Liturgi Kebaktian Natal Moria PKS dengan thema : "Aku Moria simaba keriahen man bandu" ( 1 Tealonika 5:12-18)

LITURGI KEBAKTIN NATAL MORIA

GBKP RUNGGUN PAMAH KUALA SIMEI MEI

TAHUN 2017

 

Tema                 :   “Aku Moria si Maba Keriahen Kristus Man Bandu”

                                (1 Tesalonika 5 : 12 - 18)

Sub Tema        :   Natal mpersingeti Moria gelah nggeluh ibas ketetapen Tuhan, alu bage ngasup ndalanken, siajar-ajaren ibas simehuli, dingen maba keriahen i tengah-tengah jabu ras sekelewetna.

I.                    PERSIKAPEN

1.       Rende KEE 218 : 1 - 2

Nggo kenca seh ibas paksana, radu ras me kita rende k’rina

Si puji gelar ni Dibata, m’riah cawir dage ban soranta

Si bas Berita Si Meriah, perukuren tetap min ergiah

Bas si la tengka minter nilah, g’luh simbaru lah madin peturah

        Nggo kenca seh ibas paksana, sipenangkih me dage totonta

        Bersih ras bulat ban ukurta, maka serta kita bas k’rajanNa

        Si bas Berita Si Meriah, perukuren tetap min ergiah

                        Bas si la tengka minter nilah, g’luh simbaru lah madin peturah

1.       Penjelasen Kerna Kebaktin Natal ras Ngaturken siikut ibas barisen Prosesi bagepe sinagani lilin Natal (Ibabai Panitia Natal)

2.       Ertoto

3.       Kata Penaruh Kubas Kebaktin

        Senina ras turang ibas kekelengen Yesus Kristus, wari enda bengket me kita kubas Natal Moria ibas tahun enda. Siinget uga kekelengen Dibata si nggit reh ku doni enda mpeteruk baNa jadi seri ras doni enda. Janah mulahi kita ibas kuasa dosa nari si rusur mabai kita ndauh sirang ras sura-sura Dibata ras la ngasup erdame nandangi sekelewetta. Emaka radu ras kita nggejapken kekelengen Dibata e ku tengah-tengah geluhta ras jabunta gelah kita pe ipengasup guna nehken kekelengen Dibata e. Sipesikap dage pusuhta gelah bengket kita kubas kebaktin enda, sialo-alo kerehen Juruselamat e.

4.       Rende KEE 427:1-3 (Perp. Tedis; Barisen Prosesi Bengket kubas ingan Kebaktin)

                M’riah ukurta ibas wari sendah enda ban enggo tubuh Yesus Raja si Mulia

                Jurus’lamatta si nebusi dosanta, si jadi dalan rembak ras Dibata

                      Refr:    Iah dage O teman sisikapkenlah min

                                    InganNa bas pusuhta, sembah Ia dage

                                    Marilah sipuji Tuhan si tubuh e

                Kek’lengen Tuhan enggo reh ku doni enda Lias ateNa ernanam ibas pusuhta

                Alu kerehen anakNa cidahkenNa Kristus Tuhanta si njayami g’luhta         Refr:...

                                Ola min aru ola gulut p’rukurenta adina enggo reh Ia ku doni enda

                                Ia kap ndube jadi pematang g’luhta masap me k’rina  keg’luten ukurta  Refr:...

II.      KEBAKTIN

1.     Votum      :   Kebaktian Natal Moria enda ibenaken ibas gelar Dibata Bapa sierkeleng ate man doni enda, ibas gelar AnakNa Yesus Kristus simpeteruk baNa jadi seri ras manusia ras ibas gelar Kesah si Badia si mereken keriahen si tuhu-tuhu seh rasa lalap.

2.     Salam        :   Perkuah ate ras dame si rehna idur Dibata Bapa, AnakNa Yesus Kristus ras kerembaken Kesah si Badia ras kam (kita) kerina gelah. Amin.

3.     Introitus      :   “Dage adi kita anak-anak Dibata tentu sialoken nge kai si enggo isikapken Dibata guna anak-anakNa. Janah kita pe ikut dat bagin ibas kai si enggo isikapken Dibata man Kristus e, sabab adi dat bagin kita ibas kiniseranNa, dat bagin pe kita ibas kemulianNa”. (Roma 8 : 17)

4.     Rende KEE 363 :1-3

      O Kam Dibatangku kudarami dingen tedeh ateku

      Mesikel aku nandangi Kam desken taneh tenggiring si kerah

                      Refr:      Kupuji Kam kupuji Kam bas kegeluhenku

                                      Kam si mulahi aku bas k’rina kinis’ran

      O Kam Dibatangku pelepas kuidah Kam i rumahNdu

      Maka kuidah kemulianNdu, kupuji Kam ateku bas g’luhku Refr: ....

