme situhuna  perbahanenndu man bangku.”  Janah ibas Matius 20: 45 :..”Ku kataken man bandu : asum la kam enggit nampati kalak ibas seninangku si musilna enda, Aku kap si la isampatindu e.”

Kita si Enggo ngaloken Kristus e sebage Tuhan ras Juruslamat, marilah kita pe enggit siturikenka man kalak sideban gelah idahna dingen alokenna ka keselamaten e, jadi kinitekennta pe la pasib tapi aktif, bagi permakan kenca enggo ibegina berita e arah Malaikat mis ia berkat “ Ota lawes kita ku Betlehem, emaka pedas-pedas berkat permakan ndai.”  

IBADAH RENUNGAN MALAM PASKAH GBKP RUNGGUN PAMAH KUALA SIMEIMEI

IBADAH RENUNGAN MALAM PASKAH GBKP RUNGGUN PAMAH KUALA SIMEIMEI

KAMIS, 24 MARET 2016

I.     PERSIKAPEN

1.       Siusahaken kita kundul alu nyaman , tenang ras tetap alu bulat ukur ibas ibadahta

2.       Rende : KEE No. 205:1,2

Rehlah min o, Tuhan sikap kami krina,ersembah man baNdu jeda

Nusurlah min Tuhan, bahan sikap krina, ukur kami pe badia

O,Bapa bre gelah daten pasu-pasu, kami krina enda

           

            Tuhan Dibatanta lit bas rumah enda, nembah kita krina baNa,

            Alu kehamaten mungkuklah man baNa, kula , tendi pe kerina

            Aloken KataNa ras pasu-pasuNa, usekenNa banta.

II. KEBAKTIAN

1.      P    :   Perpulungen sinikelengi Tuhan ta Yesus Kristus, mari sipesikap pusuh ras ukurta guna reh man Tuhan Dibata guna merenungkan mulihi kiniseraan Tuhanta Yesus Kristus gua menebus dosa-dosanta.

J  :   Rende    PEE . No 116 :1-3  ( Perp. Tedis)

1. Teruh kayu silangNdu ku’ndesken geluhku,                    Ref..  SilangNdu silangNdu e kumuliaken

   Lau sumbul ke gluhen, maler kap man bangku..Ref..         Seh ku Surga me pagin geluhku terkelin

2. Teruh kayu silangNdu tergejap kelengNdu

    Desken bintang si terang si erbanca senang..Ref..

3. Teruh kayu silangNdu, LiasNdu kuinget

    I bas dalin geluhku, kelengNdu tersinget….Ref.. 

P :   Ibadahta enda sibenaken ibas gelar Dibata Bapa, AnakNa Yesus Kristus ras Kesah Sibadia.  Penampat man bandu reh ibas Yahwe nari, sinepa langit ras doni, singkawali perberket ras permulihndu genduari nari seh rasa lalap.

J  :   Rende : KEE 207 :1,2,   

1. Iuruk Golgota kuidah silangNdu                        Reff.. Reh aku Tuhan ngadap man baNdu

dosangku simajekkenca silangNdu e Tuhan.. Ref…  Yesus dudurken tanNdu alokenlah aku

2.Ku begi soraNdu erlebuh man bangku

Lah aku pe ku Golgota ngendesken geluhku..Ref

2.       Mpeteruk ukur i lebe lebe Dibata (Perp. Kundul) 

P : Marilah kita merenungken uga kita ndalani kegeluhenta  selaku anak-anak Dibata sedekah enda, apakah kita rusur ndabuh kubas dosa arah  perlakuanta entah pengkebetta ibas sikap hidupta tiap warina, arah pengerananta entah pe karna sura-suranta..?.. Sienda banci jadi karna  pencobaan-pencobaan sireh man banta..?  Emaka sanga Yesus pe  itangkap guna pakuken i kayu persilang, i peken Getsmani , Nina Yesus man ajar-ajarNa : ceda kel ateKu perban Kugejap  Maka Aku nandangi mate. Timai i jenda janah erjaga-jagalah ras Aku (Mat 26:38).