                                Kidekah umurku, aku reh ngatakrn bujur man baNdu

                      Nare tanku erlebuh baNdu, alu ende-enden si meriah Refr: ....

5.     Koor/VG

6.     Pengakun Iadepen Dibata

L              :   Ngena ate Tuhan kebujuren dingen keadilen, keleng ateNa rasa lalap ndemi doni enda.

P             :   O Tuhan mekatep kami kurang nggejapken keleng ateNdu dingen kami kurang ndalanken kebujuren ras keadilen nandangi sapih-sapih kami manusia. Tuhan alemilah kami.

L              :   Keadilen dingen kebujuren kap palas Kinirajan Tuhan, keleng ate dingen kesetian teridah ibas kerina perbahanenNa.

P             :   O Tuhan, mekuah min ateNdu kempak aku, sasapkenlah dosangku erkiteken perkuah ateNdu. Peridi kal min aku maka masap kejahatenku, urasi min aku maka masap dosangku. Ibas kesalahen kap tubuhku ndube, ibas bertin nari pe nggo aku ikuasai dosa. Ukur sipinter ras kebujuren nge si ipindoNdu, dage demilah pusuhku alu kepentarenNdu.

L              :   Dibata enggo ncidahken kekelengenNa man banta alu nuruh AnakNa si Tonggal ku doni enda, gelah kita nggeluh arah Ia.

P             :   Ngaku kami kerna kelepaken kami. Sampati kami Tuhan gelah kami nggeluh alu bujur sue ras peratenNdu.

Rende : KEE 362 : 1 – 3

AlemiNdu aku bas dosangku, alemiNdu aku bas lepakku

O Tuhan sasap min, O Yesus sasap min

Alemi dosangku...

                Si la payo dem ibas geluhku, ngaku aku baNdu O Yesusku

                O Yesus sasap min, O Yesus sasap min

                Alemi dosangku...

Ku ja nari ‘ku baba geluhku, dengkehkenNdu min pingko-pingkoku

O Tuhan sasap min, O Yesus sasap min

      Alemi dosangku...

7.     Berita Pengalemi Dosa ras Perdamen ibas Dibata nari

L        :     Desken remang erpagi-pagi, dosandu nggo kulesapken, janah salahndu pe nggo kusasapken desken embun. Emaka mulihlah kempak Aku, sabap Aku kap Penebusndu.

P       :     Kubegiken ateku Kata Tuhan, sabap nggo ipadankenNa perdamen, man banta bangsa siikelengiNa, adi nggit kita nadingken dosa-dosanta.

L        :     Sekalak anak nggo tubuh man banta, anak dilaki ibereken banta. Ia me pagi jadi pemimpinta. Ia igelari: “Penampat si Meganjangna”. “Dibata si Mada Kuasa”. “Bapa si Rasa Lalap”. “Raja Dame”.

P       :     Terpujilah Dibata ibas surga si meganjangna. Janah dame i doni man manusia si ngena ateNa.

Rende KEE 115:1,3

                         Keriahen si mbelinna sikuberiaken e             

                         Enggo tubuh si Permakan eme Tuhan Yesus e

                         Pujilah min Dibatanta ras dame dame dame man banta

                         Dibatanta si erkuah ate man kita jelma e

                                    Tuhan Yesus persadanta em isuruh Bapa e

                                    Sinasapken k’rina dosa ibas Golgota kepe

                                    Pujilah min Dibatanta ras dame dame dame man banta

                                    Dibatanta si erkuah ate man kita jelma e

8.     Koor/VG

9.     Nagani Lilin Natal    (Perp. Tedis)

L      :   “Bangsa si nggeluh ibas kegelapen enggo ngidah sinalsal si erkinar. Kalak si ringan ibas awih-awih kematen enggo isalsali terang si harhar. Enggo iberekenNdu keriahen si mbelin O Tuhan, malem ateNa ibahanNdu”

          Marilah dage sisagani lilin Natal sebage tanda maka terang e nggo reh ku tengah-tengah geluhta, ersinalsal terang Tuhan ibas pusuhta dingen nggit kita maba terang Tuhan ibas geluhta.

Rende KEE 135:1-3

        Berngi e nggo kepe Yesus reh ku doni e Nusurlah ngangkut dosanta me kin

Jadi kap musil lah sangap pagin Asa si tek Tuhan e, Asa si tek Tuhan e

                                Anak e, bujur pe singena me aku e. KiniulinNdu tadingken Kam kap

                        Bengket ku doni ;ah trang si gelap, Aku daramenNdu e, aku daramenNdu e

        Berngi e nggo kepe Tuhan reh ku doni e. padan Dibata teridah tetap.

KinikelengenNa banta me kap. Tuhan si puji gelah, Tuhan si puji gelah

10. Khotbah                                       (Perp. Kundul)

11. Pengakun Kiniteken               (Perp. Tedis)

12. Koor/VG

13. Persembahen

a.    Kata Dibata kerna persembahen

“Emaka bengket ia kubas, idahna Anak ndai ras Maria nandeNa, jenari erjimpuh ia nembah Anak e. Ibuatna erta-erta siibabana e, jenari ipersembahkenna man Anak si mbaru tubuh e, erta-erta siipersembahkenna eme: emas, kumenen ras mur”. (Matius 2:11)

b.    Rende KEE 136:1-3

              Kam k’rina si tek mari surak janah puji Pedas min kerina ku Betlehem

              Nehenlah anak tubuh man Tuahta Mari kita nembah, mari kita nembah,

              Mari kita nembah man Raja

                                    O Raja mulia sinjujurken krina La mela Kam kundul ibas ampun

                                    Kam me Dibata mula-mula nari Mari kita nembah, mari kita nembah,

                                    Mari kita nembah man Raja

        Kam k’rina malekat pujilah man Tuhan Ersurak, ersurak man baNalah.

Puji Dibata I surga, I doni Mari kita nembah, mari kita nembah,

Mari kita nembah man Raja

c.     Pertoton Persembahen

14. Koor/VG

15. Pertoton Syafaat

16. Tekad/Komitmen                    (Perp. Tedis)

L              :   Tadingken kejahatan, lakokenlah kai si mehuli, bulatkenlah ukurndu erbahan perdamen.

Moria    :   Erpadan kami Moria Tuhan guna ngkelengi kebenaren, mpedauh si jahat janah makeken KataNdu ibas gedang-gedang geluh kami, gelah dame ras ketenengen jadi sikerajangen kami.

 Rende KEE 257 : 1,6

Reff               Siberitaken Berita Si Meriah,

                        Ku kalak latih, si ndele tah pe lolah

                        Bas si la payo kerina banci robah

                        Adi Dibata si mb’reken serpang luah

Enterem denga kalak si kelsehen

Perbahan jumpa rusur kebiaren

Piah lanai bo ‘tehna pe tumburen

Ndaram-ndarami ingan man tundalen. Reff.

                        Tuhan Dibata keleng ‘teNa k’rina,

Maka diloNa jadi rarasenNa

B’rita Si M’riah kita pembarkenca,

                                    Tentu terpuji gelar ni Dibata. Reff

17. Pertoton Tuhan

18. Pemasu-masun

L          :   Berkatlah kam ku kegeluhendu (ta) sekalak-sekalak, gejapken keleng ate Dibata ras sepengodak sepengole kam ngkelengi teman manusia. Guna mpegegehi kam (kita), aloken pemasu-masun Tuhan Dibata. “Dibata si mada perkuah ate, si nggo nenahken kam (kita) ku kemulianNa si rasa lalap ibas Kristus, njadiken kita (kam) serta, tetap megegeh dingen paguh. Ia nge si mada kuasa she ras lalap. Amin.

Perp. :   A…min, A…min, A…min

III.                VARIA NATAL

lITURGI NATAL MORIMAR, THMA : KERIAHENKU EME NDALANKEN SURA-SURANDU ( MASMUR 51: 12-17) DENGAN SUB THEMA : Ketubuhen Kristus jadi keriahen

Liturgi Kebaktian Natal Morimar GBKP RUNGGUN PAMAH KUALA SIMEI MEI

Tahun 2017

Thema                  : Keriahenku eme ndalanken sura-suraNdu (Masmur 51:12-17)

Sub Thema                         : Ketubuhen Kristus jadi keriahen man moria-mamre ibas ndalanken sura-sura Dibata. Ras mpengasup Morimar guna jadi saksi ibas doni enda enda.