Ref :  Persan saja min silangndu, ikut terus         Mulia me kal upahndu tetap tutus

J : Rende : PEE No 87 :1-3

1.  Ngikut Tuhan kin atendu person silang

     Ola sangsi ola mbiar ikutkenlah …Ref

2.      Simbaklah min peratenndu, saber tetap          3. Kune susah tah mesera, megeng-genglah

Bujur saja ukurindu, dat me sangap...Ref          Tuhan Yesus usihenta,ikut gelah, ….Ref..

P : Berngi enda kita pulung i jenda nginget kiniseraan siidalani Tuhan Yesus guna nebusi dosa-dosanta,     …… ibas  keheningen nginget penderitaan sipaling pagit, penyiksaan, penghinaan entah pe uru-uru kalak sinialami Tuhanta Yesus Kristus…, Ia i sesah…, i hukum mate. , bagi si ikataken Nabi Yesaya, “Bali ras anak biri-biri si nandangi i geleh, bali ras biri-biri si nandangi igunting buluna, la sitik pe ia sumekah (Yes 57:3). ……..Marilah siperiksa kegeluhennta, enggo me kita erjaga-jaga ras tading ibas Yesus ibas kita ndalani kegeluhenta seh ibas  wari kedungenna ?.. ……entah kita tertunduh..?. ……Yesus erkata : “ sada jam pe la kam ngasup erjaga ras Aku..?

J  : Kami ngaku, maka rusur kami hanya menikmati ras ngayaki keriahen-keriahen ras kesenangen-kesenangen nggeluh  i doni enda janah la megiken pendilondu ibas ngenanami kiniseraan.

P+J : O  Tuhan .. alemilah  kami..

3.       Rende : SEE No 165:1,2

1.   Ku akuken me dosangku i lebe Tuhan, megati aku lalar bas kegeluhenku

     Keleng ateNdu pengarapenku, i teruh perkuahNdu malem pusuhku..2X

2.   Erlebuh aku baNdu o Yesus Tuhanku, alemi min o Bapa salah lepakku

       Kelenng ateNdu pengarapenku, tedeh ‘teku nngidah blinna perkuahNdu..2X

4.       Ertoto

5a. Ngoge Kata Dibata (Khotbah) :

5b. Perenungan diri

        Kita kerina ngataken bujur  ibas pasu-pasuNa sienggo isehken man banta kerina.  Enggo  7 minggu Passion siikuti  simbabai kita guna nginget uga Tuhan Yesus  Kristus  enggo ngenanami  kinsiseraan  sebage  bagian ibas panggilan kiniteken eme Yesus Kristus enggo ngenanami kiniseraan guna kita kerina, bage Nabi-nabi ras Rasul-Rasul si terpanggil janah siap ras rela menderita.

Uga kita situhuna ngenehen ibas kinseraan / penderitaan siinanami Kristus  e..?

Kiniseraan/Penderitaan  siinanami Yesus  guna penebusan dosa manusia i kayu persilang, Ia menderita secara fisik ( ia igudami, icambuk seh daging kulana luka-luka , erdareh, bagepe itamaken mahkota erduri  i takalna), ia pe menderita  karna itadingken ajar-ajarNa sanga Ia ngenanami kinisuin/kiniseraan,  i hina di muka umum seh maka tergejap lit perasaan itolak, seh kedungenna i pakuken i  kayu persilang. Enda merupaken penderitaan/kiniseraan si luar biasa ras labo lit   manusia si mampu menderita bagi siinanami Tuhan Yesus Kristus. Kiniseraan/ Penderitaanta lah si itanggungNa gelah kita terkelin, Ia iukum, erkiteken bekas lintangna maka kita malem.

        Guna keterkelinen kita anak-anakNa , igengkenna  kiniseraan ras kinisuin si mesangat. Ibas kiniseraan ras kinisuinna  simesangat … ibas kayu persilang  serko Yesus alu sora simegang, nina, “Eli,Eli, lama sabakhtani ?” si ertina :  “O, Dibatangku, ngkai maka itadingkenNdu Aku?..”

        Genduari  mari sirenungken  ras sitekadken ibas geluhta, ; kainge si harus silakoken  guna keselamaten  si enggo ibrekenNa man banta alu darehNa  e..?