I.                    Persikapen

1.       Mpelajari ende-enden si lit ibas liturgi natal si ibabai MC

2.       Pengarahen kerna tata ibadah ras si muat bagin ibas kebaktin natal

3.       Kata penaruh kubas kebaktin (ibabai sekalak serayan Tuhan, pt/dkn)

Mejuah-mejuah man banta kerina senina ras turang ibas Kristus Yesus. Salam sejahtera man banta kerina ras ikataken kami selamat natal. Natal eme wari mperingeti wari ketubuhen Tuhanta Yesus Kristus, ija kita pe ibabai guna tetap nggejabken maka Kristus Yesus e pe nggo tubuh ibas kita. Janah arah ketubuhenna e kita kerina ipengasup guna nehken kekelengen  man sekelewetta. Khususna kita pe ngasup encidahken kekelengen nandangi pasangen geluhta rikut ras isi jabuta.  Marilah sipesikap ukurta ibas mbengketi kerna kebaktian natal Morimar tahun enda.

4.       Rende KEE 123 :1-2

Ketuahen meriah ukur me

Ketubuhen ni Yesus e

Sangap me jelma reh me Tuhanta

Mari surak aleplah haleluya

Ketuahen me riah ukur me

Ketubuhen ni Yesus e

Malem me ateta rdame ras Dibata

Mari surak aleplah haleluya

II.                  Kebaktin

1.       Votum : Kebaktin Natal Morimar Enda ibenaken ibas gelar Dibata Bapa sinepa langit ras doni, ibas gelar Yesus Kristus si nggo mpeteruk Bana jadi seri ras manusia ras ibas gelar Kesah Si Badia si mpengasup kam (kita) ndalani kegeluhen enda

2.       Salam                    : Perkuah ate ras dame ibas Dibata nari ras ibas Kristus nari ras kerembaken kesah si Badia ras kam (kita)kerina gelah. Gloria

Perp                      : Glo...ria       Glo...ria        Glo.........ria  (iendeken)

3.       Invocatio             : Tapi genduari rahasia e enggo tangkas arah kai siisuratken nabi-nabi. Janah erkiteken pedah Dibata si rasa lalap, rahasia e ipebetehken pe man kerina bangsa, gelah kerina banci erkemalangen erpalasken kiniteken man baNa (Roma 16:26)

4.       Rende   : KEE 348 :1,3

Ersembah perlu ibas doni enda, e desken bingke bas kegeluhenta

Ersembah pedah kata Dibata pehaga Tuhan bas kegeluhenta

                Ersembah kita bas perpulungenta,pehaga Tuhan si mada geluhna

                Ersembah labo pesenang ukurta si sembah Tuhanmpehaga gelarNa

5.       Koor/ V Group

6.       Berita kerna natal

L              :  Sebab nggo ipetangkas Dibata lias ateNa guna keselamaten manusia. Lias ateNa e ngajari kita nadingken kegeluhen si la ngena ate Dibata ras sura-sura doni. Gelah nggeluh kita ngkuasai dirinta, bujur dingen si sembah Dibata alu kegeluhenta i doni enda. genduari kita nimai wari kemalemen ate si iarapken kita eme sinalsal Dibata si mbelin ras si ngekelini kita jesus Kristus. Enggo iendeskenNa diriNa guna kita lako nebusi kita ibas si jahat nari jenari ibahanNa kita jadi sikerajangenNa, jadi bangsa si bersih si mesikel erbahan si mehuli (Titus 2:11-14)

P             : Bujur Tuhan ibas keleng ate si isehkenNdu man kami. Ajari dage kami guna ngasup ncidahken kekelengenNdu e ibas kegeluhen kami

7.       Rende  KEE 432 :1-2 “KataNdu Tuhan”

KataNdu Tuhan sehkel ergana, KataNdu Tuhan sehkel Ulina

Ergan asa emas ras permata, ulin asa erta doni enda

Reff Ajarilah Tuhan kami ngergakenca, Ajarilah Tuhan kami ngertikenca

Ajarilah Tuhan kami ngalokenca, Ajarilah Tuhan kami ndalankenca 

KataNdu Tuhan petetap ukur, kataNdu Tuhan paguh la mugur

Eme ngenca si la pernah luntur, kataNdu eme kupake rusur Reff

8.       Koor / V Group

9.       Nagani lilin natal

Mari dage sisagani lilin natalta si jadi tanda man banta maka terang e nggo reh man banta si mpengasup kita guna jadi Mamre ras Moria si ndalanken sura-sura Dibata. Rende KEE 135 :1-3 “Berngi e nggo kepe”

Berngi e, nggo kepe, Yesus reh ku doni e.