…………………………..…………………………. Paksa teneng ………………………………………………………………………………………..

Nggit me kita ngikutken Tuhan Yesus e aminna  pe lit kiniseraan  si harus sidalani…?

……………………………………………………….Paksa teneng ………………………………………………………………………………………..

Payo bageme harusna,, sebab situhuna ,perban dosa-dosannta me maka Tuhanta Yesus ngenanami penderitaan simesangat e…. genduari mari sirenungken karna dosa ras kesalahenta ibas ndalani geluhta:

…….. dosa ibas pengerananta…… Dosa silakoken ibas hubungen man temanta…… Dosa silakoken ibas jabu,……… ibas hubungen ndehara  man perbulangen,…………. bagepe hubungen  perbulangen man ndehara,…………….. dosa selaku orang tua i tengah - tengah jabu,……….. bagepe selaku anak itengah-tengah jabu man orang tua,… bagepe man keluarganta kerina ras tetangga ilingkungennta terlebih i tengah-tengah Gerejanta  enthpe perpulugennta…………………………….

……………………………………………………….Paksa teneng………………………………………………………………………………………………

Ibas  renungen malam Paskah enda marilah sitadingken kerina dosa ras kesalahenta si enggo sigejapken ibas perenungnta e, janah lanai silakoken bas geluhta seh maka kita kerina enggo ipelimbarui janah tetap ngelakoken geluh manusia simbaru … sebage persiapennta guna ikut muat bagin ibas ibadah mperingeti kematen Tuhan Yesus Juru selamatta  i bas wari Jumat simbelin ras Lakon Persadaan Sibadia.

………………Rende : KEE  No 165 : 1,2,3…………………………………

1.Bas Ia ngenca lit kepe , kekelengen sibelin                Ref. : Tetap ukurku  tek aku baNa,

         Yesus tersilang she mate , lah aku terkelin                           Keleng ateNa mbelin kuasaNa

2.Man baNa ernalem dage begiken kataNa                              Ia njagasa geluhku kerina,

              Dimeriah tah gulut pe , tetap temaniNa                                 malemna diras Ia

3.Megegeh kal mehuli ka, sinalsal terangNa

               La gelap saja trangiNa,ku pusuh seh Ia

6.       Ertoto

7.       Pengakun Kiniteken  (Perp. Tedis)

8.       Rende  : PEE  No 70 :1-   (Persembahen)

1.

Ref : Kelengkel ateNdu aku,          Simpar kap ngaruhNdu bangku           Lias ateNdu lanai terpilasi,           Kupuji Kam tep-tep wari

Kukataken bujur baNdu, O Kam Tuhan Penebus

    Aku enggo s’lamatkenNdu arah lias ateNdu..Ref..

2.       Tergejap pasu-pasuNdu, ibas kegeluhenku

Rejeki arah dalinku, icur-curkenNdu bangku..Ref

3.       Arah perkuah ateNdu, mejuah-juah aku

Senang me kapen geluhku, kupujilah gelarNdu…Ref

9.       Ertoto karna persembahen  + Doa syafaat

10.   Rende  PEE No  84      (Perp. Tedis)

1.      

Ref: Erbuah kata nisuan,          bas kita anak Tuhan…2X

Man baNdu Yesus Tuhanku ku endesken geluhku

Nggeluh sikeleng kelengen nggit sisampat sampaten..Ref..

2.       Nggeluh sitatang-tatangen kita radu megegeh

Nggit kita ngalemi salah pusuh dame meriah..Ref..

11.   Pertoton Tuhan

12.    Pemasu-masun

Berngi enda kita kerina enggo ipersiapken Tuhan Dibata guna mengketi Jumat simbelin  bagepe ngikuti Lakon Persadaan Sibadia ,.. emaka mulihah persiapkenlah dirindu guna mengketi wari peringeten Jumat simbelin ras Lakon Persadaan Sibadia si ilakoken ibas wari sipagi i tengah-tengah Gerejanta alu dem hikmat ibas Tuhan Dibata nari , alokenlah pasu-pasu ibas Dibata nari :

“Ipasu-pasu janah ikawali Dibata kam, siang ayo Dibata ersinalsal ibabondu, janah melias ateNa ngenehen kam. Itatap Dibata ku kam janah malem atendu ibahanNa.. Amin..

Perp.  : Amin…..amin…..amin….. (iendeken)

III.    Nonton Film Tuhan Yesus persi bahasa  Karo

   

 IBADAH RENUNGAN MALAM PASKAH GBKP RUNGGUN PAMAH KUALA SIMEIMEI

KAMIS, 24 MARET 2016

I.     PERSIKAPEN

1.       Siusahaken kita kundul alu nyaman , tenang ras tetap alu bulat ukur ibas ibadahta

2.       Rende : KEE No. 205:1,2

Rehlah min o, Tuhan sikap kami krina,ersembah man baNdu jeda

Nusurlah min Tuhan, bahan sikap krina, ukur kami pe badia

O,Bapa bre gelah daten pasu-pasu, kami krina enda

           

            Tuhan Dibatanta lit bas rumah enda, nembah kita krina baNa,

            Alu kehamaten mungkuklah man baNa, kula , tendi pe kerina

            Aloken KataNa ras pasu-pasuNa, usekenNa banta.

II. KEBAKTIAN

1.      P    :   Perpulungen sinikelengi Tuhan ta Yesus Kristus, mari sipesikap pusuh ras ukurta guna reh man Tuhan Dibata guna merenungkan mulihi kiniseraan Tuhanta Yesus Kristus gua menebus dosa-dosanta.

J  :   Rende    PEE . No 116 :1-3  ( Perp. Tedis)

1. Teruh kayu silangNdu ku’ndesken geluhku,                          Ref..  SilangNdu silangNdu e kumuliaken

   Lau sumbul ke gluhen, maler kap man bangku..Ref..                Seh ku Surga me pagin geluhku terkelin

2. Teruh kayu silangNdu tergejap kelengNdu

    Desken bintang si terang si erbanca senang..Ref..

3. Teruh kayu silangNdu, LiasNdu kuinget

    I bas dalin geluhku, kelengNdu tersinget….Ref.. 

P :   Ibadahta enda sibenaken ibas gelar Dibata Bapa, AnakNa Yesus Kristus ras Kesah Sibadia.  Penampat man bandu reh ibas Yahwe nari, sinepa langit ras doni, singkawali perberket ras permulihndu genduari nari seh rasa lalap.

J  :   Rende : KEE 207 :1,2,   

1. Iuruk Golgota kuidah silangNdu                                            Reff.. Reh aku Tuhan ngadap man baNdu

dosangku simajekkenca silangNdu e Tuhan.. Ref…                           Yesus dudurken tanNdu alokenlah aku

2.Ku begi soraNdu erlebuh man bangku

Lah aku pe ku Golgota ngendesken geluhku..Ref

2.       Mpeteruk ukur i lebe lebe Dibata (Perp. Kundul) 

P : Marilah kita merenungken uga kita ndalani kegeluhenta  selaku anak-anak Dibata sedekah enda, apakah kita rusur ndabuh kubas dosa arah  perlakuanta entah pengkebetta ibas sikap hidupta tiap warina, arah pengerananta entah pe karna sura-suranta..?.. Sienda banci jadi karna  pencobaan-pencobaan sireh man banta..?  Emaka sanga Yesus pe  itangkap guna pakuken i kayu persilang, i peken Getsmani , Nina Yesus man ajar-ajarNa : ceda kel ateKu perban Kugejap  Maka Aku nandangi mate. Timai i jenda janah erjaga-jagalah ras Aku (Mat 26:38).

Ref :  Persan saja min silangndu, ikut terus         Mulia me kal upahndu tetap tutus

J : Rende : PEE No 87 :1-3

1.  Ngikut Tuhan kin atendu person silang

     Ola sangsi ola mbiar ikutkenlah …Ref

2.      Simbaklah min peratenndu, saber tetap               3. Kune susah tah mesera, megeng-genglah

Bujur saja ukurindu, dat me sangap...Ref                Tuhan Yesus usihenta,ikut gelah, ….Ref..