Nusurlah ngangkut dosanta me kin, jadi kap musillah sangap pagin.

Asa si tek Tuhan e, asa si tek Tuhan e.

                                Anak e, bujur pe, Si ngena me aku e.

                                KiniulinNdu tadingken Kam kap, Bengket ku doni la t’rang si gelap.

                                Aku daramenNdu e, Aku daramenNdu e.

                                Berngi e, nggo kepe, Tuhan reh ku doni e.

                                Padan Dibata teridah tetap, KinikelengenNa banta me kap.

                                Tuhan sipuji gelah, Tuhan sipuji gelah.

10.   Khotbah

11.   Pengakun Kiniteken

12.   Koor/V.Group

13.   Persembahen Pengataken Bujur

Genduari ibereken kesempaten man banta guna ersikap ngendesken persembahen pengataken bujur man Dibata. kata Dibata si jadi palas ibas kita ersembah ibuat ibas 2 Korinti 8:9 IetehNdu kuga liasNa Tuhanta Yesus Kristus maka aminna bayak pe Ia ipemusilNa baNa gelah arah kemusilenNa e jadi bayak kam

Rende KEE 444:1-3 “Lit Paksana Merdang”

Lit paksana merdang lit ka paksa peranin

Lit paksana ngadi lit ka paksa erdahin

Kerina erpaksa-paksa nggeluh ibabo doni

Tapi katawari gia Tuhan saja sipuji

Amin gia kita paksa senang tah suin

Ula min erleka kempak Yesus me madin

Marilah sipuji Tuhan je me ingan pengadin

Adi sirang ras Dibata labo banci terkelin

Jumpa pencarinta ban sampur pemereNa

Sikataken bujur ras ermengakh ateta

Perkuah ate Dibata la kap erkeri-kerin

Marilah sipuji Tuhan si dem bas kiniulin

14.                                        Pertoton persembahen ras Syafaat

15.                                       Koor/V Group

16.                                       Responsoria       :Tekad Natal

L                              : Tuhan Dibata nggo mereken perkuah ateNa man banta manusia, erkiteken kekelengenNa arah ketubuhen Yesus ku doni enda.

Moria                    : Meriah ukur kami Tuhan ibas ngaloken ketubuhen Yesus Kristus ias kegeluhen kami janah ate kami pe ncidahken keriahen ukur kami e nandangi sekelewet kami.

Mamre                 : Kami pe meriah ukur kami Tuhan ibas berita natal si nggo ibegiken kami. Pengasup dage kami nuduhken kekelengenNdu nandangi isi jabu kami bagepe nandangi sekelewet kami

L                              : Emaka ertambah-tambahlah keriahenndu ibas natal tahun enda gelah reh pentarNa kam ndalanken sura-sura Dibata ibas kegeluhenndu

Morimar              : Bujur Tuhan nggo sikap kami kerina guna ndalanken sura-suraNdu ibas kegeluhen kami. Bahanlah ukur kami tetap meciho dingen sampati kami ngerana gelah ipuji kami kam ibas geluh kami.

L                              : Dalanken dage sura-sura Dibata ibas geluhdu.

P                             : Bujur Tuhan, natal tahun enda ibahan kami jadi penjemba ibas geluh kami guna ndalanken sura-suraNdu ibas geluh kami

L+P                         : Amin  

17.                                       Rende KEE 443 :1-2

IbrekenNdu kapen umur si nggedang

penampat man bangku labo kap kurang

tiap-tiap wari brekenNdu gegeh

bas ngaturken jabu brekenNdu pemeteh

Reff Krina kita muji gelar Tuhanta

Alu ukur tutus puji haleluya

La kap terbelasken kerna liasNdu

Simpar seh man bangku kekelengenNdu

Ateku o Tuhan ras pe jabungku

Tetap nembah baNdu kidekah gluhku Reff

18.   Pertoton Tuhan

19.   Pemasu-masun

L                              : Mulihlah alu dame ras mejuah-juah janah tetapkenlah ukurndu ge;ah kam jadi Moria ras mamre si ncidahken keriahen ukurndu ibas bdalanken sura-sura Dibata. guna mpengasup kam alokenlah pasu-psu idur Dibata nari : Ipasu-pasu janah ikawali Dibata kam, siang ayo Dibata ersibalsal ibabondu janh melias ateNa ngenehen kam, itatap Dibata ku kam janah malem atendu ibahanNa. Amin

P                             : Amin........Amin.......Amin

III.                Perayaan Natal