P : Berngi enda kita pulung i jenda nginget kiniseraan siidalani Tuhan Yesus guna nebusi dosa-dosanta,     …… ibas  keheningen nginget penderitaan sipaling pagit, penyiksaan, penghinaan entah pe uru-uru kalak sinialami Tuhanta Yesus Kristus…, Ia i sesah…, i hukum mate. , bagi si ikataken Nabi Yesaya, “Bali ras anak biri-biri si nandangi i geleh, bali ras biri-biri si nandangi igunting buluna, la sitik pe ia sumekah (Yes 57:3). ……..Marilah siperiksa kegeluhennta, enggo me kita erjaga-jaga ras tading ibas Yesus ibas kita ndalani kegeluhenta seh ibas  wari kedungenna ?.. ……entah kita tertunduh..?. ……Yesus erkata : “ sada jam pe la kam ngasup erjaga ras Aku..?

J  : Kami ngaku, maka rusur kami hanya menikmati ras ngayaki keriahen-keriahen ras kesenangen-kesenangen nggeluh  i doni enda janah la megiken pendilondu ibas ngenanami kiniseraan.

P+J : O  Tuhan .. alemilah  kami..

3.       Rende : SEE No 165:1,2

1.   Ku akuken me dosangku i lebe Tuhan, megati aku lalar bas kegeluhenku

     Keleng ateNdu pengarapenku, i teruh perkuahNdu malem pusuhku..2X

2.                        Erlebuh aku baNdu o Yesus Tuhanku, alemi min o Bapa salah lepakku

       Kelenng ateNdu pengarapenku, tedeh ‘teku nngidah blinna perkuahNdu..2X

4.       Ertoto

5a. Ngoge Kata Dibata (Khotbah) :

5b. Perenungan diri

        Kita kerina ngataken bujur  ibas pasu-pasuNa sienggo isehken man banta kerina.  Enggo  7 minggu Passion siikuti  simbabai kita guna nginget uga Tuhan Yesus  Kristus  enggo ngenanami  kinsiseraan  sebage  bagian ibas panggilan kiniteken eme Yesus Kristus enggo ngenanami kiniseraan guna kita kerina, bage Nabi-nabi ras Rasul-Rasul si terpanggil janah siap ras rela menderita.

Uga kita situhuna ngenehen ibas kinseraan / penderitaan siinanami Kristus  e..?

Kiniseraan/Penderitaan  siinanami Yesus  guna penebusan dosa manusia i kayu persilang, Ia menderita secara fisik ( ia igudami, icambuk seh daging kulana luka-luka , erdareh, bagepe itamaken mahkota erduri  i takalna), ia pe menderita  karna itadingken ajar-ajarNa sanga Ia ngenanami kinisuin/kiniseraan,  i hina di muka umum seh maka tergejap lit perasaan itolak, seh kedungenna i pakuken i  kayu persilang. Enda merupaken penderitaan/kiniseraan si luar biasa ras labo lit   manusia si mampu menderita bagi siinanami Tuhan Yesus Kristus. Kiniseraan/ Penderitaanta lah si itanggungNa gelah kita terkelin, Ia iukum, erkiteken bekas lintangna maka kita malem.

        Guna keterkelinen kita anak-anakNa , igengkenna  kiniseraan ras kinisuin si mesangat. Ibas kiniseraan ras kinisuinna  simesangat … ibas kayu persilang  serko Yesus alu sora simegang, nina, “Eli,Eli, lama sabakhtani ?” si ertina :  “O, Dibatangku, ngkai maka itadingkenNdu Aku?..”

        Genduari  mari sirenungken  ras sitekadken ibas geluhta, ; kainge si harus silakoken  guna keselamaten  si enggo ibrekenNa man banta alu darehNa  e..?

…………………………..…………………………. Paksa teneng ………………………………………………………………………………………..

Nggit me kita ngikutken Tuhan Yesus e aminna  pe lit kiniseraan  si harus sidalani…?

……………………………………………………….Paksa teneng ………………………………………………………………………………………..

Payo bageme harusna,, sebab situhuna ,perban dosa-dosannta me maka Tuhanta Yesus ngenanami penderitaan simesangat e…. genduari mari sirenungken karna dosa ras kesalahenta ibas ndalani geluhta:

…….. dosa ibas pengerananta…… Dosa silakoken ibas hubungen man temanta…… Dosa silakoken ibas jabu,……… ibas hubungen ndehara  man perbulangen,…………. bagepe hubungen  perbulangen man ndehara,…………….. dosa selaku orang tua i tengah - tengah jabu,……….. bagepe selaku anak itengah-tengah jabu man orang tua,… bagepe man keluarganta kerina ras tetangga ilingkungennta terlebih i tengah-tengah Gerejanta  enthpe perpulugennta…………………………….

……………………………………………………….Paksa teneng………………………………………………………………………………………………

Ibas  renungen malam Paskah enda marilah sitadingken kerina dosa ras kesalahenta si enggo sigejapken ibas perenungnta e, janah lanai silakoken bas geluhta seh maka kita kerina enggo ipelimbarui janah tetap ngelakoken geluh manusia simbaru … sebage persiapennta guna ikut muat bagin ibas ibadah mperingeti kematen Tuhan Yesus Juru selamatta  i bas wari Jumat simbelin ras Lakon Persadaan Sibadia.

………………Rende : KEE  No 165 : 1,2,3…………………………………

1.Bas Ia ngenca lit kepe , kekelengen sibelin                                    Ref. : Tetap ukurku  tek aku baNa,

         Yesus tersilang she mate , lah aku terkelin                                 Keleng ateNa mbelin kuasaNa

2.Man baNa ernalem dage begiken kataNa                                                   Ia njagasa geluhku kerina,

  Dimeriah tah gulut pe , tetap temaniNa                                       malemna diras Ia

3.Megegeh kal mehuli ka, sinalsal terangNa

  La gelap saja trangiNa,ku pusuh seh Ia

6.       Ertoto

7.       Pengakun Kiniteken  (Perp. Tedis)

8.       Rende  : PEE  No 70 :1-   (Persembahen)

1.

Ref : Kelengkel ateNdu aku,          Simpar kap ngaruhNdu bangku           Lias ateNdu lanai terpilasi,           Kupuji Kam tep-tep wari

Kukataken bujur baNdu, O Kam Tuhan Penebus

    Aku enggo s’lamatkenNdu arah lias ateNdu..Ref..

2.       Tergejap pasu-pasuNdu, ibas kegeluhenku

Rejeki arah dalinku, icur-curkenNdu bangku..Ref

3.       Arah perkuah ateNdu, mejuah-juah aku

Senang me kapen geluhku, kupujilah gelarNdu…Ref

9.       Ertoto karna persembahen  + Doa syafaat

10.   Rende  PEE No  84      (Perp. Tedis)

1.      

Ref: Erbuah kata nisuan,          bas kita anak Tuhan…2X

Man baNdu Yesus Tuhanku ku endesken geluhku

Nggeluh sikeleng kelengen nggit sisampat sampaten..Ref..

2.       Nggeluh sitatang-tatangen kita radu megegeh

Nggit kita ngalemi salah pusuh dame meriah..Ref..

11.   Pertoton Tuhan

12.    Pemasu-masun

Berngi enda kita kerina enggo ipersiapken Tuhan Dibata guna mengketi Jumat simbelin  bagepe ngikuti Lakon Persadaan Sibadia ,.. emaka mulihah persiapkenlah dirindu guna mengketi wari peringeten Jumat simbelin ras Lakon Persadaan Sibadia si ilakoken ibas wari sipagi i tengah-tengah Gerejanta alu dem hikmat ibas Tuhan Dibata nari , alokenlah pasu-pasu ibas Dibata nari :

“Ipasu-pasu janah ikawali Dibata kam, siang ayo Dibata ersinalsal ibabondu, janah melias ateNa ngenehen kam. Itatap Dibata ku kam janah malem atendu ibahanNa.. Amin..

Perp.  : Amin…..amin…..amin….. (iendeken)

III.    Nonton Film Tuhan Yesus persi bahasa  Karo